بنات بليز ساعدوني :(حبوب الحديد )

[jasmin90]

سويت تحاليل وطلع فيني فقر دم
ابي اي حبوب حديد اتكون مضمونه واحد امجربهاا
لاني احس بدووخه وما اقدر اوقف على حيلي وكلا ابي اناام :0bee2e8d89::0bee2e8d89:

 

[كوارين]

رد: بنات بليز ساعدوني

انا فيني فقر دم حاط واخذ تراي هميك

 

[عطر الورد]

السلام عليكم

ماتشوفين شر

وحبوب تراي همك Trihemic

رووووووووووووعه

وتلرفع نسبة الدم بسرعه

خذيتهم وانا حامل رفعت نسبة دمي حيييييل
بس لازم يوميا حبه لاتنسين يوم
حطي منبه

وبتشوفين النتيجه

 

[مشاعل الرياض]

تبين نصحتي انا كنان عندي فقر دم وشاحبه وحالتي حاله
عطاني الدكتور كبسولات حديد اسمها فيفول تجنن

 

[jasmin90]

حباااابيبي مشكوورين وتوني القى المووضوع شريت حبووب تراي همك وبجربهم ان شاء الله من بااجر

 

[غربــــة اِحساس]

حبوب تراي هيميك

اخذي حبة يوميا بعد الاكل

وشربي معاها عصير برتقال عشان يزيد امتصاص الحديد

 

[nazek_q8]

بس سألي عن الحبوب اللي ماتسببلج امساك لان عيب الحديد يسوي امساك

 

[miss_math]

ما تشوفين شر

بس عادي تأخذين حبوب من غير استشارة طبية ؟

 

[تنآهيد ..~]

مآتشوفين الشر إن شآء الله ~

 

[(كويتيه عسل)]

خلي الدكتور يوصفلج كبسولات الحديد اللي تناسبج
وجم كمية الحديد بالجرام على حسب تحاليلج

بس ديريبالج تاخذين حبوب الحديد مع حليب او تاكلينها وتكونين ماكله قبلها شي فيه حليب مثل اجبان او روب

دايما اخذي الحديد مع ماي واذا تبين تستفيدين اكثر اخذيهم مع عصير ليمون او برتقال واذا اكلتي لحوم حطي ليمون

لان الليمون والبرتقال يمتص الحديد بسرعه ويقضبه مايخليه يروح وينزل تكرمين مع الفضلات

وكثري من الكبده وللحوم الحمره والخضار مثل البقدونس والرويد ونعناع وهالسوالف

ولاتشرين شاي عقب الاكل الا بعد 4ساعات لان الشاي يكسر الحديد اللي اكلتيه

واذا اخذتي كورس حبوب الحديد كثري من السوائل خصوصا المااي ولا بيصير فيج امساك

والله يشافيج حبيبتي :aha:

 

[sowsan]

وهالحبوب توقف تساقط الشعر؟

 

[مس روبنز]

أكيد