بنات بليز شورو عليي

[HeR HiGHNeSs 90]

قوه بناات





حبايبي بليز ابيكم تقولولي شرايكم

انا وخواتي الثنتين اكبر مني احنا الوحيدييين يمكن من بنات الكويت الي مافكرنا بمشروع شي لانه مو ابالنا مع انه عندنا وقت فراغ ورفيجات امي كله يقولون لها شفييهم بناتج مايسوون بزنس شي يقضون وقتهم ويربحون

ف الحين فكرت بجم مشروع والي انشاله بستقر عليه اكسسوارات الشعر مثل شباصات والتيجان الي هابين فيها وطبعن الاسعار ماراح تكون مبالغ فيها لانه الحمدالله مو محتاجين وداشين الشغله تقضيه وقت وبنفس الوقت ربح
ف شرااايكم اتوكل على الله ونبدي المشروع انا وخواتي يعني نشارك بمعارض وجذي ؟؟؟ يعني تشوفون هل شي ماشي هل اياام؟ وبسسس

 

[أنوثهـ حتى الثمالهـ]

دام الربح المادي مو هاجس عندكم وانتم فعلا عندكم موهبه وحابين الشغله جربوا وشوفوا شيصير

 

[أحب بابا جابر]

جربي اول شي ب سامبل خليه يفتر على الناس اللي حوالينج سواء بالدوام او من معارفج جسي النبض شوفي رايهم بالبضاعة ك شي مبدئي
لان المعارض الطاولة وايد اجارها بالنسبة لربحية بضاعة بسيطة وسعرها مو غالي مثل الشباصات
ف ممكن حتى لو ربحتي ما تغطين سعر اجار الطاولة
يعني لا تنزلين معرض لين اتسوقين حق بضاعتج عدل عدل بحيث ان الناس كلها اتعرفج وتثق فيج لا شافوج بالمعرض
واهم شي البريسنتيشن
انشالله اكون فدتج

 

[مسك حياتي]

سئلي مجربه اهو كمشروع حلو بس شوفي لازم اذا اشتركتي بمعرض يكون ع مستوى وعليه اقبال مو اي معرض

وثاني شي خلى اكسسواراتج فيها لمسه خاصه فيج يعني فناتك يعني مو تقلدين سوي شغلات غريبه الناس ما تبي شي مكرر تبي مميز


ثالث شي سوي شغلات فيها اسامي واحرف البنات يحبون هالسوالف وانا اولهم طبعا اوردرات تحطين عينه عالطاوله وتقولين حق الزبونه

اذا تبين اسويلج باجر يكون جاهز يعني مثل مداليات تلفون ع اسم الزبونه او اساور هم عالاسم او بروشات اتمنى اكون فدتج بخبرتي البسيطه

واتمنى لج التوفيق يا رب

 

[الـكـحـيـلـه]

من رايي ياحلوه اول شيء لازم يكون هذا موهبه عندج او يكون شيء تحبين تسوينه

علشان تقدرين تعطينه حقه يعني اذا شفتي الاكسسورات شغله حلوه ومسليه اوكيه

بس قبل لاتعرضين وتفتحين باب البزنس جربي تسوينه ووريه لرفيجاتج واهلج اذا عجبوهم

تقدرين تفتحين المشروع وانشاء الله ماتذوقون طعم الندم في هالمشروع والله يوفقم