بنات بموت من الحره نخييتكم دشووو لاتردوني

[|مـلاكـ|]

واااي بنات بموت من الحره موعارفه شسوي

شووفو بنات انا الحمدالله موناقصني شي جميله وكامله والكامل الله سبحانه بس صارلتي نفسيه بالمدرسه واايد اكشخ واخب عمري< الاخت تحب الزين لوول تدرون مطيريه لازم تكشخ سوالف اجمع معجبات شخباري ههههااي واي انا محتره شكو اضحك< رقله
المهم وقفت دراستي ب10 عدت السنه وقلت ماابي اكمل والسنه هذي مفروض متخرجه يعني بعد جم شهر ادش18
الزبده انه ولد خاالي خطبني اكبر مني ب2 سنتين
بصراحه ماعليه قاصر يعني حليييو وحبووب وموظف بالحرس وعاااشقني من كنت صغيره يموت فيني دايم يقول لاااهله ابي ملاك

وامه دايم تقول ولدي يبيج
وبصراحه امه قطعه قمه بالاخلاق والطيبه لي درجه احسبها حسبه امي واهي حيل مع امي
وخالي ماعليه قاصر وحبوب يعني الحمدالله كل شي تمام


الزبده انهم جو خطبوني رسمي قبل اسبوع وابوي موافق مع امي
بس تتوقعون منو رفض!

جدي

واي بنات بموت وربي جدي ابو ابووي يقول لا ملاك لعيال عمها شخباري وااااي وانا ماابي عيال عمي بصراحه 2 اخلاقهم موشي الله يستر عليهم وو1 اصغر مني ب6 شهور

بنات انا ابي ولد خالي تخيلو خالتي عندي بالواتس اب كلمتني قالت والله تضايقنا حتا امي بعد بجت تخيلو لانهم بيحرونها اهم مايحبون امي وعلاقتنا موشي كلش وقالت خالتي حتا ولدي تضايقً وقال والله محد ياخذها غيري

بصراحه انا ابيه وهم مرتاحه عند خالتي واحسها فااهمتني حيل وربي دموعي ع خدي ومتضاايقه وابي اتزوج
قولولي شسوي بنات ابيه ماابي يضيع من ايدي والله بدعيلها للي تساعدني والله يووفق الكل

 

[قانون كـيفي]

ببساطه قولي لابوك

لا تتوقع بيوم اني راح اوافق على اولاد عمي

ولد خالي انا استخرت وارتحت له

واذا ما تبغا تزوجني ولد خالي اوكي سوا الي تبغون

بس زواج من اولاد عمي لا والف لا

ترى يا يبه انا الي بعيش مع زوجي مو جدي

 

[|مـلاكـ|]

تسلمين ع الرد

بس شكو حاطين ان الموضوع منقول اول مره اكتبه بالمنتدا شسالفه مضيعين

 

[دلع روز]

لازم تتجرئين شوي وتقولين لابوج
يبه ترا هاذي عشرة عمر ومستقبل
لازم تفكر بمستقبلي مو تسمع لفلان وعلان وبنتك الي من ظهرك ماتفكر بمصلحتها
قولي انا نفسيا مو متقبله عيال عمي ومو مرتاحه وصعبه اتزوج واعيش مع واحد مو مرتاحتله
كله عشان جدي يفرح
قولي انا استخرت ومرتاحه لولد خالي
وكم كلمه حنونه مع دمعتين بتزبط امورج
ولاتنسين قبلها ادعي وصلي قيام الليل انه ربي يخلي ابوج يتقبل كلامج ويوافق

 

[7elwa&3soola]

حبيبتي واااجهيهم كلهم جدج فهميه وقولي له عيال عمي اخوااااني يحرمون علي مابيهم معتبرتهم اخواني مستحيل لو اعنس ماخذهم
نظرتي فيهم اخويه

وابوج قولي له يبا ابي ولد خالتي مابي عيال عمي وهذا انسان زين ومرتاحة له وخلي امج تقنعه واذا كان في احد يقدر يقنع جدج

حاولي تكلمينه وحبيبتي نصيحه صلي استخاره انتي ماتعلمين الغيب يمكن يضرج بعدين او يريحج

الاستخاره ثم الاستخاره ومن استخار الرحمن ماخاااب

والله يوفقج يارب

 

[|مـلاكـ|]

ياروحي انتي ابشري بصلي الاستخاره وتسلمين ع النصيحه

بس ابوي مايبي يكسر كلمه جدي وابوي عباله اني ماادري عن الخطبه كلش

 

[الزيـــــ^^ـــــن]

قولي لابوج يبا هاذي عشره عمر مويوم ولايومين يعني اذا اخذت ولد عمي
علشان أرضيك بس وحياتي ماراح تستمر وياه لأني مومتقبلته من الاساس
يعني بردلك مطلقه لاسمح الله وترضاها يايبا وبتصير مشاكل بينكم وتتكارهون
وولد خالي انته عارفه اخلاق وو........ ،. يعني ان شاءالله بعيش سعيده معاه
دام اهو شاريني ويبيني عن قناعه هذي حياتي انا وماتوقع تبي تعاسه بنتك

الله يوفقج*

 

[lferj]

انا اوفق الزيـــــــن​

 

[اصيله بنت البدو]

مبروك يابنت عمي وانا اختج خذي قاعده امر المؤمن كله خير ومثل ماقالو الاخوات
تهيئن نفسج وتروحين للاابوج وتقوليين كيت كيت كيت بس يكون مقنع ومعاج امج
تكون الدافع معاج وقولي الاول والاخير انا بتزوج مو اهما والله يوفقج ويتم عليج
ويكتبلج اللي فيه الخير

 

[ام زهقانه]

يا اختي لا تخافين ما راح تعرسين الا برضاك حتي الي يملك لازم موافقة البنت

 

[•Brown•Sugar•]

لازم تتجرأين لو مره وحده بحياتج لاتسكتين وتقولين استحي
انا طول عمري مالي حس بس يوم خطبني زوجي كل اهلي رفضوا
الا انا قلت يا هالمركب يا ما اركب وسويت فلم مصري ودموع صناعيه
والكل استغرب من جراءتي لوول وتزوجته الحمدلله

 

[جوانا2010]

الله يكتب لك اللي فيه خير لك ويوفقك حبيبتي...........
صلي الاستخاره وادعي ربك وكلمي ابوك وخلي امك تساعدك وان شاءالله مايصير الا كل خير.........
وطمنينا اش يصير معاك .......

 

[القلعة الذهبية]

اذا لج نصيب فيه راح تاخذينه الله يكتبلج الي فيه الخير

 

[زهراء 24]

انشالله يكون من نصيبج​

 

[Beautiful soul]

الزواج عمر بلا جدي بلا بطيخ وين قاعدين الشايب العود يتحكم ذكرتيني بجدي حكم على عيال خوالي ياخذون بعض والحين كلهم منفصلين والضيحه الجهال
قولي حق امج لانها اقرب لج خل تقول حق ابوج ولد عمي على عيني وعلى راسي زواج ماني متزوجته
نصيحه شي مو مقتنعه فيه لاتسوينه واللي فيها فيها

 

[برستيجي مآركة]

اول شي ياحبيبتي استخيري ربك ماتدرين وين الخيرة فيه وعسى ان تحبوا شيئا وهو شر لكم..
عليك بالاستخارة واذا ابوك مايدري عليك بأمك امك اقرب لك اكيييد من ابوك وبتفهمك وبتوقف معك خاصة انه ولد اخوها وانتي اقنعيها وخليها تقنع ابوك وتقوله ان البنت استخارت ان شاءالله وهي تبي ولد خالها ماتبي ولد عمها وعشان يقنع جدك هذه حياتك انتي اللي بتعيشينها والزواج عشرة عمر...والله يوفقك ياحبيبتي ويرزقك باللي فيه خير وصالح لك...

 

[دلع العتبان]

شوفي قلب نصيييييييييييييييحه لاتاخذين احد وتتزوجينه على حساب نفسج ولا على شان خاطر احد هذا زواج وقسمه ونصيب وتبين تعيشين معاه طول عمرج فكري وكلمي جدج لو لزم عادي لاحياء في الدين

 

[|مـلاكـ|]

واي بنات جزااكم الف خير انا بحااول وانشاءالله خير

وخالتي كلمتني امس قالت انها كلمت ابووي وقالت له ليش ابوك رفظ قالها والله كان مزاجه مووشي وانا بصراحه ابي بنتي عندكم ووعدها انه راح يكلم ابوه مره ثانيه


تكفوووووووون ادعووووولي طلبتكم

 

[YA B3DHUM]

شخباري
البنت ما تاخذ الا ولد عمها اي عصر عايشيين ؟؟؟؟
يبه الكلمه الاولى والاخيره لج لا تخلين شخصيتج ضعيفه
وقولي لابوج اعتبرهم مثل اخواني ومااتصور واحد منهم ريلي
انتو ترضون الريال ياخذني ويتلعوز معاي لان ماابيه ومعتبرته مثل اخوي

انا جذي سويت لمى ولد عمي خطبني الحمدالله ابوي اقتنع قالي مااظلم الصبي
دامج ماتبينه وماوافقو

 

[Tom ♥ Jerry]

.

قولي حق ابوووج
و خل آمج بعد تكلم آبوج