بنات تعالوا بنشوف اراكم في موضوع ال......

[جوك احلى جو]

عمليات التجميل لاصلاح عيب خلقي لكن اذا البنت حلوه ومافيها عيب ليش تسوي تجميل راح يصير تقبيح

 

[Big L]

لا والله ما أأيد كلش إلا في حالات معينه "عيب خلقي" أو بسبب حادث الله يحفظنا
الله سبحانه خلقنا في أحسن صوره..حرام اللعب في خلقة رب العالمين
والمكياج مكفي و موفي

كفت ووفت

​

 

[ياعشيري جعلك السلال]

الوجه صراحه ما ايد لان مهما تسوي عمليات مايصير شكلها حلوو سبحان الله

اما الجسم عادي

 

[Stylista_Q8]

أول شي هذي هبة من هبـآت لكويت

ثاني شي تقليد أعمى حق الاجانب ولا احنا من متى عندنا هالاشيا ؟!

ثالث شي >مطولة اللسته لووول< انه حراام و حتى لو شفايفها حييل ضعاف ربي خلقها جذي

وعارف انه حلو عليها والجسم اصلن مو ملكنا معروف هالشي ملك لربنا و باجر بيحاسبنا عليه

رابع شي عمليـآات التجميل معروفة انه ادمااان Once you start you can't stop !! فشلي حادنا

ع الخساير :0bee2e8d89:

أخر شي أنا ضد ضد ضد إلا إذا كان عيب خلقي ومأثر في البنـت وبنفسيتهـآا > أقول هالحجي من تجربه

ومشكوورة ع الموضوع ^^

 

[أم خـــدود]

الصراحه اذا الشخص فيه عيب ومخرب عليه ومتعب نفسيته عادي

بس اذا دلع لاحرام



وانا والله ياوخيتج اذا كبرت بسوي تشديد هههههههههههههههههههههههههههههههههههههه :dddds::dddds:

 

[Rock & Zoza]

انا مو ضد عمليات التجميل اذا ما كانت over
يعني بتعديلن خشمج .. بتكبرين براطمج .. بتشدين جسمج .. اوكي , بس بإعتدال و بالشكل المعقول
مو نفس شيماء علي ( استغفر الله )

 

[داريني]

يقولج من بقى عافيه على عافيه زاده الله سقما
الي ما تحتاج ماله داعي تسوي ماكو انسان كامل
والي تحتاج تسوي على قد حاجتها مو شي يسحب شي

مثل وحده اعرفها الله يهديها سوت خشمها لانه كان مفرووش على قولتها
وبعدين طمعت تفخت ويها وبراطمهاا وعدلت مره ثانيه خشمهاا

طمست ملامحها عدل حتى لما حملت صار ويها مدغدس حساافه عليها والله

 

[المـــــها]

ما أايد عمليات التجميل نهائياً .. إلا في حالات العيوب الخلقية ( الشفة الأرنبية و بعض الحالات الأخرى )
أما وحده خشمها مو عاجبها كبير ولا منقار ولا... و اتقول هذا عيب خلقي ... لأ .. هذا اسمه تجميل ..
ما أدري اهي مسألة ضمير و إرضاء الله .. لأن الله خالقنا جذي ..

 

[كوارين]

انا معارضة بشدة
اكيد خلقة الله احلى
بس اذا في عيب خلقي او شي تشهوة نتيجة حادث او حرق طبعا عادي

 

[زبــــــــدة]

اللي ماتحتاج ماله داعي يعني

يعني انا مع وضد بنفس الوقت

مع اللي تحتاج او فيها شي...وضد اللي تمشي ورا الموضه بهالاشياء

 

[يمة يادلبي]

انا اول كله أفكر اني بسوي خشمي
بس عقب ماشفت سعاد عبدالله غيرت راييي
المرة من عملية التجميل معنها عملية وحدة بس كل ماكبرت كل مانفرش خشمها أكثر فعشان جذي عيرت رايييي لأن لازم ارضى بخلقة ربي

وهالايام وايد امصخينها خصوصا العيايز الي يسون تفخ ونفخ وشد شكلهم يصير حدة مصخرة

 

[أحلى عسل]

أأيد ،،
عادي
وثانكس عالموضوع ,,

 

[اهواك بلا امل]

اذ شى مخرب عليها حيل مافيها ىشى
بس انا ماسويت ولا افكر اسوى

 

[لـولـو الحلوه]

ما أيد لانها حرام شرعا

ومستحيل اغضب ربي عشان اشوي وناسه

 

[جاليسا2007]

والله اناا ماااايد بس اذا حق عيب خلقي مافيها شيء....

شكرا لطرح رايج
نستمع لباقي الاراء

 

[Anwaar]

أنا من شديدين المعارظين

أولا حرام

و ثانيا المغنيات صارو كوبي عن بعظ

 

[غلاك اش فادني فيه]

لا ماا أيد عمليات التجميل الا اذا كان فيه سبب تشوه ولا غيره
لان الله سبحاانه خلقنا في اجمل صووره فليش ألعب بخلقتي
وعمليات التجميل محرمه الا اذا في سبب تشوه وغيره فماله داعي اني افكر بعمليات التجميل

ويعطـــــــيج العافية

 

[Queen eldl3]

انا ما أأيد كلـــــــش

اذا عيب خلقي يفضل انها تصبر ... ومأجوره ان شاء الله

الانسان ياخذ اجر كبييييييييير اذا صبر وهذا ابتلاء من رب العالمين

اذا مب قادر يتحمل ... ومأثر على نفسيه واايد ممكن يسوي العمليه

بس اذا لمجرد تكبير شفاه او تخبير خدود او ماعرف شنو

لا طبعا لان حراااااام ويعتبر اعتراض على خلقة رب العالمين

كان الانسانه تقول ليش ياربي خلقتني جي بروح اغير شكلي استغفر الله

 

[هيوونه@]

لا طبعا ما اايدها
لانج اذا فتحتي هالباب ماراح يتسكر كل شوي بتسوين عمليه
ولعب بخلقة ربي
اذا محتاجه ما عليه
لكن اللي بتجمل قصدي اتقبح لان وايد عمليات ما تنجح
وتقول ياريت اللي جرى ما كان

 

[جاي أخضر]

أنا بالنسبة اللي كل شخص حر بجسمه واللي مو عاجبة شي خل يعدله
بس عاد في حدود المعقول
مو تصيرين مثل شيماء علي
تخرع الأوادم
يعني تراعي الذوق العام
والثقة بالنفس حلوة وايد وعشان تتميزين بشكلج مو تصيرين كوبي من أحد ثاني لأن كلكم مراجعين نفس الدكتور