بنات تكفووووووون شنو علاج الثعلبه بشعري ؟؟؟؟؟؟؟؟ جزاكم الله خير

[راعية الخير]

بعد عمرى الله يشافيج انشاالله عليج وانتى بكرامه بول البعارين وحده ابوحده طبعا هل الشى عن تجربه تقبلى مرورى

 

[دلع شاعر]

الله يشفيج ان شاءالله ..

نصيحه لا مرهم ولا شي هذا قالها لي عطار يمني برض المعارض
الثوم الذكر علاااااج لثعلبه حتى قالي اذا تعرفين احد فيه ثعلبه اشتريه واهديه له والله بيدعليج .. شووفي دووريه عند العطارين واذا ماحلتيه اهو بيجي بارض المعارض بشهر 2 .. وان شاء الله تحصلينه .. على فكره ترى شكل الثومه واحده بس مو مجموعه نفس العاديه ولونها ابيض عى بيج وحجمها صغير .. ان شاءالله اني فدتج . انتبهي الثوم الذكر مو الثوم العادي . ولاتنسيني بالدعاء اني ربي يناولني مرادي

 

[om wahabi08]

صباح الخير
اختي في معالج في الفحاحيل والله اغلب الناس تروحله ويطلب منج تحاليل بعد اذا تبينه ادور لج رقمه

 

[سراي اللواوين]

حبوبة عندج خل التفاح وايد زين بعد

 

[**كتكوته الحلوه**]

حبيبتي آنه ماعندي غير انه في بالمنتدى موضوع عن مساعدة لعلاج البهاق وداخل فيه سايت لموقع مركز الوطني لعلاج البهاق والصدفيه وداخل فيه اهمن امراض جلديه بالرياض وحده اكتبته جزاها الف خير دشي وشوفي لانه الثعلبه تبع الامراض الجلديه والله يشافييج ويعاافييج وبقولج شييي حبيبتي اقرى سورة البقررره واللللللللللللللللله نصيييحه اقريهاااا علطول علشا ربيي يفرج همج قولي آميين انشالله ويشافيج ويعافييج

 

[<< أزيان >>]

لاتستخدمين الثوم

لاتستخدمين الثوم

لاتستخدمين الثوم

والله اكلمك عن تجربه انا عانيت من استخدام الثوم لاتحاولين اجربينه طلعت لي ثعلبه وانا حامل وقامت تنتشر براسي بسبب نفسيتي التعبانه

خفت اروح الطبيب ومايعطيني علاج لأني بأوائل الشهور وانصحوني بالثوم وقالوا وحده بوحده والله انه حرق فروة راسي وصارت ملسه

ماينبت فيها شعر وريحت شعري الله لايوريك ماقمت افصخ حجابي عند احد اخاف ينصرعون هههههههههاهه والله العظيم وهالكلام عقب شهور

من هديت الثوم الريحه تعشعش ماتطلع مابقى حنه وحمامات زيت معطره وبلاوي ريحت شعري ريحت حميسه ومخدتي ريحتها سلال وتخيلي

مزوجه زوجي لاعت جبده احس وده يقولي لاتنامين يمي علاج الثعلبه طبيب الجلديه ولافي اسهل من بالبدايه عطاني تونيك وكريم

وبعد 20 يوم ينبت الشعر والاقوى الابر انا صارلي 3سنين ماكله شعري مادري شالسالفه اعالجها وبعد سنه بالضبط ترد مره ثانيه

روحي الطبيب حبيبتي لاتحورفين بعمرك

 

[ام الحور العين]

الثعلبة صارت بولدي من فترة بسيطة والحمدلله راحت منه وكان علاجه طبعاااااااااااااااا بعد ما زهقت من الثوم (الكورتيزون )
وكان عن طريق الكريمات و السبراي اسمه (ريقين 5%|)
والله يشفي كل واحد يعاني من هالمرض لانه يتعب نفسية المريض وأهله

 

[nsoom777]

حبيبتي اعرف وحدة تعالج الثعلبة وعلاجها وحدة بوحدة اذا تبين رقمها راسليني عالخاص

 

[أم مرزوق]

حبوبة نصيحة الثوم علي حسب الشعر انا اطلتلي ثعلبة اول شي روحي حق طبيب جلدية تاخذين ابرة انا رحت حق د موسي سلامة جبر عطاني ابرة مع تونك كلها 15 يوم ينبت واذا سالتيه عن الثوم راح يزفج لان انا زفني لان التهبت عندي من كثر ما احكها بثوم...

 

[تبولة وفتوش]

:eh_s(6):حبيبتي سوي ثوم مع المره انا سويتها حق بنتي والحمدالله طابت الطريقة نقعي المره في شوي ماي ودقي ثوم وخلطية ماي المره ونشالله تشافين وماتشوفين شر يالغالية

 

[فاطمه نت]

يعطيكم العافيه جميعا



راعيه الخير______ اي والله انا انصحوني ببول البعير بس مادري من وين احصله ؟؟؟؟؟؟

 

[أم شــيــوخ]

حبيبتي الله يكون بعونج ,, بنتي عمرها 4 سنين طلعت فيها ثعلبه وما رحت ولاعياده لانهم ياخذون بالهبل الله وكيلج رحت لواحد بالفحيحيل يعالج بالاعشاب ويارب لك الحمد ماخذت شهرين والا والشعر طلع مضمون علاجه بالاعشاب .. تبين رقمه دزيلي عالخاص

 

[lara_action]

أمس كنت قاعده اسولف مع رفيجتي وقالتلي فيها ثقلبه وعلالجتها
خطت ثوم و خروع على النار لما دفت الثومه افركت مكان الثعلبه
انا قلتلها حطي معاهم زيت حبت البركه لانه وااايد زين حق الشعر
الله يشفيج وتروح الثعلبه :yaaaaaarb:

 

[لعيـــ ترخص أرقاب ـــوني]

انا بنت عمي فيها ثعلب لا نفعها لا ثوم ولاهم يحزنووون والله ماخلت كريم الا وجربته ..

بعدين استخدمت كريم من الحواج وتقوول ماقعد اسبوع الا شعرها قام يطلع بسألج وش اسمه وارد لج خبر انشالله ..

بس ذكريني برساله اذا نسيت .. والله يشفيك يااااااااااارب ..

 

[تبولة وفتوش]

هلا حبيبتي استعملي الثوم والمره انا استعملته حق بنتي والحمدلله طابت منها الطريقة جيبي مره ونقعيها في شوي ماي وبعدين دقي ثوم وخلطية مع بعض وافركي المكان الفي الثعلبة استعملية مدة اسبوع وانشالله تشافين

 

[فراشـهـ]

نفس مشكلتى بس انا حامل اشلون اعالجها