بنات رايحه امريكا وابي تجاربكم و همتكم معاي؟؟؟؟؟؟؟؟

[اميرة الاحساس1]

ان شاء الله لي روحه بعد فتره على ولاية كولارادو في دنفر بالضبط واللي ابيه منكم انو تنصحوني باشياء ما افوتها في هالسفره من كل شيء طبعا مكياج وغيره
وابي اعرف احد سوى هناك ليزر حق ازالة الشعر وابي بعد اصبغ شعري شيء حلو واذا في مكان يعالج التشققات والحطوط البيضاء يعني ماخليت شيء ابي اروح وارجع مايعرفني زوجي خخخخخ
بس الله يحليكم لاتطنشوني والله ماسجلت في هالمنتدى الحلو الا ابي فزعتكم معاي

 

[rawona]

هلا حبوبه اول شي انتي رايحه اهناك لفتره طويله؟؟؟ (دراسه او عمل او دوره ..الخ؟)


اذا ايي انصحج اول شي بالملابس .. دنفر حيل بارده وفيها ثلوج .. شوفي من ناحية المجمعات داخل والجامعات والبيوت داخل لانهم مشغلين تدفئة مركزية فلو تلبسين نص جم عادي ما يأثر ولا راح تحسين بالبرد المشكله بره .. لازم جاكيت ثقيل - دسوس يفضل ضد البلل يعني تكون من جلد او شي مشابه - لفة او سكارف حوالين الرقبه واذا مو متحجبة لازم قبعه او اذا متحجبه خلي ملافعج مخمل او خامتهم ثقيله عن البرد ..


بالنسبة للعلاجات اهناك اول ما توصلين المنطقة وتستقرين سوي سيرج بالانترنت عن العيادات الموجوده اهناك والقريبه منج سواء التجميليه او العادية وحددي موعد معاهم واتصلي فيهم علشان يجاوبونج على استفساراتج .. وبالنسبة للصالونات هم بمجرد الوصول اكتشفي المنطقة واكيد اذا تعرفتي على عرب اهناك راح يدلونج ان شاءالله ..


بالنسبة للعيادات التجميلية غالية وعلى حسب تأمينج معظم شركات التأمين الصحي ما تغطي العمليات التجميلية ممكن بعضها يغطي نسبة معينه والبقية عليج ..

يعني مثل الليزر - واجهزة التنحيف والتبييض - والجلدية (اذا كان شي تجميلي مو علاجي) - الجسور بالنسبة للاسنان والتبييض - عمليات التجميل الاخرى .. الخ كل هذا ما يغطيه التأمين الصحي او ممكن يغطي نسبة 20% منه و80% من التكلفة عليج ..


اممممممممممم بس هذا اللي ممكن افكر فيه الحين و ان شاءالله البنات يفيدونج اكثر

​

 

[o_mermaid_o]

الاخت رونه كفت ووفت كل شي قالته
حياج الله معانا بامريكا

 

[om-3abdallah]

انا ناادري عن الولاية الي بتروحينلها لكني عملت ليزر ازالة الشعر هني بامريكا وكان واااااااااااااايد اغلى من الكويت يعني حسبي حسابج

وبالنسبة للاغراض الي ماتنسينها الصراحة كل شي موجود خصوصا اذا كان عندكم بقالات عربية لكن شي واحد مالقيته وهو السفرة النايلون الي ناكل عليها بالكويت الصراحة طرشولي اهلي من الكويت لاني تعذبت بدونها وتعرفون عندي اطفال الله يوفق الجميع