بنات زوجي جنني يقولي انتي بارده

[اميــــــــره]

السلاام بنامشكلتي مادري هي محرجه ولا شنو مره صارحني زوجي وقالي انتي بارده انا فتحت فني قتله شكو انا بنت مو رجال فهمني ان المره تنفعل وتستمتع عاد انا ماقصر وياه بلبس وتزين والله بس صج فيع حريم يستمتعون انا ماحس بشي واذا صج شسوي فيدوني

 

[нάγoηά cнεмίsтяγ]

اذا ما تحسيـن بشي معناته كلامه صح ،،،

 

[هيفاء ksa]

حبيبتي راجعي دكتوره ترا البرود مرات يصير مرض
الله يووفقك

 

[αмάι]

مدري شقولك
لانك الرجل يحب من تبادله
ما يبي جسد وبس
ودي اتعمق وافهمك اشياء
بس انشاء الله تفهمين انتي اقري عن الجماع ورح تعرفين ويش ينقصك

 

[جنوبية وأفتخر]

ياقلبي حاولي تتثقفين ف هالأمور وأذا مانفع معاك ع طووووووووووووول لأقرب مستشفى تعالجي فية ,,,

 

[يازمان العجايب]

زين انه قالج ولا سكت عنج بالعكس المفروض ترتاحين انه صارحج صج ان الكلمه تجرح وتضايق بس لو مايحبج ماقالج
دشي علي النت واقري او استشيري دكتوره​

 

[Queenleo]

في حريم يصيرون نفس الخشبه
بس واجب يسوونه ووتنام عقبه
الريال يحب يحس انه مرغوب فيه
مو باللبس او الديكورات والتزززين
لوو خيشه بس تفاعلين معاه يفرحه اكثر

 

[اللؤلؤ المتناثر]

في حريم يصيرون نفس الخشبه
بس واجب يسوونه ووتنام عقبه
الريال يحب يحس انه مرغوب فيه
مو باللبس او الديكورات والتزززين
لوو خيشه بس تفاعلين معاه يفرحه اكثر

صح كلامها :eh_s(15):

​

 

[ام فواازي]

اتوقع قال هالحجي لان هو عليه كل العمليه يعني انتي مالج دور كلش يعني ترى مو بس الرجال اللي يسوي ترى حتى المره تقدر تكون في مركز القياده <<<<خوش تعبير
المهم واضح ان زوجج وده ومناته تستلمين القياده عنه لو مره
اتمنى اكون قدرت افهمج

 

[فاقده ابوهاااا]

بنات ترى مافي علاج اهي الشغله نفسيه الدكتوره اشتبي تعطيها اذا اهي بارده جنسيه لا تتعودين على الحبوب ما راح تفيدج مع الاستمرار بالحبوب راح تصيرين اخس من قبل اهي الشغله نفسيه حاولي تعيشين الدور بعد شتسوين وحاولي تهيأين الجو بالغرفه يعني من عطور وشموع وموسيقي خفيفه مع تزهلق بسيط وان شاء الله تييب نتيجه

 

[فاقده ابوهاااا]

اتوقع قال هالحجي لان هو عليه كل العمليه يعني انتي مالج دور كلش يعني ترى مو بس الرجال اللي يسوي ترى حتى المره تقدر تكون في مركز القياده <<<<خوش تعبير
المهم واضح ان زوجج وده ومناته تستلمين القياده عنه لو مره
اتمنى اكون قدرت افهمج

ههههههههه
اعجبتني سالفه القياده

 

[سحر الغلا]

حبيبتي الريال يحب اللي تشاركه بالفراش خاصه اذا سولفتيله عن الجنس عن تجربه مع زوجي

 

[ترجمة احساس]

اب اب

 

[beauty rose]

حبيبتي هالشي سهل ولا يبيله دكاتره ولا حبوب و خرابيط
لبسي شي حلو مو شرط قميص حتى لو بجامه ناعمه
و الاهم انج انتي اللي تبدين و تروحيله
سويله حركات تحرشي فيه حسسيه انج تبينه
مو تلبسين و تقعدين جدامه جنج تقولين له يالله سو اللي تسويه
لازم يحس انه مرغوب و انه ماثر فيج

المرأة تعبر حق زوجها عن الحب بالكلام و تكتفي بالاحضان
الرجل يعبر عن حبه بالجنس

فلما يشوفج انتي ما تسوين شي يحط بباله ان انتي ما تحبينه
لانه يفكر بالطريقه اللي اهوه يعبر عنها

حاولي تغرينه بوسيه فجأة بمكان ما يتوقعه بينهبل
ماقدر اتعمق اكثر بس الحركااات وااايد ما تخلص

تشطري انتي و اقري عن هالسوالف متروسه بالنت

 

[ماردك لي]

تفاعلي معاه شوي يعني جاملي حتى لو مالش نفس ههه

الله يساعدش

 

[boliana_q8]

اخذي فيتامين e يسمونه فيتامين الجنس
لانه يحفز هرموناتج الجنسية
ووقت الجماع شيلي من مخج كل شي وركزي مع زوجج
وتخيلي انج فوق الغيم محد يمكم وانتي ملكه واهو حبيبج
وراح تندمجين

 

[صمت المرافئ]

إذا انت توج متزوجة ... شي طبيعي ما تتجاوبين وتكونين باردة
لان احنا ما تعلمنا هالامور ... كلها تدخل خانة العيب والحرام
فأحسن شي حاولي تتجاوبين معاه ... حتى لو تمثيل
مع الوقت تتغيرين وتصيرين جريئة
حبيبتي إذا قالج جذي لا تسكتين
سئليه شنو تبيني أسوي ... شنو تحب
خليه اهو يعلمج ...
إذا تستحين ... خلي هالسؤال حزة ال.....
بهالوقت يروح الخجل منج
ترى الريال يحب المرة التي تشبعة وتغريه
حبيبتي لا تعالجين ولا شي
إذا حبيت زوجج تحبين الج... معاه وتشتاقين لهالشي
ترى أغلبنا كان جذي
مع الوقت والعشرة والحب تغيرنا 360 درجة
​

 

[APpel76]

أسباب البرود الجنسي من الناحية الطبية

تشنج المهبل:

هو عبارة عن تقلص العضلات المحيطة بالثلث السفلي للمهبل بشكل دائم أو متكرر عندما تتم محاولة الإدخال في المهبل، سواء بعضو الزوج أو الإصبع أو الفحص النسائي بالمنظار خاصة.

معظم النساء اللاتي يعانين من تشنج المهبل تكون لديهن الرغبة الجنسية طبيعية، ويصلن إلى الرعشة لكن دون جماع، وقد يكون تشنج المهبل بدئيا وذلك في النساء اللاتي لا يسمحن بالإدخال من البداية، أو ثانويا ناجما عن عسرة في الجماع.


أسبابه:

1- تجربة جنسية مؤلمة كاغتصاب مثلا.

2- فحص حوضي مؤلم.

3- محاولة إدخال أولى مؤلمة.

4- قد يكون السبب مفهوم ديني تطهري.

5- مفاهيم جنسية خاطئة عن تشريح أعضاء التناسل.

6- هناك أسباب صحية كالإندومتريوز (بطانة الرحم الهاجرة)، أو داء الحوض الالتهابي، أو انسداد غشاء البكارة الكلي، أو ضيق المهبل الخِلقي.


عسرة الجماع:

هي الألم الذي يحدث قبل الجماع أو أثناءه أو بعده مع غياب تشنج المهبل وأسبابه:

1- التهابات نسائية أو فرط الحساسية.

2- قساوة غشاء بكارة.

3- تندب مكان الخياطة بعد الولادة.

4- تشوهات خلقية في المهبل.

5- عدم كفاية المداعبة لجعل الغدد في المهبل تقوم بعملها الإفرازي المزلق.

6- ضمور المهبل الناجم عن نقص الأستروجين.

7- الداء الحوضي الالتهابي والإندومتريوز والارتخاء الحوضي أو ما يعرف بهبوط جدران المهبل، ويحصل غالبا مع تكرر الولادات.


العوامل النفسية لعسرة الجماع:

1- العوامل التربوية: والنظر إلى الجنس كنوع من الذنب نتيجة لتربية خاطئة.

2- العوامل الراضة للنفسية: اغتصاب أو تحرش جنسي سابق.

3- عامل الرضا والغضب من الزوج.


آسفة علي الاطاله
عساني اكون فدتج ولو بمعلومه صغيره
س بالعربي روحي راجعي طبيب استشاري والله يسهل عليج

 

[pusy cat]

اذا ماكو مداعبات كافيه لج اكيد ماراح تحسين

جماع بدون مداعبه ماله طعم

 

[pusy cat]

وهم اذا كنتي توج متزوجه ماراح تحسين واذا حملتي راح يصيبج برود بس عقب الولاده يقولون ان المره تتغير وتبتدي تحس بهالشغلات

الحريم انواع