بنات ساعدوني الله يخليكم ... ويستر عليكم

[~.ąvȍƈaȚ.~]

واااااااي الله يعينج

صج صج الله يعينج و يصبرج لو منج جان ينيت والله

انا اقول جربي الغاز معاهم"... فرغيلج قوطي دهن مال القلاي من طقة زيت العافيه و هالسوالف و نظفيه
و روحي محطة البانزين يترسونه لج يمكن بـ100 فلس
و حاولي تكافحينهم

بس استغربت ان الشركات ما قدروا يكافحونه !! يطري علي بيت وحده من الاهل كل ربع متر زهيوي وااي رشووه مره و يوم ردوا لقوا كله زهيوي ميته احسن لووول عقبها ما طلعلهم كلللللش
و نصيحة بدلوا البواليع خلوها على النظام الامريكي مو النظام القديم !!

والله يصبرج

 

[روحي أسامه]

مشكوره والله ياحبيبتي "أرحم بسمتي"
بجرب هالطريقة

 

[روحي أسامه]

أفوكات حبيبتي أنتي يعطيج العافية على مرورج
بس أنا من كثر ماتعبت منهم قلت خلاص أبي حل
لأنه كل ما أطق واح يطلعون 10 مكانه هجوم مادري من وين المصيبة

 

[أنفاسي دخون]

آسفه على التأخير

امي تقولش اسمها الجره وديري بالش تحطينها وانتم بالبيت يعني بالويك اند لا صرتي زايره من الصبح لليل يمدي تختفي الريحه القوية وبعد تقولش الوالده اذا في المطبخ كبتات خشب على طووووول قطيهم هم اللي يجمعون الصراصير

 

[روحي أسامه]

الله يخليلج الوااااااالده ويحفضهااا لج أنشالله من كل شر آمـــــــــــــين
مالي غير الجرة ياقلبي ألفـــ ألفـــ ألفــــ شكر لج يالغالية تعبت معاي حبيبتي
وسلميلي على الواااالدة بوسيلي راااسة وقوليلها عسااااج ذخر أنشالله

 

[قدساويه!!]

في دوا بشركه النصف تلقينه يمكن 6 بس ما يتعدى العشر دنانير روووعه يعلمونج طريقته
وهالدوا يستخدمونه شركات التنظيف بس هم يخففونه بـ ماي

 

[james546613]

دقيت على صاحب اعلان في الجريدة وياب عجينة فرنسية والحمد الله تقريبا تسع شهور اختفت والحين بدت الظاهرة مرة اخرى

 

[روان_الكويت]

مع انه شقتي اول ما سكنتها يديده انا اول وحده ادشها يعني البيت يديد بس بعدها بسنتين ونص شذي قامت تطلعلي الزهيويه الصغار
مادري من شنو وشتكيت لمرت حماي ونصحتني اني ارفع المطبخ
لانه المطبخ كان عالارض بدون ريول ودقيت علا مال المطابخ يا رفعه لي ب 60 وفعلا من رفعه راحو
لانه طلع من الالمنيوم والرطوبه يطلعون وقالت لي وحده يمكن من الغاز يكون في بيت فيه ولما اخذه يطلعون منه
جربي اذا مطبخج عالارض رفعيه