بنات ساعدوني بتجهيزي

[mejo]

مساء الخير

كيفكم بنااااات ان شاء الله بخير

اممم ابي منك مساعده تكفون لاتبخلون علي

انا راح اتزوج شايله هم تجهيز باحيل اول شي لان ماعندي اخت تعلمني امي كبير :eh_s(2):

حالتي حاله انا اول وحده بتزوج من صديقاتي يعني ماعندي حد قد تزوج عشان اسأله ماعندي غيركم يفزعلي

انا مو عارفه كيف اتجهز لاني راح اعيش برا مع زوجي لانه مبتعث مادري وش اشياء الي اشتيرها هناك

تكفون كل وحده تقلي وش اشتري ماشتريه الله يسعدها ويدخلها جنه الي تساعدني اعتبروني اختكم صغيره

 

[قآنون كيفكـ!!]

حبيبتي الله يوفقج ..
اول شيء انتي على طول بتروحين معاه برى ولا بتردين بعد الزواج جم يوم علشان بدل الاستقبال اذا مو رادة بعد شهر العسل لاتشترينهم ..

التجهيز ..
بجايم قطن وحرير بدعي بالالوان + برمود وشورتات وطوال ..
العطور ..
على حسب ذوقج بقولج اسماء عطور ان شاء الله تفيدج ..كوكو شانيل ..قوتشي كواليتي.. 212 الذهبي ..
مجموعات الجسم عندج نكتار وبودي شوب وزهور الريف ..
من بودي شوب احب مجموعة لوف والمسك و انانيا > جذي اسمها اتوقع **

قمصان النوم ..
حراير ودانيل بس يكون ناعم ديري بالج من الدانتيل الخشن خذي طوال 4 وقصير الباجي ..
بدل الاستقبال
على حسب وضعج اذا بيشوفونج اهل زوجج بعد العرس خذي لج لان وحدة من رفيجاتي ماجهزت بدل استقبال بعد عرسها سافرت مع ريلها ولا شافوها حمولتها الا بعد شهرين بدلها اخذتها من لندن لانها سافرت هناك ..

لبس الشقة ..
جهزي لج جم فستان ناعم قصير وبنطرونات حلوة ..
واكسسوارات ناعمة تراجي وخواتم واساور

وخذي لج لفة على موضوع تجهيز العرايس بالقسم مثبت البنات مو مقصرين الله يسعدهم ...

موفقة والف الف مبروووك

 

[mejo]

يعطيك العافيه ياغلا

لا راح اعيش برا ولحد الحين ماحددت العرس

 

[قلبهـ 86]

الله يوفقج يارب

 

[شذى الحب]

شوفي الموضوع مثبت

 

[يونــان..]

الله يتمم لج على خير ...

رفـــــــــــــــــــع

 

[mejo]

امين

بنات تكفون ساعدوني شفت موضوع بس انا بعيش برا يعني عند منو اطلع بكون مع زوجي

يعني معرف وش اخذ ماخذ

لان لحد الحين متوهقه اول شي مقدر اخذ شي لغرفتي ادلع فيها من الفراش حركات ولا اقدر اشتري مكياج كثير ولاذهب كثير ولاالماس وساعات فهمتو علي

حتى لو شريتهم عند منو البسي يعني شهر الي بجي فيه السعوديه هو رمضان مافي مناسبات وش تنصحوني اجهز

 

[شذى الحب]

ابا
ابا

 

[شذى الحب]

اشتري ذهب وساعات ماركه وبدل

 

[mejo]

بنات لاتقلون اب ورفع مدريي وشو

تكفون ساعدوني

 

[جيجي-جيجي]

الله يوفقج

 

[! يكفيني انت !]

مايصير لا زم تشترين الماس اشتري طقم وساعه ماركه وباجي ساعات ماركه عاديه واخذي لج جنطه ماركه والباجي بعد ماركات عاديه

واخذي لج بجايم كثري منهم ولبس البيت فساتين قصار برمودا شورتات جينز تشيرتات

والقمصان اخذي اربع طوال والباجي قصار واذا عن البدل اخذي لج بدله وحده اذا انتو بطولون

والعطور نوعي بين عربي وفرنسي ولوشنات
حبيبتي الكشخه لج ولزوجج اشتري اللي بخاطرج بس اهم شي الجنطه والساعه ماركه



موفقه يارب *

 

[ya al3rosa]

هاذا رابط حق الخلطات الجسم وكل شى

http://www.q8yat.com/t862835.html


وهذااا تجهيز

http://www.q8yat.com/t935799.html


وهذااااااا خوووووووووووووش تجهيز

http://www.q8yat.com/t871335.html

 

[Mjnont '3lay]

هلا حبيبتي اول شي الله يوفقج يارب ويتمم لج على خير
شوفي ياقلبي اذا انتي مسافره بريطانيا او لندن او فرنسا او امريكا او كندايعني باختصار دول اجنبيه
هالدول بالذات
لازم تاخذين لبس كله عملي حق الطلعات
اول شي اشتري لج اثنين كوت ثقيل اخذي الوان اساسيه مثل ابيض واسود او اسود وبني
واخذي 5 شوزات اثنين سبورت وثلاث فلات مريحين حق الحركه والمشي وواحد كعب طوله مناسب عشان اذا بتطلعون مطعم كشخه او اي مكان مافيه مشي
واخذي 4 بنطلونات < البنطلونات اخذي الخامه الربيعيه لا تاخذين جينز يعني اخذي الخام الي يجي قطن ناعم
عشان يصلح حق الصيف والشتى وما تتوهقين هناك اذا الجو تغير عليكم
والبديات نفس الشي اخذي بديات وقمصان طوال خامتهم قطن ناعم وشوي ثقيل عشان يصلح للصيف والشتى اما الكوت اللي بتاخذينهم خليهم احتياط اذا صار برد البسيهم واذا حر اكتفي بالبدلات من غير كوت
بس اخذي قمصان وبديات طويله لي فوق الركبه بشوي او تحت الركبه
واخذي اثنين بوت < اسود وفضي لانه يمشي على كل الالوان
واخذي لج شال واحد اسود عشان اذا الجو ربيعي تلبسين الشال فوق ملابسج واذا الجو بااارد ثلج تلبسين الكوت فوق ملابسج
والملافع اخذي اثنين كافي واحد اسود والثاني ملون يمشي مع كل الالوان
وضروووووووووووووري ماتنسين المظله اخذي ثنتين عالاقل الله العالم يمكن يطق مطر عندهم
والمظله هناك اذا طلعتي لازم وين ماتروحين معاج وماتفارقج
واخذي لج جنطتين او ثلاث وحده فخمه وماركه ووحده اللي يصير علاق الجنطه طويل عشان تحطين فيها كل اغراضج وخلي يكون حجمها وسط ووحده صغيره عشان اذا طلعتي سهره مع زوجج او مطعم فخم تاخذينها معاج
والجناط اخذي اسود وفضي وذهبي يمشووون مع كل الالوااااان
واخذي ثلاث ساعات وحده فخمه وثنتين عمليات
خلصنا من لبس الطلعه
نجي حق لبس البيت
اخذي بجايم اقطان وحرير < ولا تقولين مابي اخذ لازم تاخذين عشان تلبسين حق رجلج
وشورتات قطن وجينز وبديات ملونه
وابتعدي عن الوان الكئااابه الاسود والبني والباذنجاني
واخذي اصفر وبرتقالي ووردي وفوشي واصفر فاتح وازرق سماوي وابيض واحمر وسكري
المهم واخذي فساتين بناتيه كيوت قطنيه قصيره حيل حلوين حق العروس
وبنطلونات جينز طويله بس كلش لا تكثرين من كل شي اخذي اثنين او بالكثير ثلاث كااافي عشان تعرفين الجو هناك شلون بيكون وتشترين من هناك بعد عشان اخاف تشترين واجد والجو مايكون مثل ما انتي متوقعه يعني لا تكثرين وانطري لمن تستقرين هناك تالي انزلي السوق واشتري من هناك
المهم واخذي اكسسوارات ناعمه كيوت تراجي صغار وكبار وسلاسل حلوين وناعمه
وخواتم ناعمين والوانهم حلوين واخذي اسكارفات ملونه حلوه مع الجينز
واخذي سليبرز اثنين
واستشوار
وسيراميك ستريت
واغراض الجمعيه اعواد اذون وكريمات لوشن وحمايه حق الوجه و مشط اثنين وشامبو وشاور جل وليفات اثنين احتياط وفرشه ومعجون ولااااااااااااااتنسين الفوط النسائيه والفوط اليوميه والكياس اللي حق الحمام عزج الله حق المرحاض تستخدمينهم اذا بتروحين حمام مال مطعم ولا مجمع انظف لج
وثلاث كياس مناديل ديتول للايد ومعقم ديتول السائيل
والفوط اليوميه الصغيره كيرفري
وغسول نسائي و محارم حق الايد اخذي الكياس الصغيره حق الجنطه
واخذي ابريييق حق الحمام عزج الله لانه الدول الاوروبيه اكيييييييييييييييد مافيها رشاش الماي اللي تغسلين فيه
ورح تتوهقين هناك هذا ضرووري مو تنسينه
وحلاو وعلوج حق الجنطه اخذي نكهات واخذي بندول احتياط
وموس نسائي عشان اذا بتشيلين احتياط او شيره علبتين او ثلاث اذا تعرفين تشيلين حق نفسج شيره < حلاوه
وعدة البدكير والمنكير
وروب حمام مع فوطه للشعر
ومكياج بس لا تكثرين واجد لانه هناك معروفين بالبساطه يعني اخذي ايلاينر واحد وماسكرا واحد وقلوسات وحمر الوان فاتحه او فاقعه على راحتج وجل حمايه قبل المكياج و كريم اساس وبودر
وثوب صلاه وقران صغير ومسباح للتسبيح و سجاده وايبود اذا عندج حملي فيه قران عشان تسلين وقتج فيه
ونوته او دفتر مذكراتج مع اقلام عشان ماتملين وقت ماتقعدين بالشقه بروحج
وعطور على حسب الكميه اللي تبين ولا تاخذين معاج دهن عود وهالسوالف كلش مايصلح هناك بس اخذي معاج مبخر صغير وبخور عشان تبخرين الشقه هناك وكوايه بخار صغيره حق السفر وااااااااااجد رح تفيدج هناك
*******************************************************************************
نجي حق العرس اذا بتسوين عرس اشتري نفنوف عروس ابيض مع طرحتها واحجزي مسكه عروس وصالون حق برنامج العروس وصالون ثاني حق المكياج والشعر واشتري شبكه ذهب الماس اخذي طقم نعوم وحلو واشتري كعب واحجزي عند وحده تنقش ايدج
واذا بتسوين حفله صغيره بين العايله بس اشتري نفوف ابيض ناعم بنفس الوقت فخم شوي ومسكه ناعمه وحجمها وسط
وشوز عالي والمكياج والشعر احجزي بالصالون اقل شي قبل العرس بثلاث اسابيع اقل شييييييي
واخذي طقم ذهب ناااااعم اذا فلوسج تكفيج اخذي الماس واخذي ماتكفي اخذي فضه ماااايبين انه فضه نفس الالماس بالضبط

واذا تبين تلبسين ساعه مافي مانع البسي بس اخذي وحده فخمممه
*****************************************************************
العنايه اهتمي بدورتج عدل مني لي يوم العرس تدفي عدل وفي مواضيع هني عن الاهتمام وقت الدوره بس لا تحطين تحاميل ولا شي ديري بالج خلي عنايتج بس اعشاب تنشرب وتنوكل وغسول وبس
واقري البقره كل يوم من الحين لي يوم عرسج اقريها كامله واطلبي من الله انه يسهل لج امورج
واهتمي باكلج وابتعدي عن الخرابيط الشبسات والككاو وهالسوالف واكلي دايما فواكه وخضرا وكثري من الشوربات
وماي الورد كل يوم رشيه على وجهج وجسمج لانه يورد الورد والجسم
وسوي لج ماسكات طبيعيه
روب بالعسل
او
حليب مع نشا وهرده
او
عسل وتخلينه شوي على بشرتج بعدين تفركينه بطحين وبعدين تغسلينه بماي بارد
وكل يوم اشتري اشربي مغلي الزنجبيل مع النعناع لانه يخلي ريحة انفاسج وجسمج روووعه واذا تحتاجين حمامات مغربي سوي كل اسبوعين مره او كل شهر مره
وبس ان شاءالله اكون افدتج وساعدتج بكل شي وسامحيني حبيبتي عالقصور يمكن نسيت شي وماحطيته لاني تعبانه توني مسويه تحليل دم ودايخه وهذا اللي طلع معاي اذا كنت ناسيه شي ان شاءالله البنات يضيفونه والله يوفقج ويسعدج

 

[Mjnont '3lay]

ونسيت اقولج حبيبتي بخصوص اذا بغيتي تنزلين السعوديه مو شرط تشترين من الحين انتي اشتري بس حق روحتج هناك ولمن تبين تنزلين السعوديه اشتري لج من هناك بدلات ناعمه وحلوه مع جناط وشوزات فخمه وحلوه واخذيهم معاج السعوديه
موفقه حبيبتي

 

[&موناليزا&]

الف مبروووووووك

وعزيزتي رفع لعيوووووووووووونج

 

[A7la-3roosa]

البنات ما قصروا

 

[FAUONH]

البنات مآفصرو , واحس تجهيزج بيكون سهل بأذن الله لان مايقث الا بدل الاستقبال اما المكياج ولبس الشقه والعطور احس احلى شي بالتجهي ودلع
وبعدين ليش ماتبين تشترين الماس ولا ساعات , لا حبيبتي اشتري واكشخي لزوجج ومآرآح يضيعون ومو خساره تحتاجينهم بعدين



وهونيها تهون اغلب البنات هني اول بنات يتزوجون بالعايله وانا منهم

بآلتوفيق يآرب​

 

[Miss Eteket]

تجهيزززج بيكوونن مررريح ربي يتمم لج على خيير ياارب

بس اهم شي طقم ذهب و الماس و جنطه ماركه و مجنونةة غلاااي ماا قصرت ..~

 

[اشلون يعني &]

شوفي مدامج بتعيشين برا
اذا نوعيتج ماتلبسين عباية برا
كثري من الملابس الطلعه للمحجبات
جواتي تكون رياضة لانج راح تمشين وتمشين وتمشين
الملافع كثري منها
العطور لاتكثرين اخذي 4 عطورات ليمن تعرفين ذوقه علشان ماتطح بجبدج
لبس صلاة اخذي اكثر من واحد لانج ماتدرين يمكن يتقطع او يحترق الا عندج سبير

الله يوفقج حبيبتي