بنات ساعدوني زهقت والله زهقت((رائحة الفم))

[فووفوو]

حبوب الخميره ماركة شنوو ؟؟؟
وبالنسبة للغسول ممكن تعطيني اسمه الصحيح؟؟
ومشكوره على مرورج أنا شريت حبوب فلاجل مشكوره على النصيحه

 

[ranh]

هلا حبيبتي
سالاين سلوشن في اكثر من شركه ما تفرق بس قولى للصيدلي ابي غسول ملحي للانف بخاخ حتى الاطفال يستخدمونه
حبوب الخميره انا اشتريها من مركز الطاهر بستي سنتر جربت انواع ثانيه ما فادتني
افضل نوع هو خميرة براورز
وان شاء الله بعد 3 اسابيع اتمني تفيدي البنات لو نفع معك العلاج
بالشفاء ان شاء الله حبيبتي

 

[algadel]

انا جربت زيت زيتون ونعناع قبل النوم وبعد وتمضمضت بماء ورد مانفع المشكله لمن اكون بره البيت اهني المعاناه بلييز محتاجه اشياء قويه تقضي على هالمشكله

 

[مــســك]

الله يشافيج حبيبتي ..

والبنات ما قصرو معاج ..

 

[ميآسه]

البنات ما قصرو

والله يشفيج

 

[ميآسه]

انا جربت زيت زيتون ونعناع قبل النوم وبعد وتمضمضت بماء ورد مانفع المشكله لمن اكون بره البيت اهني المعاناه بلييز محتاجه اشياء قويه تقضي على هالمشكله

عيل مالج الا الطبيب

 

[algadel]

اي طبيب زين اقدر اروح له

انا اسنتاني زين ومافيني شي بس هالجفاف او مسبب لي الريحه
انزين بالصيدليه في اي شغله ممكن تقلل هالشي

منو احسن طبيب؟

 

[ميونة الحلوة]

انا رحت امس المستوصف

و قتلها ان فيني جيوب قوية عطتني غسول و بخاخ و مضاد حيوي


و حتى خواتي و اخواني و العايلة الكريمة كلها وراثه فيها الجيوب و لحمية


بس ترى الغسول و البخاخ ما شاء الله لا اله الا الله وايد زينين حق الي فيهم جيوب

و حطيت لي غرغرة ماي و ملح خشن و مرة حطيت وياها ليمون وايد زينة اتمضمض و اتغرغر فيها عقب الاكل و اشرب على الريج عصير ليمون بس حطي ماي و ليمون بدون شكر


بس ما شاء الله احسن نفسي احسن و الحمد الله بس باقيلي اشيل ضرس العقل لان مخلي لثتي ملتهبة هذا غير السوس

بس لازم على طول تتغرغرين و تغسلين خشمج يعني لا تطوفين كلشششششش ميخالف تتعبين شوي بس على الاقل ترتاحين

غير هذا بعد كل وجبة تنظفين اسنانج بخيط و تفرشينها عشان ما يتخمر الاكل و يطلع فيج السوس و عقبها تغرغري بماي و ملح


بس روحي المستوصف و قوليلها فيني جيوب و ابي غسول و بخاخ راح تكتب لج و تاخذينه من الصيدلية

و قوليلنا شنو يصير معاج

و نطلب الله ان يخلصنا من هذه المشكلة

 

[دكتورة الكويت]

بنات أنا متزوجه
مشكلتي من كنت صغيره ريحه حلجي كريهه والله مستحيه اقولكم
بس ساعدوني
مع إنه مافيهم شي أسناني تهبل وأسوي تنظيف عللى طول ونفس المشكله
أحس ريلي قام يبتعد عني
شسوي

سلام اختي روحي لدكتور باطنية علشان يفحصج وهذا اهم شي اتسوينه والله ايشافيج

 

[@NFOR@$]

قوه

انا سمعت انه البقدونس زين يوخر ريحت الحلج

راجعي عند اي دكتور وانشاءالله راح يفيدج

ملاحظه : غسلي ضروسج عدل + السانج
انشاءالله افدتج

 

[الحبيبه الدبيبه]

استخدمي معجون اسنان اسمه breath x ومعاه طقم كامل من فرش الاسنان ومطهر الفم والمعطر
والله خووووووووش شي

 

[زهرااا]

ماقصروا البنات

 

[فيروز خانوم]

روحي عند دكتور اندريه لبناني شاطر بعياده بيلا كلينك يسوي جلسه ب50 دينار لعلاج الرائحه و ترا اهو يجي زياره للعياده يعني لازم موعد

 

[دخون ازرق]

شوفي اختي الظاهر اللثة عندج تعبانه ساعات الاسنان اوكي لكن اللثة ضعيفة انصحج بالصيدلية فيه زيت المسمار اخدي فرشاتك وحطي معجونك عالفرشاة وعليه نقطتين من زيت المسمار وفرشي اسنانك حوالي 2دقيقة وبالراحة --وكرري العملية بعد كل وجبة وكثري من الخس وقللي الخبز الأبيض والفلفل والبهارات باكلج وكثري من البقدونس وعلميني بالنتيجة ناطرة وعلى فكرة فرشي لسانج بالفرشاة لأن ساعات الريحة من اللسان لأن بعض الناس ماينظفون لسانهم

 

[فنكية]

هذي صج مشكله الريحه
وايد استفدت منكم
والبنات ماقصروا

 

[دخون ازرق]

وفيه مطهر الهايجين ممتاز 3مرات باليوم استخدميه--ومتوفر منه اكثر من نكهه تلاقينه بمركز سلطان

 

[ترانيم القصيم]

اختي اسباب رائحة الفم مو بس قلة النظافة النظافة لها دور


ممكن من الاشياء الي تاكلينها في ماكولات تخلي ريحة النفس كريهه

وساعات مشكلة مرضية بالمعدة او الجهاز الهظمي اهي تسبب هالريحة روحي الطبيب وشرحيلة حالتج

استخدمي من الصيدلية حاليا مطهر للفم وفيه اتوقع بعد بخاخ يساعد بهالحالة مؤقتا لين تلقين حل

اكلي اشياء تطيب رائحة الفم مثل العلج الي بنعناع وهالسوالف

صح ,, دخلت عشان أقول نفس الكلام أو قريب منه

أحيانًا المشكلة تكون من المعدة

و كـ حل مؤّقت كولي علك ليل نهار .. يشيل الرّيحة لو أيش ما كانت قوّتها ,,

سبحان الله العلك يشيل الرّيحة و يجدد النفس ,,

و الله مير يعينك يا الغلا , :eh_s(17):

 

[غلا وكلي حلا؛؛؛]

ربي يشافييج ياارب ونا مثل رايهم فحصي عند الدكتؤر بالاؤل ؤشؤفي...
موووفقه...

 

[sweet-kamelia]

السلام عليكم ورحمة الله وبركاته



((دخون سري جدا ))

هذي طريقه لدخون الفم دخون دوسري درجه اولى بس يتاكل مايتبخر به

وهذي الطريقه انا شاطره مرررره فيها لا وتوزيع مجان اهم شي الي يكلمني ماتجي انفاسه ع انفاسي الا واحسها عطر

الطريقه هذي متعارف عليها عند الاهل واخذتها من الوالده الله يحفظها ويحفظ لكم والديكم كانت تعمل كميه وتخليها بالثلاجه واول مانصحى نفرش الاسنان

وطيران لها واحيان اكلها اذا اكلت شي فيه ثوم او بصل من بعض السلطات ع طول تقضي عليه

هذي الطريقه

تزيل رائحه الفم الكريهه والنفس المزعج .. حتى الي عندهم مشاكل بالمعده بتحلها باذن الله

وطبعا تنفع للكل .. ومكوناتها لها فوائد عظيمه:
1/ واحد فنجال بشر ليمون ناعم جدا
2/ ملعقتين كبيره هيل مطحون ناعم
3/ ملعقتين قرفه مطحونه وناعمه
4/ ملعقه قرنفل (عويدي ..مسمار) مطحون وناعم
5/ ملعقه كبيره مستكه مطحون وناعم
6/ ربع فنجان ماء ورد او ماء زهر
8/ 3 ملاعق عسل اصلي ...او عادي

تخلط جميع ماذكر بزبديه .. حتى تتجانس

وتحرك حتى تكوني قادره ع تكويرها اذا كانت العسل قليل باإمكانك وضع ملعقه عليه
وتكورينها بايدك مثل المعمول وتكون صغيره كثير.. وكل يوم خذي حبه

شوفي كيف انفاسك بتصير

دخوووووووووووووون

حتى عرقك بيصير

دخوووووووووووووون

 

[ميموووورااا]

مثل اختي الصغير وراجعت مافيها شي