بنات ساعدوني مابقى شي على سفرتي لباريس (راس السنه ) انقذوني

[بسبوووسه]

مرحبا خبيرات باريس
انشالله هالسنه ناويه اروحلها براس السنه و اقعد تقريبا اسبوع فيها
اول مره بروحلها فموعارفه كوعي من بوعي :krkrkr:

انقذووني
قولولي اماكن تونس
ابي سوق الاوت ليت وين
اللي راحت ديزني لاند شلون الوضع كان
باختصار سوولي جدول لان كلها اسبوع مايمدني استكشف امااكن

بليييييييييييز:0bee2e8d89:

 

[a7latwins]

السلام حبيبي
انا ان شاء الله بنفس الحزه بكون هناك
يمكن نشوف بعض
وهم انا او مره بروح هناك
بالنسبه لديزني انا دشيت السايت و لا طلع فيه عروض و لويه و شكله ان شاء الله بنستانس
انا بسكن هناك 3 ايام
لانه الاوت لت اللي تسألين عنه هناك يم الديزني
وهم اكو مجمه بعد غير الاوت لت فأنا بقعد 3 ايام يوم ديزني و يوم الاوتلت و يوم المجمع
و بانسبه لباريس
اهم شي شارع الشانز
و غاليري لافاييت
هذا اهم شي عرفته لي الحين
اذا عرفت شي يديد بدش اقولج

 

[بسبوووسه]

وناسه في احد معاي

اي فندق حجزتي

انابفندق كونكورد لافاييت وانتي ؟؟

 

[بسبوووسه]

اي كونكورد لافييت اهوا اللي في سوق

 

[أم منصـ 85 ـور]

الله بسبس .. أنا ودي أروح شهر 4 باريس ولندن .. يالله أنطرج تردين وتفيدينا

 

[بسبوووسه]

افا عليج ام منصوور تقرير كامل انشالله

 

[لازوردي]

واي كتبت لج رد شكبره و فيه وايد اماكن بس راح

الحين حدي دخت باجر انشالله الصبح راح اكتب لج اماكن حلوه و هم السوق اللي يسوا اتروحين ليه و المطاعم اللي مااتطوف ​

 

[a7latwins]

انا بفندق powers بالشانز

 

[bnt_7waa]

اسبوع واايد الله يعينج انا 5 ايام ومليت


بس روحي ديزني

روحي الاوت لت الي قبل محطه ديزني


روحي الشانز


فيمنطقه ريفيه اهناك حلوه بس شوي بعيده ماني ذاكره اسمها

 

[لازوردي]

السلام عليكم


حبيبتي الحين بكتب لج لستة الأماكن الحلوه و السوق و المطاعم ....

الأماكن السياحيه

1- المونامارت : روحوا لها الصبح احسن فيها كنيسه كبيره شكلها حلو و فيها ساحة الرسامين بس لما تاخذون التاكسي علشان يوديكم قولوا له يوديكم اول شي ناحية الكنيسه لأنه اول ماتوصولون هناك في منظر عجيب اتشوفون باريس كلها تحتكم و ديروا بالكم لبسوا عدل لأنه هناك برد برد انا لما كنت هناك صار لي اقل من شهر نزل سنو وكان برد فا اتوقع الحين بعد الجو ابرد المهم و الكاميرا لا تنسونها ضروري التصوير بهالمكان لانه صج صج المكان عجيب ..... و اذا رحتوا هناك يمكن تلقون واحد يعزف على الة الهارب امبيه عزفه اينن يخليكم اتعيشون الجو الرومانسي ....


2- اللوفر : اكيد اتعرفونه و مكان مايتطوف روحوا شوفوا الموناليزا و اهم شي جناح نابليون ترا مو هين عنده غنفه على شكل براطم :dddds: و الجناح الفرعوني شوفوا المومياء حاطينه بصندوق زجاج امبيه شكله غريب ....


3- برج ايفيل : لازم اللي يروح باريس يزور برج ايفيل بس نصيحه حجزوا التذاكر من الانترنت لأنه هناك طابور ماله نهايه علشان التذاكر فا بالانترنت وايد احسن لكم و هم تقدرون اتحجزون بالانترنت حق المطعم اللي في برج ايفيل ....


4- ساحة الكونكورد في لعبة حلوة الدائرة الكبيرة و الحلو فيها انها كباين و هم فيها تدفئه ...


5- شارع الشانزيليزيه شي اكيد لازم اتروحون له و بعدين امشوا سيدا خلوا بظهركم قوس النصر روحوا ناحية ساحة الكونكورد في على حديقة الشانز على اطراف الشارع من الناحيتين بيوت لونهم ابيض هذول حاطينهم الحين حق راس السنة شكلهم اينن فيهم معرض كل بيت عنده بضاعه من دوله معينه بس سوالفهم اتونس و في واحد منهم من الاكوادور عنده جاكيتات صوف حياكه روعه لليهال انا خذيت حق ولدي منه ولما رديت الديره سئلوني عنه وايد صج شكله حلو .... و روحوا له بعد ما تغرب الشمس لأنه وناسه يصير شكل الشارع و البيوت كلهم شابين ليتات لونهم ابيض و ترا اهم فاتحين لي بعد الساعه 10 بالليل يعني يطولون بس انتوا روحوا لهم على 7 او 8 احسن تحسبا لأي ظرف ....


6 - الحي الاتيني : اهو سكه فيها كافيهات و مطاعم عربيه بعد و جم محل صغير عندهم سوالف اتونس .... و هم يمهم تلقون بعد كنيسة نوتردام ....


7 - السفينه اللي اتمشيكم على نهر السين ...


8 - قصر فرساي : مكان حلو و الحديقة اللي فيه حلوه ....


هذول اللي اذكرهم الحين .....


الحييين انييي للسوق ....

1- الاديفانس : مجمع كبير و حلو جنه المارينا في محلات وايد ...

2- غاليري لافاييت : ترا اهم 3 مجمعات يم بعض واحد حق الحريم و واحد حق الرياييل و واحد حق اليهال ....

3- الافينيو مونتين : هذا شارع الماركات يم الشانزيليزيه يعني يبيله مشي اقل من 10 في اشهر الماركات lv - chanel - gucci - D&G - prada - - Roberto Cavalli - Celine ...... و ماركات وايد وايد و نصيحة اذا تبون تشترون ماركات اخذوا من المحلات الموجوده في هالشارع لأنه اغلبهم يكون المحل الرئيسي و يكون عندهم تشكيله كبيره اكثر من اللي في غاليري لافاييت و لا تنسون جوازاتكم لما تشترون منهم علشان التاكس فري ..


4- لامادلين : مكان حلو و هم يم الشانزيليزيه وهم فيه ماركات نفس اللي ذكرتهم لكم فوق بس اقل شوي يعني مو محلات وايد ....

5- الشنزيليزيه : فيه مجمعات واحد اسمه كلاريدج داخله محلات بس مو وايد ....

6- فال دي يورب : فيها مجمع وهم بنهاية المجمع تطلعون من باب يوديكم حق الاوت ليت ... و علشان اوصف لكم اول ما تطلعون من باب المحطة روحوا ناحية اليمين تلقون مجمع دخلوه هالمجمع حلو بس نصيحة لا تشترون منه اي شي الا بعد ما اتخلصون من الاوت ليت ... المهم اول ما تدخلون المجمع امشوا لحد نهاية المجمع بس تطلعون من المجمع تلقون الاوت ليت قبالكم على طول و يصير شكله مثل بيوت و فيه ماركات حلوه نصيحة ابدوا التسوق فيه بعدين بلشوا في اي سوق تبونه ... و مو تنسون الجوازات علشان التاكس فري ...

وبس هذا اللي اذكر


المطاعم و الكافيهات ....

1- بيزا بينو : موجود في الشانزيليزيه و معروف هالمطعم اكله حلو ...

2- مطعم الشرق : اهو مطعم لبناني واكله وايد حلو و يصير في شارع بالشانزيليزيه اسمه rue marbeuf و يصير هالشارع في الاين اللي فيه مطعم بيزا بينو... هم بنفس السكه في مطعم اسمه لانتر كت اللي عندنا اهني لهم فرع بالفنار روحوا له و ترا هم عليه دور بس تسوا الروحه له ....

3- الفوكيه بالشانزيليزيه ...

4- كافيه عند فندق الماريوت بس ما انصحكم فيه اغلبيته خليجيين و حاط لهم المطعم شيشه بس شكله اممممم.... مو مستوى عوايل ...


5 - في كافيه بالشانزيليزيه ما اعرف اسمه بس لونه احمر و شكله يونس يصير ناحية محل ديزني على ايدكم اليسار بعد ما اطوفون محل ديزني تلقونه بس حلوه القعده فيه و خصوصا بالليل وناسه ....

6- ديل آرتي : موجود في الاديفنس و موجود بعد داخل المجمع اللي في فال دي يورب لما اتخلصون من الاوت ليت و اتردن المجمع اول ما تدخلون تلقون مطاعم اهو يصير مقابل مكدونالد و يمه كافيه بول ...


و بس هذول اللي اذكرهم الحين ...



و ترا باريس حلوه و أمان و عادي بالليل كل شي فاتح مو مثل باجي دول اوروبا بعد الساعه 10 كل شي مصكر و صخه باريس لويه انا و ريلي نرجع الساعه ا او 2 وليلحين وايد كافيهات فاتحين ....

و انشاله اذا تذكرت شي اقولج بعد ....​

 

[لازوردي]

اسبوع واايد الله يعينج انا 5 ايام ومليت


بس روحي ديزني

روحي الاوت لت الي قبل محطه ديزني


روحي الشانز

عاد باريس حلوه و اتونس غربيه انج ما استمتعتي فيها يمكن مارحتي اماكن وايد ..؟​

فيمنطقه ريفيه اهناك حلوه بس شوي بعيده ماني ذاكره اسمها

يمكن قصدج آنسي انا مارحت لها بس وايد مدحوها لي ...​

 

[فرنسا]

ماقصرت اختي لازوردي ........بس حبيت اظيف مجمع الاوبغانتوة كبير وهم مجمعين ......يم الاوبيرا لافيت وديري بالج روحي الاوبيرا لافيت مو الكونكورد لافايت تري الاوبرا اكبر......ومجمع بو مارشية وايد حلو ومشهور وهادي
وعندج شارع الشاتليل يال حلو يونس ........وبرا مجمع الافيت في محلات وايد روحيلها تونس
وبالنسبة للاوت لت تري بنص ساعة تفرينة والمجمع اللي يمة يسكر 9 بالليل يعني روحي الاوت لت اول وعقب افتري بالمجمع وتري يوم وايد عليهم .......واكلي بمطعم نورا فلافل ههههههههههههه
واي استفسار انا حاضر

 

[بسبوووسه]

يابعد عمري يا لازوردي و فرنسا كفيتوا ووفيتواا

انا اول يومين انشالله بكون في ديزني و خمس ايام في باريس

 

[C'est La Vie]

هلا اختي
سوري انا ما سكنت بباريس فما اقدر افيدج بالفنادق بس اقدر اقولج اي شارع اونس
بس ترا لا يغرج الشانزليزيه على سمعته ترى ما يسوى القعده فيه
كله كويتين هناك طقت شارع اكسفورد بس مافيه سوق بس كافيهات
عندج شارع Rue rivoli في فنادق راقية وفيه مشي ما يخلص يم اللوفر
ووراه Rue Saint Honor احلا واحلا
Saint Germain او Rue Saint Michele يم النهر ونوتردام ووناسة
لا تسكنين بالفنادق اللي يم برج ايفل لأن ما في يمهم شي
حق السوق كل الشوارع اللي قلتها فيها
اغلب سوقتهم شوارع ما تلاقين وايد مجمعات
ما عدا Lafayette و Printemp هذيلا فيهم ماركات كل اللي بخاطرج فيه هناك
وقبل دزني لاند فيه مجمع اسمه vall de europe اكثر واحد عجبني وداخله اوتليت اسمه valle village كله ستوكات ماركات ورخيص
محلات الماركات تلاقينها بعد في Rue Saint Honor وفي شارع ورا الشانزليزيه اسمه Montaigne اعتقد هم فيه
شارع الاوبرا طويل وكله محلات
وباريس كبيرة كل يوم راح تكتشفين فيها مكان يديد
وسلامتج

 

[بسبوووسه]

يسلمووووووووووووووووووووووووووووووو

 

[ظلال القرآن]

بسبوسه عليج بالعافيه تهنين ان شاء الله باريس ونيسه اونس من لندن بسما ادري عنها بالشتا
بالنسبه لدزني الله يعينكم على الزحمه لان وقت اعياد عندهم وهيمن غير شي زحمه بس قسمو وقتكم عدل
واستخدمو خاصيه الفاست باس للالعاب علشان تدخلون من غير طوابير تروحون العبه من صوب الفاست باس وتاخذون موعد ويكتبونلج الساعه ويعطونج نص ساعه يعني موعد دخولج من 3 الى 3 ونص تين بهالوقت وتدخلين على طول من باب الفاست باس احنا وايد استفدنا منها ودخلنا كل الالعاب بس كنا منظمين ومعانا الخريطه اختي راحت عقبنا ما لعبت الا ثلاث العاب وطلعت تقول لاعت جبودنا من الزحمه لانها ما اعرفت حق دزني

 

[ظلال القرآن]

انا بسكن هناك 3 ايام
لانه الاوت لت اللي تسألين عنه هناك يم الديزني
وهم اكو مجمه بعد غير الاوت لت فأنا بقعد 3 ايام يوم ديزني و يوم الاوتلت و يوم المجمع

صح الاوت لت يم دزني بس ترا ما يسوى وايد يعني خليج على ثلاث ايام بس يومين دزني يوم اللعاب ويوم الاستديو والقريه وشوفي ردي على بسبوسه بالنسبه للالعاب و يوم الاوت لت والمجمع لانهم يم بعض بالضبط واثنينهم ما شريت منهم شي اغلب البضاعه جدا قديمه والجناط موديلات سنين الطواعين وهم غالين يعن البربريز على 300 دينار اشدعوى والحين الجناط صايرين مثل السيارات تبين على طول انها قديمه لان الناس عرفو وبدو يميزون بين مديلات السنه والمديلات القديمه فما انصح كلش انج تضيعين يومين على السوق و المجمع اهو ولاوت لت بمكان واحد بس المجمع كبييييييييييييييييير يذكرني بلافنيوز وهم فيه كل الي بالافنيوز يعني ماكو شي يديد

و بانسبه لباريس
اهم شي شارع الشانز
و غاليري لافاييت
هذا اهم شي عرفته لي الحين
اذا عرفت شي يديد بدش اقولج

باريس الحياه تينن
والشانز حلو وروحي البرج بعد وروحي حديقه البولينا هذي جنها الهايد بارك وايد حلوه
السوق عندج الشانز والماركات وعوار القلب والمديلات اليديده
وعندج الافيت اينن وكل الماركات فيه واحرصي تاخذين اخر المديلات علشان تنزل الكويت عقب شهرين
يعني اختصري السوق في لافيت ولا تضيعين وقتج كله في السوق باريس سوق الكويت مو بعيد عنها فحرام تضيعين السفره بالسوق

 

[LA TROO7]

احلا شي القعده بالفوكيت وخز الناس هههههههههههههههههههههههههه

اهداء قهوة اللادوري وروحي بيتزا بينو احلاااااااااااااااااااااااااااااااااااااا بيتزا بالعالم طبعا كل هذا بالشانز

فجأه وانا قاعده فيه الايجي الوليد بن طلال ويا زوجته العصقوله <<<قصه حياتي

عموما باريس ممله مو نفس اجواء لندن يعني باريس للكشخه والترزز مو للهياته

وروحي السينما العربيه هناك مكانها او لفه يمين عند الفوكيت

والله يعينكم تكاسيهم مايتكلمون الا فرنسي بالصعب يفهمون شنبي

والبنات ماقصروا ورحله هنيه

 

[عسوله_8]

تروحين وترجعين بالسلامة وان شاء الله تستانسين ، وبغيت اقولج شي حلو الواحد لما يسافر يكتشف الشغلات الحلوة بروحه تصير مثل المغامرة صج تتعبين شوي بس وناسه وايد وتكون ذكريات حلوة وما تنسين الاماكن الي اكتشفتيها ، اتمنالج سفرة حلوة وموفقه

 

[بسبوووسه]

يابعد عمري يابناات ماقصرتوواا


عاشوووووووووووووووووووووووووووووووووووووووووو