بنات ساعدوني مافي وقت بلييييييز

[ملوكه84]

قوة بنات شلونكم









بصراحة عيدميلاد ريلي مابقى شيء عليه نص شهر 3 وابي افكار حلوة وابي احتفل فيه بس مابي بروحنا يعنى ودي اسويه مع اهله يعنى امه واخوانه وخواته مادري فكرت بمطعم وعم محتارة اي مطعم ودي بوفيه ومابي غالي وايد ابي اسعاره معقوله لانه ماشالله اهم وايد بس ابي افكار ومفاجاءات بليز
انا فكرت ادق على اهله واخليهم يروحون المطعم قبلي انا وريلي طبعا بدون ما يدري وخليها مفاجاه مادري شرايكم ؟؟
والهدية لاني كل شي قبل شريتله؟

 

[مواســم]

حلوه فكرتج وصج بتصدمه صدمه حلوووووة

ولاتنسين ترتبين غرفتج وورد وحركات اذا رديتوا

وهذي لقيتها لما سويت بحث احسها اكشن بعد

رجع الزوج في الساعة الواحدة ليلاً وفتح الباب وكان الظلام شديداً واصطدم بلوحة خشبية مكتوب عليها ( إنتبه حفريات فضلاً .. اتجه يميناً ) ضحك الزوج واتجه يميناً فوجد لوحة أخرى مكتوب عليها ( حبيبي بابا أنت في قلوبنا .فضلاً اتجه يساراً ) فابتسم واتجه يساراً .. ثم سار قليلاً فاصطدم ببالونه كبيرة تقول له تمهل يجب أن تقرأ ما بداخلي فثقب البالون , ووجد ورقة فيها ( نورت بيتك يا حبيبي اتجه إلى أعلى ) ثم بدأت أسارير وجه تنشرح وما أن وصل إلى نهاية الدرج حتى أعاقه حبل وفيه شريط ساتان مكتوب عليه ( يجب قص الشريط لأنك شخصية هامة ينتظرها الجميع وبجانبك المقص) , قام الزوج بقص الشريط ثم سار قليلاً فوجد ورقة مكتوب عليها أفتح باب الغرفة ولا تخف فهناك مفاجأة , ففتح الباب وأنهالت عليه البالونات والورود وأضأوا الأنوار وكان الجميع بانتظاره مع الإبتسامة والهدايا المتنوعة والجميع بصوت واحد " عوداً حميداً ومبروك يا ماما على سلامة بابا )

اهي بمناسبة رجعته البيت وتنفع لعيد ميلاد

 

[أم بدير]

جربتي تحجزينلكم ثلاث أيام بفندق؟
هذي خوش هديه

بس انتي تعرفين شنو يحب ريلج
اختي ريلها يموت عالهمر
بس عنده سياره
ومو معقول بتاخذله همر هدية عيد ميلاده
راحت أجرتله همر ثلاث أيام
قام يوم عيد ميلاده الصبح بيروح الدوام طلع والا همر واقف عند الباب رد البيت يقول حق مرته الهمر اللي عند باب بيتنا من له؟
تقوله حقك ثلاث أيام
يقولها لا من صج
تقوله والله حقك
طبعا اهي اليوم اللي قبله بالليل قايلتله كل عام وانت بخير وداقه عليى اخوي يوصل الهمر ويسفطه عند باب البيت بنص الليل عشان ريلها يكون نايم
بغى يوقف قلبه من الوناسه
ويوم بطل الباب شاف علبة هديه فيها هديه حقه (بما ان الهمر أجار فمو معقوله بتخليه بدون هديه له على طول خخخ)​

 

[ملوكه84]

خوش فكرة سالفة الهمر
مشكورة
ابي بعد افكار يابنات

 

[الغاليه نونو]

خوش فكره مالت الهمر واللي قبلها مالت الحفريات خوووش فكره

 

[جكورة]

من رأي أحجزي بفندق ليلـــه..وبنفس اليوم عشيـه بمطعم بنفس الفندق ..

وبعد العشا طلعوا الغرفه وتكونين مزهبه قبلها هديه له مع كيكــه..وأستمتعوا بروحكم أحسن وجددوا أيام العسل..

 

[ملوكه84]

انا ابي احتفل مع اهله لانج ماتدرين شكثر اهو راح يستانس اذا شافهم
واحنا ايامنا كلها عسل دايمن الله يخلينا حق بعض
وسالفة الفندق ماقدر لانه ما اقدر اخلي ولدي بروحه

 

[elfanana nana]

صديقتي حجزت رحلة لدبي بالويك إند لها و لزوجها بمناسبه عيد ميلاده بفندق فخم و سوت له مفاجأه لما راحت معاه المطار عازمته على قهوة في واحد من الكوفي شوبس اللي هناك و كانت مجهزة شنط السفر و كل شيء وهو أصلا ما يدري إنه راح يسافر و خبرته بالمطار و كانت مفاجأة حلوة ، و تركت عيالها ببيت أهلها، ما في أي مشكله إذا كان في مجال
أنا أفضل ان يكون الاحتفال بمثل هالمناسبات يكون بين الزوج و الزوجه بس لأن وجود الأهل ممكن يسبب مشاكل من أي نوع أو غيرة أو حسد من أي أحد لا سمح الله ، ابتعدي عن عوار الراس و المصاريف الزايدة وخليك بروحكم وايد أحسن
:eh_s(22):

 

[ملوكه84]

اممممممممممممممممممممممممممممم شكلي بقتنع بكلامج بس دبي قوية جم بحط وبقط ولا الفين دينار
ابي هدية بحدود 100 او 200 على قدي