نصيحة غاليه مني لج يا أختي الحبيبه :
ابتعدي عن هالطريج ، تعب شهر ولا تعب الحياة ابأكملها ، معظم العلاقات اللي اتصير بالانترنت مو واقعيه ، مافيها احتكاك ولا اتبين الشخصيات على حقيقتها ، وبالنهايه ما تاخذين غير نصيبج رضيتي او مارضيتي ، ف ليش اتخربين على عمرج واتكون لج ذكريات تستحين منها في المستقبل ، نصيحه نصيحه نصيحه دوسي على هالقلب اللي ضيع بنات وايد ، وغيري صديقاتج ، الصديقات السيئات اهما اكبر حافز لج ، واهما اللي حلوا ابعينج هالطريج اللي كان مستحيل تعبرينه ، بس هونوا عليج المسأله و ساعد الشيطان في تسهيل المهمه عليج ، واخدعج وزين المعصيه ابعينج ، و خلاج ما تتصورين هالحياة من غير حب ، لكن والله ثم والله ان الحياة مو جذيه ، لازم اتعيشين حياتج ابطبيعتج وأخلاقج ومبادئج ، واتخلين كل شي للصدف وما تسعين للحب ، الحب اهوا اللي راح ايي ليه عندج عن طريق الزواج الحلال ، خلي ملف ابيض وناصع البياض ، ولا تكسرين قلبج بيدج ، والله والله والله حاولي تنجين ابنفسج من هالحفره ، والله ان الشباب أغلبهم نصابين ، وياما بنات طاحوا باحبالهم وتخلوا عنهم ، يا حبيبتي والله البنت غير عن الريال ، البنت ليه انكسر قلبها ما يرد صاحي مره ثانيه ، الريال ممكن يقط ورا ظهره بس البنت قلبها مثل الزجاج جبره صعب ، راح تتحسرين على الغلطه هذي طول حياتج اذا تماديتي معاه ، صدقيني الحب اللي اتكلمين عنه مو حقيقي ، اهوا شعور دخيل عليج ، انسان حسسج بالاهتمام واستغل الميل الطبيعي بين الجنسين ، و ذوقج شعور ما حسيتي فيه من قبل ، وحبيتي القصه وحبيتي الشعور وحبيتي حياتج اتكون ابهالطريقه ، بس صدقيني هالحياة اللي قاعده اتعيشينها غلط و مافيها بركه و لا الله سبحانه راضي عنها ، وما بني على باطل فهو باطل ، ومهما حاول الواحد انه يبين انه متفتح التفكير يرد لشرقيته ، وما يأمن وحده خانت ثقة أهلها وكلمته ، اشتبين ابواحد يشغل لج الكام أشكرا واحد خبره مع البنات ؟ ويوريج صور خواته ، مافيه غيره على خواته ؟ يوري وحده غريبه اصورهم؟ مهما كانت علاقتكم ، انتم حدكم بالنت ؟ انتوا مو عايشين حياة صجيه ، ما عاشرتوا بعض على الحلوه والمره .
صدقيني ابتعدي عن هالطريج الخطر صدقيني اذا بنت وحده تزوجت ابهالطريقه المئات من البنات اخسروا نفسهم و شالوا ذنوبهم وهمومهم وخسايرهم وكسرة قلوبهم من هالطريج الغلط ، تكفين شدي على نفسج و قوي صلتج بالله سبحانه ، ترا كل اللي قاعد يصير من ضعف الايمان ، حاولي تبنين حياتج بما يرضي الله ، ومارسي هواياتج وحطي طموحات جدام عيونج عيشي على طبيعتج ، صدقيني الرياييل يحبون البنت ذات الشخصيه الجذابه والطموح والاستقلاليه و عزة النفس وكمال الثقه بالنفس ، مايحبون المرأه الانهزاميه قليلة الثقه ابنفسها اللي تتعلق بالرجل ابسرعه دون تفكير ولا ادراك للعواقب ، والله يا أختي الحبيبه عزي نفس وفكري بألآهلج وأخوانج ما يستاهلون اتضيعين سمعتج عشان شخص غريب كل اللي سواه انه سمعج الكلام اللي تبي اي بنت تسمعه وممكن يعلق اي بنت غيرج . لا تثقين فيه مجرد انه وراج صور خواته ، هذا أصلا سبب كافي انج ما تثقين فيه ولا تآمنينه على نفسج .
عيشي حياة نظيفه ، و ردي علاقتج ابرب العالمين وغيري صحبتج . الله يوفقج و يحميج من كل شر وفضيحه يارب ، و يعينج على نفسج . فكري وايد ابعقلانيه اذا ما قدرتي تتركينه تدرجي بالمسأله صدقيني عوار قلب شهر وبعدين يخف العوار وبالنهايه تنسينه وتضحكين على هالايام .
قريت ردج اكثر من مره و كلااااااااامج اثر فيني حيييييييييييييييل والله
وكل ما اقراه اتأثر فيه اكثر لااني شفت فيه الصواب
وهذا اللي بسويه انشاءالله بدرج اني ابتعد عنه لمن يصير الشي عادي
عندي مثل شربة المااي :0bee2e8d89:
واناا لو الود ودي اوخر عنه من الحين بس الشي مو بيدي والله لاني خايفه تتطور المسأله وخاايفه من ربي
ومرات يكون رايي العكس وربي تعبت حدي وليتني اتخلص من هالمشكله من هاللحظه
حيييييييل كلاامج اقنعني وياااااارب الله يسهل علي ويبعدني عن هالانسان كلما اتخذ قرار اني اوخر عنه
افكر بكل اللحظات اللي مرت واغير رايي واقول اني احبه
ياارب ياارب اقدر وانجح باني ابتعد عنه
مشكووووووره حييييييل حبيبتي على النصيحه وعلى الدعوه ومااقصرتي
