بنات ساعدوني و الله آيست :( بسافر لندن علاج و مو محصلة شقة !

[كشمشة كويتية]

بنات سامحوني على عنوان الموضوع بس و الله تعبت و آنا أدور شقة نظيفة في لندن !! أول مرة رايحة لندن و علاج مو سياحة !

رايحة علاج على حسابي الخاص مقترضة من البنك لأن وزارة الصحة رفضوا علاج ولدي بالخارج و مستفيات الكويت لعبوا فينا لعب حسبي الله عليهم .

باختصار صادف وقت سفري بعطلة العيد الأضحى من 12/11 إلى 20/11

و قاعدة أدور شقة بس ما حصلت !

و آنا أهم شي عندي النظافة .. يقولون في شقق بويست أند كي نظيفة west & quey أو على الأقل مثلها

عطوني رقم جم واحد هناك دقيت عليهم و عيزت و اهم يدورون لي

أرجوكم أبي مساعدتكم بأي طريقة ... و لكم ألأجر و الثواب .

 

[om jsoomi]

رد : بنات ساعدوني و الله آيست بسافر لندن علاج و مو محصلة شقة !

ماتشوفون شر ان شاءالله والبنات ان شاءالله يفيدونج

 

[om l3yal]

رد : بنات ساعدوني و الله آيست بسافر لندن علاج و مو محصلة شقة !

حبيبتي ربي يشافي ولديج ويبدل حاله من حال لي احسن حال ويبلغج في ياقادر ا كريم
جم غرفة تبين؟

 

[ArEEj]

رد : بنات ساعدوني و الله آيست بسافر لندن علاج و مو محصلة شقة !

نصيحه الافضل حجزي لج فندق يومين وبعدين دوري هناك المكاتب شكثر
عشان تشوفين الشقه ع عيونج
والله يا بعض الشقق زباله حشاج
وبعضهم بسرداب كله فيران
نصيييييييييحه اختاريها بنفسج
حجزي بالكمبرلاند او ثيستل ماربل ارتش اقرب شي

 

[In Geneva]

في عندك شقق تو هايد بارك سكوير

شقق فندقية مع التنظيف

طلبي الشقق المجددة بالطابق السابع

بحاول أدور لك موقعهم الالكترونية


أنا ساكنه فيه كذا مرة

بالشتا ممتاز وبالصيف لا لأنه ما فيه تكييف

موقعه تدخلين لفة البارك ويست وتمشين شوي وتلاقينه

امتداد الشارع سوبرماركت وبقالات ومطاعم هندية

وتحت الشقق مطعم هندي أكله حلو

سعرها باليوم تقريبا 60 إلى 70 للغرفة وصاله الشقق مو كبيرة حجمها صغير

لكن كنا رتاح فيها وسيكرتي

 

[صباح الليل]

حبيبتي انا ساكنه بشقه وايد نظيفه بلندن بشارع اجور رود
اسم العماره بورتسي هول حيل نظيفه

 

[om_dodo]

موفقة

 

[واصله]

عسى الله يشافي ولدج يااااااااارب وترجعين بالسلامة
شوفي هذيل الارقام اللي عندي وانا بعد متوهقه باجر سفرتي وليلحين محد عطاني كلمه
هذا اسمه ثروت 00447956922423

وهذا ابو روان 00447877341406

وان شالله تحصلين اللي تبينه عندهم

 

[iiioiiio]

up
up
up


اهمـ شي الباث الروم

 

[ORKDI]

ما ادري دقيت وله بعد

الحين كل يقطونج وراء الجسر

المكان يخوف رعب

يمه

كنت رايحه سياحه بس يخوفون اللي وراء الجسر

ارخص بس ما تسوى علي

المهم بصدفه عرفنا واحد اسمه ابو حمزه

رجل شايب عراقي

واخذه منه شقه بعمارة الداللي كورت

اخر الجو روود حتى الاكسفورد والهايد بارك تروحين مشي من كثر ماهو قريب

كنت بالاسبوع

بس اثاثه قديم مو مهم بس الحمام نظيفه واهم شي في هواز هههههههههههههههههههههاااااي

خالي كان ساكن بشقه فوق محل صوت وصوره

الاثاث جديد تلفزيون بلازمه بس غاليه

اذا تبين بو حمزه حياج خاصه

 

[راعية_الجمس]

رد : بنات ساعدوني و الله آيست بسافر لندن علاج و مو محصلة شقة !

هاي انا توني يايه من لندن اذا تبين شقه في الويست اند كي طرشيلي خاص كنت ساكنه فيها مالت ولد شقته الخاصه وسعره زين اذا تبين رقمه اطرش لج اياه على الخاص

 

[bronzya]

هلا فيج حبيبتي
انا موجوده بلندن وساكنه بالويست اند كي وسعرها 550 باوند واهيا عباره عن شقه صاله وغرفه وتكرمين حمام ومطبخ وفيها انترنت وتلفزيون قنوات عربيه
اذا حابه اعطيج رقم اللي مسكنا من عيوني الثنتين بس راسليني على الخاص
ومانبي منج الا الدعاء لمريضنا والله يشفي مرضانا ومرضاكم

 

[marlink]

رد : بنات ساعدوني و الله آيست بسافر لندن علاج و مو محصلة شقة !

دامج علاج انصحج نصيحة اخت روحي مكتب السعدي باخر الاجور رود يم السيفوي
خل ياجرلج شقة بعمارته الي يم المكتب راقية جدا ونظيفة جدا وتييلج وحدة تنظف الشقة مرتين بالاسبوع
والشقة دورين تينن في غرفتين وفي 3 غرف
ويمج السيفوي ارخص شي للتسوق لان البقالات العربية نار
بصراحة ما اعرف رقمهم بس اي سايق كردي هناك يدليج مكتبهم

 

[نسمه بارده]

انصحج تسكنين فندق مؤقتا لحد ماتلقين شقه نظيفه تري الاجورد فيها شقق تلوع الجبد وكلها فيران اجرو برا اجورد بس منطقه نظيفه مثل ميدا فيل راقيه والشقق سيكيوريتي والاهم بعيده عن العرب ووصخهم
بصراحه جربت كذا مكان هذا انظف وارقي من اجورد الي كله وصاخه فيران غير البلاوي من دعاره وخمور ومخدرات خصوصا شقق البنغاليه والهنود والله يسهل عليج يارب

 

[مصممه من صغري]

ممكن ترسلون الارقام لي عالخاص