حبوبه،، انتي كلمتيه خلاص >>>يعني انتهى وعرف انج داريه عنه،،
الي اقوله لج الحين خلي موقفج صااارم معاه ،، انتي ي موقف قوه وماسويتي شي غلط واذا بيفضل بنات ابليس عليج ينعاف هالريال،،
ااذا رد البيت لاتعتذرين ولاتتكلمين خليه لين هو يتكلم واذا تكلم قولي انا سكت 4 اسنين عشاني وعشانكـ واحبك وابيكـ بس السالفه مصخت
لو انك تحترمني وتحبني ماسويت هذا الكلام،،
قولي انا وش ناقصني وش انا مقصره فيه ،،
عشان تروح تدور بنات ابليس،،
قولي له انا وحده اخاف من ربي ،،وخوفي من ربي هو الي خلاني اتحمل 4 اسنين هذولي وانا في رجاء انك تتعدل،،
انا الحين حامل ،، ومادري يمكن ربي يبتلينى وتصيبنا حوبه وكلها من فعايلكـ
الرسول قال من زنا يزنى فيه ولو في جدار بيته،
قولي الحياه ياصح ياغلط
والغلط خلاص ماقدر اتحمله،،
انت رجال بتخاف من ربك وتخاف ربك فيني وفي البيبي الي جاي في الطرق كان بها
ونبداء صفحه جديده،،
مانت قادر تترك بنات بليس ولحمهم الرخيص الله بيني وبينكـ وكل واحد في طريقه،،
>>>>شوفي هو شيقووول،،
انتي مو زباله ولا رخيصه عندك ابوك وخوانك الله يخليهم لكـ مانتي محدوده على الرجال،،
والي هذا اوله ينعاف تاليه،،
والله يوفقكـ
انا كلمته و الي صار صار و انا وايد خايفه من الي ياي خايفه اخسره و اخاف يعوفي و يروح لهم
قلبي لاتقعدين تقولين ابي اعرف ليش سوت كذا ومادري ايش >>
ابليس شاااطر والخيااانه في دم الرجااال،،
عزي نفسك ترى ماحد عازك غير نفسك
>>>البنات الي يقولون اسكتي لين متى قولولي لين متى بتسكت وتنوكل كبدها عشان وشو قولولي
لو انه هي الي خاينه ماقال بسكت وزوجتي وبمشي الوضع واسامح
ليه حلال عليهم حرام علينآآآآآآآآ
هذا زنآآآآآآآآآآآآآآآآآآآآآآآآآآآ>>حرام على الرجال والمره
ماقال ربي حلال عليهم هم بس،،
اهواا شكله استوعب الي قاعد يسويه غلط لاني انا كلمته من ناحيه الشرعه بس همن اقولج انا خايفه
اخاف بعدين ما ينفع معاه الكلام و اهوا يشد من طرف و انا اشد من طرف ثاني و ما نتفاهم
عدل كلامها :/
4 سنين و لي الحينه يكلم :/
قوليله شنو شعورك بكون لو انا كلمت رياييل بترضى؟ مثل ما انت ما ترضاها عليك انا ما ارضاها على روحي و خرعيه قوليله باجر ايون شباب يسوون ابناتك جذي مثل ما انت تسوي :/
والله يهديه انشالله..
حبيبتي انا لو كلمته بهذا الاسلوب ما ينفع معاه مو كل ريال يتقبل ان المره تساومه على ان اذا انت كلمت انا اروح اكلم و شي طبيعي راح يقول انا ريال اشيل عيبي و انت مره لازم تكونين متحمله
