بنات شراايكم ماليزيا ولا تايلند ولا النمسا ولا المالديف؟؟

[Deema1]

السلام عليكم ورحمة الله وبركاته

بنااات حبيباتي بلييييييييز اللي راحت حق الدول هذي تفيدنا عسى ربي يوفقها --

شرايكم أحترت حييييييل أروح ماليزيا ولا تايلند ولا النمسا لاني انا اعششششششششششق الطبيعه ولا المالديف ؟؟؟

عفيا بنات اللي عندها فكره تفيدني الله يوفق الجميع -- حدي معتفسه مادري شنو اختار ؟؟؟؟؟؟؟؟؟؟؟؟ِ

 

[الغضه]

انا رحت تايلند وماليزيا بس ما افكر اروحلهم مره ثانيه لان لو بروحلها بعد عشر سنين اهيا اهيا ما تتغير اممم بالنسبه لطبيعه كلها طبيعه بس الجو مو شى دامج تحبين الطبيعه اكثر من التسوق الجو حر ورطوبه على مطر اذا تبين روحى النمسا اكيد بالجو والطبيعه احلى اما جزر المالديف اختى راحت تقول ماال اربع تيام بس يعنى ما تسوى مادرى عن نفسى لو خيرونى بختار النمسا

 

[الأمورة]

النمسا مافي كلام

 

[Adrianna]

لازم هالدول يعني...؟ لو تحبين الطبيعه ليش ماتروحين النمسا ولا سويسرا؟ هناك الطبيعه الأصليه حبيبتي ......

 

[semaasem]

على حسب انتي شنو تبين كل ديرة ولها جوها الخاص اذا تبين طبيعه وجو حلو بارد النمسا بس اذا تبين بحر وجزر طبعا شرق اسيا الموضوع يعتمد عليج انتي شنو تحبين بالضبط واستخيري

 

[Om Ghalia]

المالديف اذا تحبين الهدوء والبحر والتأمل والنشاطات البحرية مثل السباحة والصيد ورحلات البحر.
ماليزيا وتايلند: حلوين وفيهم مناطق حلوة وبين الشوبنج والآثار والبحر بس تايلند صعب فيها الأكل شوي، يعني اذا تحبين الأكل البحري اوكي اذا لأ رح تشوفين الخيارات صعبة شوي، ماليزيا فيها مطاعم حلال، وأسهل شويه.

 

[Deema1]

بنات انا بسافر شهر 11 واخترت النمسا ,

بسألكم النمسا بشهر 11 شلون الجو زين ولا برد وثلج لا يكون الشجر مصووفر _

يعني أخاف خريف عندهم عفياااااااااااا بنااات فيدوني وعسى اللي ترد علي يرزقها ربي

كل اللي تبيه ويحقق لها مرادها ويجعل مثواها الجنه

لان ماكو وقت لازم اخلص كل شي من حجوزات وجنط وسواااااااالف انتم عارفينها

عفياااااااااااااا لا طولون علي بردوودكم الروووووووووووعه _03ba:

 

[جوري وبنفسج]

السلام عليكم

النمسا معشوقتي

بس بشهر 11 أتوقع ثلج وراح يكون بردددددد يبيلكم ملابس ثقيلة

أحنا لما نروح لها شهر 6و7و8 يكون جوهم براد ومطر

أنصحج أذا تحبين المناظر الطبيعية روحي مناطق البحيرات مثل سانت جلجن وسانت ولف جانج وفي منطقة روعة بس أتوقعها راح تكون أبرد منهم ويمكن الثلج ينزل عندهم قبل المناطق الثانية لأنها على قمة الجبال وهي سي فيلد .​

 

[Tender Heart]

والله حبيبتي الافضل بينهم النمسا بس بوقتج لا صعبه لان راح يكون برد وماتسوى عليج اانا انصحج روحي ماليزيا اتهبل طبيعتها حلوه ومادري احس مو وايد رطوبه يعني في اماكن صج رطوبه مثل افاموزا وكوالالمبور بس الجزر لا الجو يهبل فيهم وانتي كيفج بس انا برايي وبالوقت اللي انتي بتسافرين فيه الانسب لج ماليزيا لان اوربا ترا هالسنه بالصيف جوها بارد مو مثل السنين اللي قبل شلون عيل بالشتا ؟؟؟؟ وبالاخير يعتمد الراي عليج انتي

 

[عضوة راقية]

جزر المالديف رومانسية بس جو آسيوي ورطوبة ............زلمسي جنة الله في الأرض والجو ولا أروع

 

[panadola123]

النمسا بهالوقت تكون شوي بارده وماكو خضاااااااااااااار كل الشجر مصووووفر وطايحه أوراقه لأن موسم الخريف

 

[الفنانة لؤلؤة]

السلام عليكم ورحمة الله وبركاته

بنااات حبيباتي بلييييييييز اللي راحت حق الدول هذي تفيدنا عسى ربي يوفقها --

شرايكم أحترت حييييييل أروح ماليزيا ولا تايلند ولا النمسا لاني انا اعششششششششششق الطبيعه ولا المالديف ؟؟؟

عفيا بنات اللي عندها فكره تفيدني الله يوفق الجميع -- حدي معتفسه مادري شنو اختار ؟؟؟؟؟؟؟؟؟؟؟؟ِ

السلام عليكم
حبوبه انا رحت تايلند ( بانكوك مرتين - وبوكيت مره ) وحاليا اهلي ب بانكوك وانا كنت بروح بس ماخلوني لاني حامل وخايفين علي من انفلونزا الخنازير
لازم اعرف انتي رايحه مع ريلج ولا اهلج ولا مع عيالج
لان اذا معاج يهال ماينفع تروحين بوكيت لان عباره عن منطقه بحريه وكلها مفاصيخ واغلبها رحلات بحر بس اتينن اذا بس انتي وزوجج وايد وناسه تركبين جت والموزه وبراشوت بس انا ماركبت البارشوت لاني اخاف من المرتفعات
وتروحين رحلات حق جزر واااااااااااااااايد حلوه مثل جزيرة جمس بوند و بي بي اي لاند
ايننون الماي فيها عجيييييييييييييييييب جنه حمام سباحه انا اللي ماعرف اسبح لبست طفاحه وطبيت من الطراد بنص البحر شعووور حده حلو
اممممم وبعد فيه رحله حق المسرح اسمها فانتازيا لازم لازم تروحين له لانه شي فضيييييييييييييييييع واينن
طبعا فيه تاجير سياكل وانا ركبت مع زوجي سيكل بكل ثقه بس طلع خرطي وطحنا من السيكل:krkrkr:
انا كنت رايحه شهر عسل صج صج ونااااااااااااااسه بوكيت

واذا بتروحين بانكوك كلها سووووووق وين ماتمشين والبسطات حده تونس بجايم واكسسوارات ويعني حركات حلوه وشغلات تونس

انتي قوليلي وين بتروحين وانا ان شاء الله بفيدج اذا تبين اسامي مجمعات ومطاعم

وان شاء الله اكون فدتج شوي

 

[مستثمره صغيره]

والله انا رحت ويا زوجي لماليزيا الصيف الي طاف الحمدلله الجو روعه بس ياي من الشعب وربي حدهم نرفوزيين وماياساعدونج لو يشوفونج طايحه من غير شر يعني تعاملهم جاف ومتعلمين النصب من قلب انا انصحج روحي النمسا حدها روعه وخصوصا زلمسي وكافي تعامل الشعب حده راقي

 

[brettey]

طبعا النمسا