بنات شرايكم بسافر لندن

[نوراا2]

بناااااااااااات بسافر لندن بنص شهر يناير واااحد شرايكم صج حييل برد لدرجة مانقدر نطلع ولا عادي الوضع نلبس ثقيل ونطلع

 

[mr000]

والله بنت حماتي ألحين بمانشستر تقول عادي وناسه لبسوا ملابس دافيه وكوت وطلعوا وولدي أمس راح اسكتلندا بعد أبرد وثلج بس يقول عادي وناسه....بس آنا العام رحت بأول شهر 4 كان الجو روعه وايد حلو ووناسه وماتلبسين هدوم وايد بس جاكيت عن المطر يعني موبرد موت وأيام تطلع الشمس بس يطق مطر بالليل وايد حبيتها بهالوقت وهم الأسواق موزحمه يعني في ناس وايد بس أجانب لأنه عطلة الأيستر مو عرب وخليجيين.... وموفقه ان شاءالله

 

[ارستقراطيه]

احسن تروحين بهالوقت صج برد وثلج
بس على الاقل ما فيها ازعاج الخليجيين
وين ما تروحون بتسلمون على ناس تعرفونهم
جنكم داشين الافينيو,......هههه
كثرى كوتات ومظلات
وبتستانسون ان شاء الله

 

[ALSHD]

والله انا توني قبل يومين راجعه منها صح برد بس عادي ونااااااااااااااسه مادري عن شهر واحد

 

[نوراا2]

مشكووورين حبايبي على الرد بس بعرف انتووو وين تروووحون غير التسوق خاصة اني معاي بناتي صغاار اثنين 6و8 سنوااات وين اطلعهم ومشكووووووووووورين

 

[البسمه العذبه]

والله برد ثم برد انا لما رديت باديه البرده عدل والحين البنات يكلموني يقوووولون ثلج موت مانقدر نطلع اذا انتي براده خليج بمحلج والجهال بلعوزونج انا عيالي جننوني

 

[shoshowh]

هلا والله
انا الحين في لندن صج الجو برد برد
بس عادي لبسي هاينك ولفة الرقبه وهلهوب متين وبنطرون وكوتج وطلعي اي نسيت ولبسي الاتسوس حق الايدين
وان شاء الله تستانسين

 

[mr000]

أذا مومضطره تروحين بشهر 1 غيري الوقت يعني روحي بشهر 3او 4 علشان يخف البرد وتقدرين تطلعين على راحتج وخاصه معاج يهال حرام راح تنحكرون بالبرد وماتقدرين تودينهم حديقه مثلا يعني عندج لندن زوو وايد حلوه واليهال راح يستانسون فيها تقعدون من ال10 لي العصر ماتحسون بالوقت وهم الهايدبارك والريجينت بارك ووديهم المتاحف مثل متحف الشمع ومتحف التاريخ الطبيعي والمتحف العلمي.. وديهم البيكاديللي فيه مكان اسمه التريكاديرو يلعبون هناك.. وروحوا برايتون يوم هذي منطقه عالبحر حلوه وفيها السي لايف.. عندج بعد بلندن ليغو لاند الحديقه اللي فيها مدينه من العاب تركيب.. يعني في وايد أماكن بس يبيله جو زين مو برد موت وثلج

 

["*آآآنؤؤؤقهـ*"]

وحين وتردين بسلامه

وترى ثلج ...........

 

[العطر 87]

برد برد برد والله موشي مانقدر نطلع الا جمدنا انا والله ماخليت شي مالبسته بس احس نفسي مو لابسه

 

[عاشقة لندن]

اكيد برد واحتمال ينزل ثلج

 

[ربوع الحلوة]

أنا بروح بعد إسبوع نص شهر يناير معاج :ggdw:يعني ومجربه الجو العام نفس الوقت برد وأحيانا ينزل ثلج ومطر طبعا

يوم وترك بس البرد الحلو

صراحه حتي الأيس كريم ناكله مانمرض بس إخذي( جاكيت / دسوس / بوت / هانيك صوف / شمسيه أهم شيء / دلاقات صوف ) ولما

تطلعون أي مكان تدخلون في تدفأه كل المحلات حتي الشقق إذا غاليه فيها تدفأه تلبسون بجامات صيفي والفنادق الكبيره فيها تدفأه البجايم

إخذي صيفي بس للطلعه جاكيت نوعيه زينه يدفي واللي قتلج وتدفين شدعوه برد من من دول الأسكيمو بردها حلو صراحه تتحملونه والثلج

إذا لحقتي علي نعمه لج تشوفين قدرة القادر بهالديره تتمنين عندنا وين اللي يحصله يشوف ثلج ينزل إحنا إذا نزل بردي

تراكضنا بره الحوش :dddds:هههههههههه روحي توكلي علي الله ومرات تطلع الشمس إستغلي الفرصه روحي

الأماكن المكشوفه وفي لندن أي كبينه مسكره ومافي برد ومتحف الشمع مدام توسدس مسكر دافي وايد أماكن سياحيه

مسكره بس مثل ماقلت لج اليوم اللي في شمس روحوا الحديقه والأماكن الترفيهيه وموفقه بالسفره :eh_s(8):

 

[*وردة نرجيسية*]

خليها شهر 4 روعة

 

[حضاره]

الاماكن حق الصغار اشكثرها00وحقكم بعد00عندج :

لندن اي 00وفي يمه الاكواريوم يونس اكبر من اللي بالمركز العلمي ويسوون حركات حق الصغار يخلونهم يلونون حيوانات ويغلفونها وتتعلق على الصدر00(اعتقد فري)

ويصورونهم صور تذكاريه على اسماك وحيتان 00يونس يعني

ولما تطلعين برا عندج ال(بج بن)صوري البنات عندها

والهايد بارك والريجنت بارك 00يونسون تقضون فيهم نهار وتاجرون قوارب

والباكينجهام بالاس00اخذيهم هناك ياخذون فكره ويصورون وبعدين روحي الجرين بارك اللي قباله جمييييييييييييييييله لاتطوفكم

وعندج مدام توسو حلو يونس بعد00وحوالينه لندن زوو خوش حديقه وتاخذين لهم تذكارات(اقلام ومساحات وبرايات)

واذا قدرتوا تطلعون برا لندن روحوا مصنع الكادبوري وورد في برمنجهام00رحله حدها تشوق وتونس حق الصغار والكبار00

اذا بغيتي تفاصيل اكثر انا حاضره00والله يوفقج يارب

 

[ريشه فنانه]

شوفي يا قلبي

اخذي الحجي من عندي انا بوهندي _03BA:

من اليوم بالاخبار قايلين الي تقريبا سبوعيين بتصييير يممده وعواصف ثلجيه الله يستر علينا

حتي رح نعطل من المدارس احتمال انا اعيالي يومين ما راحوا المدرسه ومحكورين بالبيت ما يمديهم يطلعون بره اشوي يلعبون بالثلج الا ارجعوا يبجون غير الزلق يحليلج وانتي زالقه حجدام الاوادم
:dddds:بعدين درجه الحراره الفجر -6 والوقت العادي -4 وموزين تطلعين بالحراره النازله صحيا موزين وغير جذي مع هوا اللي يكفخ بوههج وعيالج يا بابا ماما ميا شللي حادج خليها علي اربعه احلي

وخير يا طير ثلج تري مو خالصه الدنيا :tek:​

 

[نوراا2]

مشكووورين على الرد
بس انا مطررره اروووح بهاشهر عندنا مراجعات حق بنتي تعالج
بس معظم الايام راح اكوون فاضية ماعندنا شي
بس حضاااره عادي اودي بناتي حديقة الحيوانات بهالبرد اخااف القى الحيوانات مثلجة لووول ويصير اركبهم قارب بالهايد بارك مو برد عليهم وعلينا

 

[3aboora]

و الله يا قلبي برد وايد وايد وايد و ثلج .. نمشي و نزلق .. انا صارلي يومين قاعده بالبيت
احنا جامعتنا صكروها و الامتحانات تاجلت حتى بغيت ارد الكويت بس قالولي الطيارات ما تقدر تطير بهالجو

 

[حضاره]

مشكووورين على الرد
بس انا مطررره اروووح بهاشهر عندنا مراجعات حق بنتي تعالج
بس معظم الايام راح اكوون فاضية ماعندنا شي
بس حضاااره عادي اودي بناتي حديقة الحيوانات بهالبرد اخااف القى الحيوانات مثلجة لووول ويصير اركبهم قارب بالهايد بارك مو برد عليهم وعلينا

والله يانورا انا ماجربت لندن هالوقت00يقولون البنات ثلج 00اخاف البحيره تكون مثلجه اصلا00انا بصراحه جربتها

بشهر 4 الجو جميييييييييييل ورووووووووعه وحده وناسه لنا ولعيالنا00بس انتي تقولين مضطره تروحين مراجعات00

ان شاءالله يزين الجو هناك على جيتكم وتستانسون يارب

 

[نور البدر]

انا بعد رحت بشهر 3 حدها روعة ومفكرة بعيد الفطر

 

[نوراا2]

ويييييييينكم بنااات شاركوني رايكم