بنات شريت بدلت العيد من معرض اتينن وشوفى شنو المصيبه الى شفتها بعد ماخذيتها......قهر

[Alia]

رحنا حق واحدة ببيتها في احدى المناطق .... ورتنا تشكيلة من العبي والدراريع وارخص شي عندها ب 90 !! ... سبحان الله ماعجبنا شي وطلعنا بعد يومين اختي لقت كل شغلها عند خياط باحدى الجمعيات شغل البلس العبي ماشافتهم شوفوا من اي خياط ثاني والاسعار من 12 الى 30 بالله شنو هالنصب وتحلف خاماتي من ايطاليا ولندن شنوووووووووووووو !!!!! امبيه كلههم شغل البلوكات محنا مخدين

تبين الصج احنا يالحريم السبب للاسف اهما لو يشوفون بنات مفتحين بلبن ومايشترون جان ماستمروا !!!! بس اغلب البنات مالها خلق تفتر فتشتري اللي جدامها ويعجبها

ولا خام جان مال يونفورمات خدم ب 90 !!!!! صج ناس ما تستحي ولا تخاف ربها

 

[بحر الذكريات]

لا حول ولا قوة الا بالله العلي العظيم

 

[Dr.Nouf]

معرووف البلوكات خيايطتهم شطار !! احب اخيط عندهم بس لوما مسافة الطريج + الزحمة !

 

[i will]

غلطاانه اللي تشتري من المعارض !!

 

[الأصيله]

رد : بنات شريت بدلت العيد من معرض اتينن وشوفى شنو المصيبه الى شفتها بعد ماخذيتها.....

ما نفهم مااااااااااااانفهم انا مثلج

وترفت اللى تقصدينهاااااااا

الله يعنين بس

 

[مغرمه]

بصراااحه حقاااره ولعااانه
اعووذ بالله ليش جذي!!
ذاك اليوم وحده كاتبه عن محل لويس فيتون وشلون يبيعون جنط مقللده ع اسااس اصليه
وكل يوم وحده حاطه موضوع عن نصب المشااغل!!
لي متى النصب والإستفزااز
اعوذ بالله خلاص الواحد مايثق باللي يشتريه صارت الماركات والبو طقه نفس المستوى نصب بنصب!!
الله يعينج حبووبه
انا العااام
فصلت دراعه
ودفعت عربون20 ديناااار
ولي يومج هذاا مإستلمت درااعتي
اسحبت علي رااعية المشغل
تسكر جهازهاا
أو مااترد
وإذا ردت تقص علي تقول ان شااء الله اول ماأنزل معررض ابلغج تجين تستلمين دراعتج
واسححححححححب لي اليوووم
بذمتهم كلهم يوم القياااامه!!

 

[!الجادل الصعب!]

آرد و آقول .. رزق المهبل ( التاجرات النصابات ) على ( المهبل ) احنا

 

[shmoo5 2ntha]

رد : بنات شريت بدلت العيد من معرض اتينن وشوفى شنو المصيبه الى شفتها بعد ماخذيتها.....

حسبي الله عليهم

حسبي الله عليهم

حسبي الله عليهم

والله شي يقهرررررررررررررررررررررر شنو فلوسنا مو مقطوطه بالشارع ,,

عساهم مايتهنون بهالفلوس إن شاء الله

خلاص هذا ردس عشان محد يروح حق الحريم خل يطيح شغلهم ونصبهم بجبودهم ,,

معوضه حبوبه

 

[*الشيـــهـانـة*]

الحريم كله نصب بنصب
الله يعوضج

 

[بدوية بملامح كشميرية 86]

هم صارت مع اختى جذى نصب الحريم مايخلص


الله يعووضج

 

[a7la bdwya]

رد : بنات شريت بدلت العيد من معرض اتينن وشوفى شنو المصيبه الى شفتها بعد ماخذيتها.....

امبيه من صجكم ؟؟
واي البلوكات موصج فصلت عندهم وايد بدل وقمصاان راقين
وفصلة بدله حق عرس اخنتي بس تطلع اوريكم الموديل
بصراحه حدده راقي اوروبي
وحسبي الله على الحريم نصابات !!

 

[black_arno0oBa]

حبيبتي هذا مو نصب ولا شيء وهذي تجارتهم وشطارتهم ولا تنسين مو وايد ناس يحبون يروحون البلوكات وانا من جذي ما احب اشتري من حريم وادري اذا شريت منهم بلقى برة ارخص بس يكون مالي خلق افتر بس ترى يعني حرام ما ينقال عليهم نصب لان هذي شطارتهم لان لو بتشترين شيء وتلقينه بمكان ثاني بره ارخص عيل كل محلات الكويت نصابين لان كل شيء بره ارخص لا وبعد ومع الضرايب وهارد لك ونصيحه مني لج لا تشترين من حريم خير شر وافتري بالسوق راح تحصلين كل شيء ارخص

 

[miss alreem]

الله يعوضج حبيبتي

 

[ايطاليه]

انا جذية خيطت منهم قميص حق العيد ب25

ولقيت نفسة ببيت كاريزما على جم تتوقعون؟؟؟؟؟

























ب110 دنانير والله العظيييم

 

[اخت الغالي الغائب]

انا اشوف ان التجاره شطاره بس مو لدرجة النهب يعني التاجره تخيط قميص بخياطين البلوكات ب30 وتبيعه ب70 لا المفروض تبيعه ب40 لانها وفرة على الحريم فرارة السوق معا ان اجار المعارض غالي على التاجره

 

[مدام فاشن]

بنات انا اخالفكم الراي

ليش تقولون نصب بنات احنا اهل ديره وحده ومحد يرضا احد يقول عن اهله نصابين او حراميه


ادري بتقولون عندج مشغل عشان جذي ادافعين

والله يابنات تقريبا 50% من الكويتيات الي عندهم مشاغل يفكرون ويبدعون ماشاء الله وتيلج وحده تشتري البدله مثلا ب70
وتعطيها وحده من اهلها وتروح تخيطه بالخياطين الهنود الي تقولون عنهم ويسويها لها بسعر ارخص ولانه عارف اهوا بيتفيد

رديله بعد اسبوع تلقين مسوي كوبي على بدلتج وكل الاوان بعد وصافهم للزباين

الحين منو النصاب مو الهنود مواهوا الي باق الموديل وسوا عليه كوبي وصفه لزباين

وبالاخير الي تنلام صاحبت المشغل وينقال عنها نصابه وحراميه معنه بالاساس الموديل موديلها

وبنات انارايحه للخياطين تدرون شسوي توديله بدله تقولين له لاتسوين منها ولا تبيع منها هذا موديلي

يسوي مثلها ويحطها بمحل ربعه واحد يبع على الثاني موديلات الزباين وبالاخير يقولج انا ماسويت مثل بدلتج وتلقينها بالمحل الي يمه


والله يابنات انه في وحده من الزباين قالت لنا كانت رايحه الخيايط الي قلتو عنهم تقول لها
شفت واحد من قمصانج ماخذته وحده ومسويه للموديل برنت وتفتر فيه عند الخياطين منو يسويلي مثله

وبالاخير تطلع راعية المشغل نصابه موذنبها اذا في بنات يطبعون الموديل ويودنه يسونه


والي مومصدقه خل تروح لبلوكات اشوف الحريم يفترون وبيدهم اوراق مطبوعه وادش المحل توريه الموديل وتقوله طلعلي مثل نوع الخام الي بالصوره
وتوديه اي خياط ويسوي كوبي

وبهم تطلع راعية المشغل نصابه


واتمنى محد يزعل من كلامي بس هذا الواقع

 

[am_kshaa]

مدام فاشن بعد قلبى انتى كلامج صح
لما يكون المديل مديلج انتى وديتي حق الخياط وخيط عليه وباعه حق الكل هنى تنقهرين واصدقج ان انتى تعبتى بالتصميم والخياط الى بايقه منج
بس الى انا ماخذة منها الخياط اهوا الى يطلع لها المديلات واهيا تختار الى يعجبها ويعطيها مساطر خامات تعرضهم ومسويه ليبل حق اسمها ويحطهم لها
وبالاساس اهيا تعامل ويا الخياط وتاخذ البدلات منه يعنى شايفه ان الخياط عارضهم يعنى اهيا الى ناصبه علينا
واوكى تبين تنزلين معارض وتكسبين
بس كسبى بالشى المعقول موالشى ب25 ولما اكاسرة يقولى 20 واهيا تبيعه ب70
يعنى حدث العقل بما يعقل وان صدق فلا عقل له
والتجارة شطارة بس مابالغ بالاسعار مثل ماقالت الاخت الى قبلى

 

[ملواكي]

الله يعينج صج شي يحر ويبط الجبد

 

[Turquoiseya]

كلنا طحنا فيها
انا شريت دراعة شغلها بسيط بس موديلها شوي غريب
ب70 دينار
واول يوم عيدت فيها شافتها اختي قالت كم شاريتها؟ قلت ب70 من حرمة
قالت انا لاقيتها بالدبوس ب20 دينار العيد اللي طاف
كرهت الدراعة وزين اني ماحذفتها بالزبالة
والى يومج هذا مالبستها كلش

 

[3so0ola_94]

معاااج حق