بنات شريت بدلت العيد من معرض اتينن وشوفى شنو المصيبه الى شفتها بعد ماخذيتها......قهر

[am_kshaa]

السلام عليكم بنات
شلوووووووونكم




مقهورة
ومبطوطه جبدى واحس راسي راح ينفجر من القهر من الى شفته اليوم :lkmnkl::lkmnkl:



قصتى ياحلوين الفاشله انى طالعه فيها مزهبه حق العيد مبجر انا واختى مالى خلق زحمه السوق وماحب اطلع برمضان
شهر 5 رحت معرض سالم العلى بقرطبه واكو وحدة عندها قمصان اهيا تصممهم وتسويهم وشغلها حلو وموديلاتها وايد حلوة وناعمه
خذيت منها العيد الى طاف وقتلها اول ماتسوين معرض بلغيني
ورحت لها ولقيت قميص عجبنى قالت اسويلج اياة ب70 ولاحضووووووووو بس قميص
وهم اختى خذيت لها بدله كامله شروال مع بلوزته وياة حزام ب95
المصيبه ان اليوم رفيجتى قالت لى بمرج بنروح الصفاة الى بالبلوكات فوق فى خياطين وكل شغل الكويتيات الى بالمعارض من قمصان وفناتق موجودة قتلها يالله نروح نشوف مع انى خالصه




اااااااااااااااه ياقلبى لقيت بدلت اختى ب30 ويوم كاسرته قالى 25
وقميصى الى خذيته منها ب70 موجود ب25 وانا اكاسر واحن احن من القهر قالى اذا تسوين اثنينه عندى احسبه لج ب18
ورب الكعبه كرهت بدلتى وماراح البسها بالعيد من القهر ليش جذى النصصصصصصصصصب
المشكله ان اغلى شى لقيته ماتعدى سعرة 30 خام وخياط وشغل فيهم وكل قمصان البنات الى بالمعارض موجودة والدراريع هناك اتيين وعلى 30 ونازل ومن ذكائى الزايد ان لما خلصو بدلاتنا دقت على وقالت لى روحى البلوكات تستلمينهم قتلها اى محل قالت لا اوصلى ودقى على والخياط ينزل لج ومسويه فيهم كشخه حاطه ليبل على الملابس ومغلفين وجيس باسم محلها وانا يوم رحت نفس المكان القى خياطها وكل البدلات الى عندها بالمعرض موجودة هناك

ليش بالمعارض جذى ناصبين نصب علينا وهناك برخص التراب
صج الى للحين ماسوت حق العيد تروح اطق لها فرة هناك
خام وخياط من عندة والموديلات اتينن وحتى لو بتغيرين ولا عندج فنتق كل واحد اشطر من الثانى
ادرى طولت بالحجى بس من القهر الى بقلبى والله:lkmnkl::lkmnkl: ​

 

[نجمه الحالمه]

صارت فينا قبلج



صاير نصب بهالحريم الله يهديهم

 

[**فراشة الكويت**]

رد : بنات شريت بدلت العيد من معرض اتينن وشوفى شنو المصيبه الى شفتها بعد ماخذيتها.....

اي والله قهرررر
ما الومج والله مقهوره
هالحريم اللي يرفعوووون اسعاااارهم الدبلاااااات
بس لوسمحتي وين ببلوكات لاني ما اعرفهم الخياطين اللي فوق عندهم شغلات حلوه للعيد

 

[أم عمر العتيبي]

كلتيها مثل ماقليتها علينا بالعافيه
كل طراق بتعلومه

 

[الإسراء]

حرام والله حرام عليهم .. حدج كسرتي خاطري ..
الله يهديهم ..

 

[جوري 2007]

يامعودة كيفهم
اهما يحطون شغلهم بهالمعارض واحنا نشتري

لبسي البدلة ولاتحرين روحج مع ان السعر موشوية بس ماعليه

وخل اطيح البدل بجبودهم عقب ماعرفنا السر

 

[am_kshaa]

فراشه شغلات وايد حلوة بدلات فى كامله وفى دراريع الفناتق وفى قمصان شغل تطريز وفى الناعم وفى السادة
يعطيج المسطرة مالت الخامات وانتى تختارين المديل والالوان
انتى وذوقج تختارين الى تبينه وانا اول مرة اروح له اليوم بس شفتى وين الثرات الهندى؟ بالصفاة فى سلم متحرك عند باب التراث الهندى هنى صعدى فوق كله خياطين وكل واحد عارض شغله وفى ناس تخش شغلهم داخل وفى دواعيس يمين ويسار هم فيها خياطين وفى جم واحد بس بدل سهره

 

[Un-6be3iya]

امبيييه مالت عليها لو انا منج اطيح حظهآ واخليها ترد فلوسي @@

انزين قوليلنا وين هالخياط شوقتيييني عليه

 

[الأبتسامة الدام]

انا عن نفسي مااخذ من الحريم شغلهم كلة بالبلوكات والعربيد كلهم نصابات واللة يلوم اللي يلومج

 

[كويتيه وافتخر]

رد : بنات شريت بدلت العيد من معرض اتينن وشوفى شنو المصيبه الى شفتها بعد ماخذيتها.....

الله يعوض عليج

 

[am_kshaa]

بعد قلبى على هالردود
راح البسها بس احس كرهتها قبل لا ايي العيد

والى تسئل عن المكان الخياط اهما تقريبا كلهم نفس الشى فوق والخياط الى لقيت عندة بدلات المرا بعد ماتصعدين الدرى فى لفه يسار اكو محل يسوى جياس وسوالف مثل مطبعه صغيرة اهوا يمه
واهما تقريبا كلهم نفس الشغل بس كل واحد عندة فنتق بروح يعنى لازم تفترين عليهم كلهم وتشوفين الى يعجبج

 

[^noonaa^]

صااااااجه مادري متى ابنفتك من نصب الحريم

 

[Queen_Angel]

لبسيها شتسوين بعد..

بس هذا درس عشان ما تفكرين تشترين من هالمعارض مرة ثانية,,

يدرون ان الحريم حتى مالهم خلق يفترون ..

 

[ألماسه]

رد : بنات شريت بدلت العيد من معرض اتينن وشوفى شنو المصيبه الى شفتها بعد ماخذيتها.....

صراحه هم أنا مت من القهر وأنا أقرا الموضوع

الله يعوض عليج حبوبه

 

[om Fouz]

تصدقون انا ما اتشمت بس تستاهلون من اللي اشوفه بالمعارض ان ابيع مغربي والمغربي سعره فيه بصراحه شغل يد ولو يظل عندك طول عمرك موديله ما يروح ...........

لما انزل معرض تخيلو الناس تييني تقولي انت غاليه انا اسعاري من 20 دينار الى 300 دينار طيب الاقيهم يشترون من اللي حوالي والله والله خام البلوكات والبدلة ظييييييييييييييييييييييييم كأنه موديل جحا ما بقى قطعه ما رقعوها فيه صدقوني بقايا خامات يسوونها دراعه ولا قميص والسعر 70 والا 80 وعاااااااادي عندهم

اطلب من رواد المعارض انهم يفتحون عيونهم شوي لما يشترون

 

[Om_Ksha]

ههههههههههههه الحريم مقزرينها علينا ..

تصدقين عاد حماتي ودتني لهلمكان صوب الخيااايط وخيطتلي جم دراعه .. المهم اليوم رحت معرض ولا تصدقين بعض موديلاتهم نفس اللي بالبلوكات !!!!!!! وقالتلي حماتي يوم ودتني ترا البلوكات شغله الحين مو ذاك الزود لانه اغلب المعارض شارين منهم فماخذين كل شي .. وحتى لو لقيتي شغله لازم يخيط عليها قبل تلقين جاهزين ..

وصح كلامها والله ,,

 

[أم أحلى البنات.]

قهههههههههههههههههههههههههههههر والله !!!!!!!!

 

[zqertya]

معروفين المعارض شغل نصب واحتيال الا اذا تشترين من بعده تييب من برا عالاقل من برا اضمن

وبعدين مكانه قصدج ادش البلوكات بالديره اللي صوب بنك الشرق الاوسط وبعدين اصعد فوق من فوق التراث الهندي ؟ لان انا عقب باجر بروح البلوكات اشتري خامات اذا في شغل جاهز وحلو اروح اشوف

 

[ذرة غنج]

صج قهر ما علي حبيبتي الله يعوض عليج

 

[zahoora304]

حبيبتي ما تستاهلين شتسوين بعد بس والله هل النصب هذا ما ادري متى بنخلص منه صدقيني هالمعارض الحين هبة و بعدين الناس راح تمل ويردون على الجاهز انا صارت فيني تخيلي كنت طالبة الوان معينة غيرت سوي بالمديل يوم اي استلمه ووالله العظيم حتى الخدم ما يلبسون جذي نلبسهم شي ارتب قلتلها جان تقولي راح ارد فلوسج وردت الفلوس و كان سعره 60 دينار ما ادري على شنو !! و كنت ماخذة منها قميص ثااني هم كان مووو زوود مو نفس المعروض بس قلت يالله حق مني مناك ويبيله تعديل عطيتها ياه والله اي شي ادق عليها علشان استلمه ما ترد وسعره 50 دينار تخيلوا ترى هل كلام صارله سنتين ونص وبس راحت علي الفلوس و لا استلمت القميص وبعيدن شغلها وحدة تغلد الثانية بس سويت عندها شفت شغلها نفسه في معرض الموفنبيك السنة الي فاتت تخيلوا فالحين حطيت اكس على هالمعارض الا جم وحدة الي اثق فيهم معوووووضة حبيبتي