بنات شسالفت البطاقه اللي تصرفها الجامعه نشتري فيها خصم على 300 محل ؟؟؟@@

[حكاية قلب ~]

السلام عليكم


اليوم اتصلت علي وحده من الجامعه تقول لج بطاقه ما اخذتيها عندنا غير الطاقه الجامعيه

تقول هالبطاقه تنصرف لجميع طلبة الجامعه عليها خصومات وكوبونات على 300 محل من الكويت

ير دوره مجانيه لعلوم الحاسوب <<< دورة كمبيوتر وشاهاده معتمده ببلاش + دوره مكياج ببلاش

+ هدايه ثانيه وكل هذا يجيج بظرف والمندوب يوصله لي باب بيتج اول مرا اسمع عن هالشي @@

وتقول مع الاسف مو كل الطالبات حصلو لهالشي الا اللي يردون على اتصالنا لان اذا ما ردت راح يطوفها هالشي @@ << انا سألتها هالسؤال اذا الكل يقدر يحصل البطاقه او لا


يقول اخوي جذابين بس يبون يخذون افلوس من الطالب @@

اهي تقول بس يجي لج المندوب تعطينه 15 دينار

واخوي على ايامه اطلبو منه 5 دنانير

وباجر راح يجون لي للبيت

ابي اسأل صج كلامهم ولا لا وهالشغله اول مرا اسمع فيها انا دفعة 2010 يعني هالشي قديم ؟؟ يسون جذي

 

[حكاية قلب ~]

؟؟؟؟؟؟ ماكو احد مرت عليه هالشغله ولا رد؟؟؟@@

 

[حلآ الدنيآ]

اب
اب

مادري اتمنى يفيدونج البنات ..

 

[شوق والدمعه]

انا امبله مرت علي هالبطاقه ويكون عليهاخصواات بس مو خصومات قويه يعني المحلات الي كل مره اشتري فيها مو وايد تكون عليها خصومات عرفتي شنو قصدي

 

[كويتية بحتة]

ما سمعت فيها والله

 

[إحسسسآس]

اشتركت السنه اللي طافت وما استفدت شي
طايحه بالدرج وحياتج:d

 

[y'3aRo0N]

,

آول مره آسسمع فيهآ !

 

[~عيون الحب~]

سامعه فيها من قبل بس ماسمعت الحين لما داومت يعني انا دفعه هالسنه
وما ارد عالارقام الغريبه فمادري دقو علي ولالا

 

[MEMO GirL]

حبوبه لا يقصون عليج ترا مو غصب لازم تشترينها
وهمن انا شريتها ومقطوطه ببوكي ماستعملتها >.< خساره الـ15 دينار لول

 

[willa]

إذا حاسة بتستفيدين منهاا اطلبيها

هذي بطاقة خصم الطالب اسمها

خذتها مرة و بعدها هونت ما احتاجها

 

[اسيل الصمت]

اب اب اب اب اب

لعيووونج

 

[ورور92]

نصيحة لا تاخذينها ..

رفيجتي تقول محلات ولا تسوى و خصم 5%

و لما سوو البطاقة و يابوها لها .. قصو عليها بمحلات و اهي مو موجودة

هذا صفقة تجارية بينهم و بين المحلات ..
منها تكسب الشركة 15 دينار لكل طالب !!!!!!!!! حسبي جم يربحون ..؟؟

ومنها يسوقون للمحلات بنفس الوقت خصومات ما تسوى ..
و يتقطين فلوس عشان تطلعين قيمة بطاقتج والـ 15 على هالمحلات و عالفاضي !

وضاعت عليج الـ 15 ! :/

خليهم ببوكج الـ 15 و اذا ما تبينهم عطيني اياهم بس بدون بطاقة هههههههههه

 

[الهنوف....]

أول مره أسسمع فيهـآ :|

 

[مس روبنز]

نصابين لحد ياخذها حتى دكتوري يقول إنها ما تجوز لأن فيها غش وخداع للناس والله أعلم​

 

[B6O6A CUTE =)]

وااااااااااي نصابين
دقوووو علي اخر الكورس الثاني السنه الي طافت
وتقولي وانا موفاهمه شي كلش واقولها اي و اي واي وكنت مستحيه
وقلتلها اوكييييييي وكااهي عندي مااااستعملتها ولاشيي
وخذو مني اتوقع 13 او 12
لاتقص علييييييييييج قولي مابي مابي مابي

 

[احلى فـراولـه]

لااااا نصااااابين لا يقصووون عليج والله انا دقو على رفيجتي واهيا ستانست وقالو لها اذا احد من رفيجاتج يبون عطينا رقمهم جان تعطيهم رقمي والله قصو علي وابوي يقولي جذاااابين وربي دفعت 20 حساااااااافه

حتى الكوبون المجانا خلص مدته والخصم ضاعو وربي اكبر نصااااااابين

خلي فلوسج عندج بس يخصمون 5%

 

[kookAi]

انا جذي سويتها مره ولا استعملتها بشي!

ودقوا علي هالسنه زفيتهم هههههههه

المحلات مو معروفه ومانحتاجها
والصالونات مدعوسه بحولي بين العماير

قالت لي يعني مو حابه ... قلت لاا موحاابه
هههههه
​

 

[Miss Cherry]

نصابين

15 دينار ياخذون يعني مو ببلاش وبالاخير بتطيح بجبدج

 

[Heaven Light]

ترى اللي داقه عليج مو من الجامعه .. وحده تشتغل بهالشركات ..
والله حرامية لا تقطين فلوسج عليهم خصم ما يتعدى 5%
والفاست فود يخصمون لج 150 فلس من الوجبه !! يعني مسويين شي ..
والله على ايامي كانت ب5 ومتحسفة عليها ..

​

 

[krkooora]

لا حبيبتي مو شي لا تنصب عليج