[..بنات شنو الاكلات االلي تسمن بس تفيد المعدة والقالون تعبت ابي اسمن

[رُۈحَ ۈ رْيحَآن]

بسم الله الرحمن الرحيم

،،

السلام عليكم ورحمه الله وبركاته

بنات انا ضعيفه وابي اسمن جم كيلوا وزني من اربعين الى 42 حدي حدي 43 بس مااقدراكل وايد فيني معدة وقالون واتعب والبهارات والفلفل والاشياء الدسمه تذبحني معدتي اذا اكلتها



ماادري شنو الحل استغفر الله ياربي :eh_s(2):


​

 

[شادن33]

عمري اكلي خبز اللبناني وايد مع كل وجبه واظن ما يؤذي القولون هاي اسهل شي

 

[رُۈحَ ۈ رْيحَآن]

ابي غير الخبز والجبن لانه مايسمنوون انا عايشه عليهم





[ . حسبنا الله سيؤتينا الله من فضله إنا إلى الله راغبون . ]

سبحان الله - الحمدلله - الله اكبر - لااله الا الله-لاحول ولاقوة الا بالله -

استغفر الله العظيم الذي لااله الا هو الحي القيوم واتوب اليه -اللهم صل وسلم على سيدنا محمد

 

[رُۈحَ ۈ رْيحَآن]

سبحان الله

 

[الصيدلانيه]

هلا حبيبتي

الموز والحليب / الكرواسان يساعدون ع السمنة باذن الله

بس ما عندي فكرة اذا يفيدون المعدة والقالون ولا لا

والله يشافيج يارب

 

[رُۈحَ ۈ رْيحَآن]

حبيبتي صووص فديتج ان ششاء الله بجربهم واقول لج

 

[سالم الروح]

وعليكم السلام والرحمه


جربي تاكلين بطآط فوح وتضيفين لها جبن او زبده
اكلي عيوش وباستا

جربي البطاط وقوليلي النتيجه

 

[التوق]

حتى آنا تعبت أبي أمتن أنا ثابت عالـ 45 خذيت حبوب مآكو فايده وأحس معدتي معدة عصفور ماتحمل آكل وآيد

 

[قـهـوه فـرنسيهـ]

حبيبي روحي دكتور تغذيه يعطيج لسته للاكل اللي ينفعج ومايقلب معدتج

وبعدين ترا اغلب الاكل المفوح مايأذي المعده مثل ماقالت اللي قبلي بطاط مفوح لاتاكلين كاتشب

اشربي حليب باارد بيض سلق وخضرا اسلقيها بالماي ذره مع زبده وضيفي مع اكلج جبن شرائح خليه سايح وضيفيه عليه

حليب تموين سعراته عااليه + حليب انشور اهو مكمل غذائي انا قاعد اشربه صارليً يومين يززيد الوزن ان شاءالله اكون افدتج

 

[مهندسسة]

حبيبتي رورو سلاااااااامتك ماعلى قلبك شررر
انا متلك والله قولون ومعدة
احسسسن شششي خبز القمح عندكم منه؟؟؟
روووعة مريييييييييح للمعدة الاجبان والحليب ومشتقاته بتزيد القولون ومتعبة للمعدة

 

[^نوونه^]

نفس الحال

ان شاءالله نلاقي حل

 

[رقـة الاحسـآس]

انتي جوفي اللي ما يناسب معدتج و قولونج حذفيه اما الباقي كله اوك

جوفي كلي 6 وجبات يوميات

الصبح تريقي و بعدها بساعه لعبي رياضه حتى لو مشي 20 دقيقه بعدها ع طول كلي لج شي
بعدين الغدا و عالعصر خذي شي
بعدين العشا و بعد العشا بعد شي

عندج البطاطا المفور و تحطين عليه جبن ترومين تمكسين كذا نوع جبن او حتى نوع واحد+ ملح وفلفل اسود شوي
الحليب شربي كوبين فاليوم
سواء حليب فرش كامل او مضاعف الدسم و الا حليب التموين
سوي سيرلاك القمح و التمر بحليب كامل او مضاعف الدسم
دونات ، كرات جبن ، فطاير شي من هالمعجنات
المكسرات اذا ما عندج حساسيه منها اطحني مجموعه منوعه منها و خليها فعلبه و ضيفي ملعقه لكوب حليب
وقت الغدا او العشا خلي السلطه بعد الاكل يعني شبعي من الوجبه الرئيسيه عدل و اخري السلطه
كلي سويتات كيك جوكليتات

الصبح ع الريق كلي كمن حبه زيتون اسود و موز حتى لو نص حبه
يفتحون الشهيه باذن الله
بس لا تعتبرينهم ريوق الله يخليج هههههههه

انتي استمري يوميا ع ال 6 وجبات و صدقيني بتلاقين نتيجه بس لا تيئسين ممكن الزياده فالبدايه تكون بسيطه مش مهم المهم ان شاءالله بتوصلين الهدف

 

[بنت الاحلام]

هلا وغلا حبيبتي نفسي انتي

خلج ع عصير حليب كاكاو وحليب بالموز وبالفرواله

صمون

سندويشات خفيفه

اكل متواصل
بطاطا مسلوقه او مقليه

خضروات

فواكه وكثري موز

 

[رُۈحَ ۈ رْيحَآن]

جزااااااااااااكم الله خيررر خواتي بسوي اللي قلتوا عليه وبروح لدكتور تغذيه

 

[بنت السلطان]

في وايد فيتامينات تزيد الوزن مثل الجلوفيت وايد يزيدون الوزن تحصلينهم بالصيدليات وتذا ماقي تلاقينهم بالسعوديه فيهم كل اللي يفيد الجسم ويزيده

 

[كاجـــو]

اب










.

 

[بنت ^ جآبر]

المعكرونه المعكرونه والمعكرونه والمعكرونه
تبين تسمنين وتنبطين بعد من السمنه
كل اكلج غداج عشاج اكلي معكروووونه
بس حاولي تخلينها قليله توابل يعني ذره بس
واذا ماتبين تقدرين تسوينها بروووب
واذا ماتبين تقدرين تسوينها بزبده وشوي كريمه مخفوقه
احلى بالمعكرووونه انها لذيذه وماتحتاج اضافات كثيره
وشرط بتسمنين من اول طبق تاكلينه
وصج ترى البيتزاااااا يسمووونها دكاتره التغذيه الخلطه الكنكريتيه .. لانها صعبه الواحد من ياكلها ينزل وزنه بسهوله
يعني اذا بتزيدين ركزي على المعكرووونه و البيتزااا .. بتزيدين ماتنزلييين ابد
وبالعافييييه

 

[الكوويت حره]

يقولون السيريلاك

جربي

مووفقه

 

[الكوويت حره]

المعكرونيه مضرره للمعده والقولون أنا أموووت اذا كليتها دير بالج

 

[بنت ^ جآبر]

سلامتج حبوبه .. ان شاء الله ماتموتين
بس اتذكر من صار فيني القالون .. ضعفت صار وزني 42 .. عصله وحالتي يرثى لها
دكتور انور العنزي منعنى عن كل شي فيه توابل وفلفل .. بس قالي آكل معكرونيه من دون اضافات الا بالشغلات اللي ذكرتها
وماتشوفون شر يارب