بنات شنو سالفة كيرف؟؟ Curves اللي بالجابرية؟؟

[ظلال القرآن]

زين اشلون نتايجه ؟؟
سريعه ؟؟

ينزل وزن ؟؟

 

[ii DareeN ii]

يقولون اذا نجحت تجربته بيعممونه على اغلب مناطق لكويت ويصير روتين يومي حق المراه الكويتيه الرشيقه الي تحب الرياضه طبعا بس بنات ترا نص ساعه زينه اصلا كل يقولون لازم تلعبين نص ساعه رياضه كلش مو شينه احسن من ولا شي على الاقل المفاصل تتحرك مو سالفه رشاقه بس

 

[chica_q8iya]

اي شي .........اي شي!

في نوادي ترس الديرة شهر كامل ب 30 و 40 دينار!

هذيل أشكرة يبوقون!

نص ساعة شبتسوي بهالكروووووووووووش

تكفووووووووووووون ماعنهم سالفة!

 

[Q8_Rose]

لايابنات صدقوني هالنادي اخت رفيجتي مجربته بمصر عندهم فرع اهيا تدرس بمصر صارلها سنه ماشيه عليه مشاء الله كانت متيينه اللي ماتلقى ملابس بالسوق الحين تلبس ميديوم ولارج قياسات عاديه وتلقى باغلب المحلات ملابس صارلها سنه عليه وماشيه وتقول وايد مريح وحلو لاتستهينون بالهم نص ساعه ترى تسوي شي
واحسن بدال لانمل كل يوم نادي ولا نروح وبروحنا نسوي على اجهزه انا عندي مدربه توقف على راسي احسن عشان اكمل حتى لو اما بي المهم انجبر واكمل واضعف ولا شرايكم؟

 

[ظلال القرآن]

اتصدقون تحسفت اني ما اشتركت فيه

يمكن اوقف اشتراكي بشامبينز شهرين واكمل مع كيرف

واشوف لان بصراحه سمعت انه وايد زين واهزته يديده يعني مو السير والتراك و والجاري غيره لا اجهزه مخصصه لجسم المراه

 

[فروبتشينو]

فروبشينو تحييكم

السلام عليكم ياحلوييين...انا توني اقرا موضوعكم سوري ما فدتكم....انا مشتركه بالنادي صارلي شهر تقريبا...من صجكم اينن حده انا وحده عيازه بس مع هالنادي ملتزمه ومستانسه بعد...للأسباب التاليه:
ماله داعي اطر من احد يشترك معاي لأني عادةماحب اكون بروحي احب احد يسايرني ..حد الوناسه ماله داعي السوالف والهذره تركبين جهاز مع الموسيقى اللي تشتغل لمدة30ثانيه يعني تحاولين انج تتحركين بهالجهاز كثر مالله قدرج قبل ما يعطيج الديجي كلمة تشينج ستيشن عقبها تزلين من الجهاز وتركبين مثل مرتبه مربعه تتحركين فيها بشكل عشوائي ليما يعطيج تشينج ستيشن وتركبين الجهاز اللي بعده والهدف من المراتب اللي بين جهاز وجهاز ان لأن النادي هدفه تخفيف الوزن مو بناء العضلات...وهلم جره ليما تكملين الدائره مرتين..وعقب تروحين كورنر ثاني شكله مثل مربع كبير له اربع جهات وهذا..

 

[فروبتشينو]

اكمل شرح نادي كيرفز

وهذا الجهاز المربع يامحفوظين السلامه للشد الجسم يعني تسوين جم حركه مع الأستمرار تشد المنطقه المطلوبه وعلى فكره النادي حده نظيف ومرتب وريحته حلوه ؟؟؟؟؟؟؟لأن هذا اهم شي بالنسبه لي ماحب الزحمه والروائح الفواحه؟؟؟؟؟وانشاءالله اكون افدتكم.

 

[ظلال القرآن]

وهذا الجهاز المربع يامحفوظين السلامه للشد الجسم يعني تسوين جم حركه مع الأستمرار تشد المنطقه المطلوبه وعلى فكره النادي حده نظيف ومرتب وريحته حلوه ؟؟؟؟؟؟؟لأن هذا اهم شي بالنسبه لي ماحب الزحمه والروائح الفواحه؟؟؟؟؟وانشاءالله اكون افدتكم.

زين اختي اشكثر نزلتي بالوزن والمقاس ؟؟

 

[sa7ab]

انا اشتركت فيه وراح ابلش فيه الاسبوع الياي
وبعطيكم اخباره ان شاءالله

ادعولي اضعف

 

[@ الأوركيد @]

بارك الله فيكم

 

[@ الأوركيد @]

بارك الله فيكم

 

[سبائك]

انا أعرف وحده مشتركه فيه وايد تمدحه

تقول فيه أجهزه مو موجوده بباجي النوادي

وبعدين اجهزتهم متخصصه انها ما تطلع عضلات للمره

 

[يمّه مني]

بنات انا بسال سؤال

انتو ادشون نادي عشان مالكم خلق تلعبون رياضه ولا ادشون علشان تضعفون ؟؟

انا اغلب الردود قاعده اقرا انكم مستانسين عشان هذا نص ساعه وكل جهاز 30 ثانيه والسلام !!

بنات حطو في بالكم شي
ماكو مجهود ماكو عرق = ماكو ضعف

يادشون نادي تلعبون وتحرقون مخزون الاجيال القادمه من هالشحووم يا لاتشتركون

كيرف وغيره من هالنوادي هذول عقب ماتضعفون اشتركو فيهم الحين مامنهم فايده

<<<<<< انتي علمي روحج بالاول

 

[Marcello]

للعلم هالنظام مو حق إلي تبي تضعف لأ
حق التنسيق فقط - لأنها ماراح تضعف وايد بالكيلووات

 

[Marcello]

يعني إلي تبي تنحت منطقة معينة تروح هالنادي - بس إلي يبون يضعفون مالهم إلا النادي الصجي و الكفاح مع الأجهزة و الإيروبكس

 

[faro7a fofo]

يبيلة اهتمام ليش لا

 

[Miss sensitive]

قريت ان الموضوع من 2007
يعني من ذاك الوقت لي اليوم مليون وحده دشت

يا الله عطونا تجاربكم انا كل يوم اروح جامبينز مستعيله ما اقدر انزل اشوفه والا اهو بطريجي

 

[مســـــك]

انا ما انصحكم بنات

من صجكم تدفعون 105 عشان نص ساعه

وبعدين يوم وترك وكل جهاز مايسمحولج تلعبين فيه الا ثواني بس

ممممممممم

مو خوووووووووش

 

[faro7a fofo]

النادي بالجابرية يم الخباز
اشتراك 3 شهور 112 دك
وايد حلو ومجرد نص ساعة وبعدين تمارين استرش يعني 40 دقيقة خالصة كل شي

 

[Saroon]

انا سمعت انه يشد اكثر من انه يضعف ولا تنسين على نص ساعى على 3 شهووور

الصراحة وايد يمدحونة وشكلي بشترك فيه انشالله سوون