بنات شنو طاح الياهل ولا شنو عفيه دشو ما تهنيت ادعووووووولي

[انثى الكويت]

سلام عليكم ادعولي بنات



بنات بليز ساعدوني اليوم نزل دم علي بس مو وايد شوي ودم مافيه كتل ولا شي


بنات رحت مستشفى الولاده وريت الدكتوره تحليلين واحد مال احمل والثاني مال الهرمون


تقولي يمكن موعد دورتج ؟؟؟؟؟؟؟؟؟؟؟؟؟؟

شلون دوره وانا حامل وتحليلين يثبتون هالشي!!!!! شي غريب

الزبده قالت لي تعالي يوم الاحد سوي تحليل الهرمون من الصبح عشان شنو يبين اذا فيه حمل اذا ارتفع نسبه الهرمون قالت اني حامل واذا نزل مستوى الهرمون تقولي هاذي دوره شلون دوره ومتاخره اهيا علي اساسا 4 مادري 5 ايام واصلا الحمل يبين من اول يوم ؟؟؟ احد يفهمني عفيه :gr4uu:


منو صار لها هالشي بعرف الحين مو قادره انام:eh_s(2):


شنو الحل اخذ مثبت حمل تقولي الدكتوره يمكن دوره وجذي بس ارفع لج الدوره ؟


والله صكت فيني الدنيا وضاق خلقي وريلي ضاق خلقه :eh_s(2)::eh_s(2):


ليش ماعطتني مثبت يمكن في حمل ويمكن يروح من ايدي

اخذ حبوب فولك اسيد يمكن يسنع الوضع


والله ما تهنيت بحمالي ماصارلي الا اقل من اسبوعين

وانا صارلي سنه و3 شهور متزوجه وهذا اول حمل لي :lkmnkl:​

 

[الصواني]

رد : بنات شنو طاح الياهل ولا شنو عفيه دشو ما تهنيت ادعووووووولي

ما تشوفين شر يا رب وعسي الله يرزقك بالولد الصالح

 

[متيمه بهواه]

رد : بنات شنو طاح الياهل ولا شنو عفيه دشو ما تهنيت ادعووووووولي

أرتاحي حبوبه
ولا تفكرين بها الموضوع

ونطري موعدج الجاي وتوكلي على الله
ولاتنسين هالله هالله بالراحه

على فكره ترى ناس كثير
تجيهم الدوره عادي وهم حوامل لاتخافين


وخليج مستمره على الفوليك مو تنسين :eh_s(8):

 

[msmshasnsn]

ماعندي فكره حبيبتي
الله يتمم حملج ويثبته ان شاءالله

 

[انثى الكويت]

رد : بنات شنو طاح الياهل ولا شنو عفيه دشو ما تهنيت ادعووووووولي

الصواني مشكوره على مرورج


حلو البنات يعني اخذ الحبوب اليوم شريتهم صراحه ما مداني اسوي شي ضاق خلقي انا صارلي 4 ايام دريت اني حامل يعني ماخذيت ولا حبه
يعني صج دوره مع الحمال عادي يالله ببلع لي حبه الحين


الله يثبته

 

[دعـاء]

رد : بنات شنو طاح الياهل ولا شنو عفيه دشو ما تهنيت ادعووووووولي

لا تخافين ان شاء الله خير
رفيجتي نزل لها بموعد دورتها دم خفيف يومين ووقف ثالث يوم راحت سوت تحليل طلعت حامل
قالوا لها عادي ذي بقايا دورة
لا تحاتيين كملي الفوليك هو مفيد بكل الأحوال
المفروض انج تستخدمينة قبل الحمال بعد

 

[ديانا سبنسر]

مافيج الا العافية ان شاء الله

 

[انثى الكويت]

رد : بنات شنو طاح الياهل ولا شنو عفيه دشو ما تهنيت ادعووووووولي

مشكورين يا بنات على النصايح والله توني اخذ اول حبه من الفولك اسيد وبعدين مادري اني اخذه قبل الحمل الا امس ورحت شريته من صيدليه ما نطرت الدكتور يكتب لي ياه وماراح اتحرك وبريح وبشوف شنو بيصير وبخبركم بس والله انطر للاحد مده بس شسوي الله كريم والله يثبته*

 

[angel_soul_1989]

رد : بنات شنو طاح الياهل ولا شنو عفيه دشو ما تهنيت ادعووووووولي

الله يثبت حملج ويسر امرج حبيبتي
اذا انتي مسويه تحليل الحمل ومبين حامل خلاص لاتحاتينن ولاشي لانه هذا التحليل يكشفلج هرمون الحمل بجسمج ونقوووولج مبروك والله يثبته انشاءالله وعادي وايد حريم ينزل عليهم دم اول 3 شهور،،،،

 

[شيــوخه]

الله يثبت حملج حبيبتي انتي لا تحاتين وحاولي تنامين على شهرج

ورااااااااااحه راحه مدام امسويه تحليل وباين انج حامل راحه عيل وروحي سوي سوناااااار السونار اثبت شي يبين اذا فيه كيس حمل او لا

وهذا اهم شي يريحج يعني وان شاءالله مافيج الا العافيه انا ببناتي ادري اني حامل ينزل علي دم اعرف اني حامل في بنت

 

[شوق شوقى]

الله يثبت حملج ويسر امورج ويقومج بالسلامه

 

[فرفشه منعنشه]

رد : بنات شنو طاح الياهل ولا شنو عفيه دشو ما تهنيت ادعووووووولي

انشالله حملج طبيعي ومافي الا العافية ويارب يطمن قلبج

 

[تولاي الكويت]

الله يثبت حمالج انشا الله ويرزقج بالذرية الصالحه

 

[noo7a]

شالدكتوره الدايخه
موديه لها تحليلين و تقولج دوره شكوووو
لازم تغيرينها من غير تفكير
والف مبروك عالحمل

 

[eman84]

الله يثبته ان شاء الله

وديربالج على روحج وهالدكتوره غيريها

 

[nadoo]

الله يثبت حملج وتشفين البيبي بحضنج

 

[@سيدة نفسي@]

رد : بنات شنو طاح الياهل ولا شنو عفيه دشو ما تهنيت ادعووووووولي

ان شاءالله مافيج الا العافية وارتاحي ولاتحااتين

اتكلي على رب العالمين...

عجبني الكلام اللي بتوقيعج أحسه ينطبق حييييييييل علي

 

[مٍلإيٍـٍـٍنّ<~]

رد : بنات شنو طاح الياهل ولا شنو عفيه دشو ما تهنيت ادعووووووولي

صار جذى لختى واكلت مثبتات ... والحين ماشاء عندها حسون عمره اربع شهور :hjy5jewf:​

 

[قلبي القرآن]

رد : بنات شنو طاح الياهل ولا شنو عفيه دشو ما تهنيت ادعووووووولي

لا تحاتين حبيبتي تعوذي من ابليس ماكو الا الخير
مايصير اذا محلله وطالع لج حامل خلاص يعني حامل
وبعض المرات يكون نقط الدم علامة حمل

 

[انثى الكويت]

رد : بنات شنو طاح الياهل ولا شنو عفيه دشو ما تهنيت ادعووووووولي

وااااااااااااااااااااااااااااااااااااااااااااي بنات والله ارتحت شوي وانا اقرى الحجي بغيت ابجي الا ربع والله عيوني دمعت


والله بقوم اسوي سونار واسوي تحليل هرمون الحين وبتوكل على الله شينطرني ليه باجر الصبح قاعده اطبخ اطبخ محترررررررررره

والي مسكتني الي نازل علي اول شي دم الي امس والحين افرازات نهايه الدوره البنيه شوي ماكو دم

والله مادري ماقصرتو والله يثبتي حملي وحمل كل بنت ويرزق كل بنت يارب ولا تحرمنا من العيال


ويارب يكونون حسنة الخلق والاخلاق آميييييييييييييييييييييييين