بنات شوروا علي بهالموقف منو معاة الحق

[ScarletteO'Hara]

غلطانة اختي مو كل ما صارت مشكلة دخلتي اهله عيب
مشاكلج معاه حليها بنفسج و موضوعج مو صعب
لا تجيلين البيت و لا تعطين الخدامة معاشها
خوش و الله اهو ملتزم بالطلعات و مصاريفه و قاط المسئوليات كلها عليج؟
اصلا انتي بالبداية شلون رضيتي بهذا الوضع
حرام ما اتوقع تشترين حق نفسج عود من راتبج
خلاص اذا سألج وين منحتج قولي له عطيتها امي تطالبني فلوس
شنو من ريال هذا الي حتى منحة الولد ماخذها؟
هذا ما يهمه حلال حرام
الله يعينج عليه

 

[زووزوو الكويتية]

زين بنات انا ادري الموضوع ما يسوى وترردت واجد عشان ادخل اهلة

بس هو ما يسمع الا كلام اهلة وما يخاف الا من اهلة

ادعولي باجر يعدي اليوم على خير وما يعصب ولا يضايق

وادعولي هالشي ما يأثر على حياتنا الزوجية

 

[زوجة عزيز]

رد : بنات شوروا علي بهالموقف منو معاة الحق

الله يعينج والله شنسوي حبيبتي انا بعد نفس الحال بخيل والمشكله موراضي اتوظف حضرته فوق ذي وراه نفقه وبيت ثاني الله يعينا بس

 

[صدفه!]

حبيبتي موقفج عين العقل ,,,لان انتي موقادره عليه
وهالاشكال انااااااااااااااااا اعرفهم ماينفع معاهم قلبهم صاااحي
خليه يصرف ماجله البيت باللي يقدر عليه يعني علا البساطه وانتيييييي تحملي ميخالف لاتروحين تشترين علا انج تبين تزيدين عليه عشان يتعود ومتا ما اشتهيتي شي روحو مطعم عوضي بسج عاد سذااااجه
والله نصيييحه لان انا اعاني مثلج
والالفيين يروح يسدد قروضه يسنع معاشه
والله يصلح حالم

 

[زووزوو الكويتية]

مشكورة صدفة ريحتيني

انا كنت حيل مترددة ادخل احد من اهلة

تدرين ليش دخلت اهلة كل ما افتح معاة الموضوع ما يرد علي يحقرني

واي موضوع ادخل في اهلة يسمع كلامة اهلة ويسوي اللي انا ابية لانة انا معاي الحق

لانة هو عندة خوات وشايف انة ازواجهم هم اللي متكفلين بالماجلة والخدامة

ترى انا عيني من على الالفين

انا اللي خلاني اسةي جذي ما وقف معاي بازمتي شنو هالانانية والله لو كان هو جايب ماجلة البيت هالشهرين جان انا شلت الماجلة عالطول

بس الحين انا راح اقلب الموضوع علية

يا نص بنص يا تعطيني ال75 وانا اجيب الماجلة
يا ما اخذ فلوس ولدي منة وهو يتكفل بالماجلة وبكل شي بالبيت

هو اللي جابة لنفسة

لا وكل ما افتح معاة المووضوع يسكت جنة هو اللي معاة الحق

بس ادعيلي باجر يعدي الموضوع على خير

 

[اشواق2010]

رد : رد: بنات شوروا علي بهالموقف منو معاة الحق

شلوون بخيل وهوو علي قولت يصفاله 300 ويطلعج ويعشيج البخيل ماايطلع اذا بيطلع يطلعج من فلووسج بس المفروض اهوو من يوم وررايح يدفع معاش الخدامه قوولي له

 

[اشواق2010]

رد : رد: بنات شوروا علي بهالموقف منو معاة الحق

وقوولي لنااا شصار معاااج

 

[زووزوو الكويتية]

لا بخيل

بس انا اللي خلاني اتهاوش معاة ما وقف مع ظروفي

هذا اللي حارني بكل الموضوع يعني لو قايل خلاص هالشهر الماجلة علي جان ما سويت كل هذا ولا حتى دخلت اهلة بس قلبة ما حن علي

معاشي كلة يطير علىالبيت ما اعرف اشتري شي ماركة

وكل هذا لاني احبة

بس خلاص هو اللي جابة لنفسة يتحمل عاد

 

[زووزوو الكويتية]

ما ابي منطكم غير الدعاء ربي يلين قلب زوجي واهلة يوقفون معاي ويسوي كل اللي ابية

ادعولي اطلع بحل باجر يريحني ويريح زوجي

 

[بدووورة]

والله البخل مرض الله ياكافي احس البخيل بخيل مايتعدل

طلبي من الله الهدايا

 

[الـفـجـر الـبـعـيـد]

لازم تتمسكين بموقفج ويصرف على البيت مو عيب تساعدينه

بس لازم يتحمل المسئولية لا تشترين الماجله خليها

وان شالله الله يهديه ويسمع كلام اهله ويحنن قلبه عليكم

 

[زووزوو الكويتية]

بنات وينكم وين نصايحكم

ووين دعواتكم لي

 

[فـراوله]

شوفي أختي إنتي غلطانه من الأول خليتي الماجله عليج

اهوو اللي يتحمل مصروف الماجله وولده بعد وإنتي ممكن تساعدين بالخدامه فقط

اذا معاشه ضعيف لهدرجه


اليوم انتي واهو وولدج ماجلة الجمعيه بـ 80 دينار باجر تصيروون 2 و3 و4

راح توصل ماجلة البيت على 150 دينار وكل ما كثر عدد الأفراد كل ما صارت الفلوس أكثر

وألحين نازله له الألف وفوق هذا ما يبي يجيب ماجلة البيت وما ساعدج بالأيام اللي كنتي

محتاجته فيه .. هذا اسمحيلي مو كفو تعطينه وجه وعطيتيه أكبر من حجمه


بما إنج بدخلين أهله بالموضوع واهو بخيل وما يصرف على البيت قولي حق أهله

ولازم الموضوع يكون جدي من ناحيتج وتلزمين على الأمر


اهـو يصرف على البيت وولده ملزوم فيهم لا تقولين النص بالنص هم بهالنقطه

تعود إنج تساعدينه خلي الماجله وولده عليه اهو وإنتي الخدامه عليج أمرها سهل الخدامه

مع إني ضد إنج تحطين للخدامه لانه ما يستاهل دام ما وقف معاااج اذا قدرتي تخلين كل شيء

عليه بصراحه جذي تصيرين شاااااطره


و قولي حق أهله اهو ألحين معاه ألفه وألف ولده وما يبي يحط ماجلة البيت واهو اللي ملزوم

فيني لانه لي حق عنده وأنا مابي هالحق أبيه اهو يتكلف بماجلة البيت واصري على رايج

ولا تغيرينه كلللش واذا عند لا تجيبين شيء شهر على شهر راح يتعود ويجيب من نفسه

وإنتي اذا تسوقين لا تروحين الجمعيه تجيبين أي شيء واذا اهو راح يجيب أغرااااض البيت

لا تروحين معاه عشان ما تدفعين


حبيبتي ترى هذه عشرة عمر يعني حطي بالج اذا ما خذيتي موقف بظلين طووووول

عمرج تحطين ماجلة البيت ولا بتجمعين حق نفسج شيء


ولازم تحاولين تغيرين هالطبع اللي فيه واذا ما عندكم فلوووس ترى مو لازم طلعات

ومطاعم وسينما البيت أوللى بهالمصاريف واكتفي بطلعه وحده بالشهر


صدقيني أنا أتكلم لصالحج لانه حرام تعيشين طول عمرج جذي ترى والله بتتعبين


والله يهديه يارب ...



وحبيبتي طمنينا عليـــج باجر وان شاءالله توصلين لحل يارب

 

[wedifeek]

الله يهديه لج وييسر حاالكم وعسى اهله يقدرون يغيروون فيه

بس انتي لا تقوولين النص بالنص هذا رجال يقدر يجيب المااجله كلها

وربي ولو يبي العرس عليج لا سمح الله والله ليطلع فلوووسه اللي خاااشهم

ولا تقولين عليه اقصااد وقرووض منوو فينا ماعنده قروووض الكل

زوجج ماحس بالمسؤؤليه لانج من البدايه انتي اللي ذابحه عمرج وترااكضين بالجمعيااات

والله عيب الزوج مرتاح والزووجه تراكض من مكان لمكان

انتي قولي انا معااشي 300 ومااقدر على الخدامه والمااجله ترى ولدج هين شوي

وخليه هو اللي يدفع للخدامه والمااجله وانتي دزيله رسايل بالمااجله اللي تبينها خليه يعتمد على نفسه

قوولي نبيهم ضروي يعني شنوو مايجيب كلج شي لبيت

واذا راده على ولد والله احنا يالامهات لارحنا السووق ننسى نفسنا ونشري لعيااليننا

بس هم قولي ابي 50 الولد كله وكامل كل شهر

صدقني الرجال لا ترخين معااهم بتعوود على الاهمال

المفروض من البدايه يعرف هالشي

وانتي خلي معااشج لج بالله يكفيج تعرفين الحريم وسوالفهم كله ماركات ولبس

ولا تبخلين على نفسج البسي وتكشخي عشان ماتصير اقل مستوى منهم


والله يهدية لج يارب

وطمنينا عليج انا للمره الثانيه اقرى المووضوووع

 

[أم مشعان]

السلام عليكم​

والله كسرتي خاطري يا اختي عيل تقولين صارلج سنه وانتي تصرفين على بيتج ؟ شلون رضيتي بهالوضع الله يهداج محد يسويها ​

ليش مو بيته وولده وزوجته عشان يصرف عليكم ؟ انتي من حقج تأخذين منه 120 دينار شهريا اللي هي 70لج و50لولدج​

وفوق كل هذا من حقه يصرف على بيته واييب الماجله عيل ليش تزوج عشان بنت الناس تصرف عليه !!​

شهالريايييل هذي وين الشهامه والمسؤؤلية وانهم قوامين على النساء مثل ما قال ربي بكتابه ​

عنده 300 يكفي يترس بيته ويزيد وايد .. اختي الماجله ما تأخذ 50 دينار وتبقى عنده 250دينار وين يوديهم ؟ اهو يستانس ويمتع نفسه وانتي مو عارفه تونسين عمرج معنج انتي البنت لازم تلبسين وتكشخين ​

اختي لا يستغلج اكثر من جذي ويقص عليج والله مو من صالحج ​

لا تستمرين على هالوضع والله بتخسرين كل شي حاولي تغيييرين من نفسج اشدعوه عاد شهالبخل عنده الفين ومو هاين عليه يصرف الله يكافينا شر البخل​

في ناس جذي ؟ لا تسكتين حتى لو عصب وازعلي عليه طبعا معاج الحق على هالزعله هالموضوع مو هين ​

تدرين شتسوين هالشهر لا اتيببن الماجله بس عطي لخدامتج معاشها وحتى لو تفضى الثلاجة وما تلقون شي تأكلووونه خلكم جذي​

والله صدقني غصبن عليه بيروح يشتري الاغراض لانه بيجوع ومستحيل يتحمل وبيحس وغصبن عليه بيترس الثلاجة​

واستانسي بألفج لانه من حقج وسوي فيها اللي تبين وكل اللي انحرمتي منه اشترية ​

ويارب الله يفرح قلبج ويهووون عليج وطمنينا اختي اصار عقب ما كلمتي اهله ؟​

الله يسعدكم ويهديه ويصلح حاله ​

 

[ام شووووق]

رد : بنات شوروا علي بهالموقف منو معاة الحق

الله يهديه