بنات شوفو مصيبتي زوجي مع كل الأسف يبني انا...مع غيره !

[cramela]

يا بعد روحي الله يعينج ويفرج همج ويهديه ويصلحه يارب تري شوفه الافلام الوصخه تصير نفس الادمان و من كثر ما يشوف يتوقع التغيير طيب شوفي تقدرين تغيرين وايد بشكلج استخدمي انواع الاوضاع كلها وحاولي استخدام نفس الكلبجات وسوالفهم خو كل شى في سبيل رضي روجك مباح حاولي ومانتي خسرانه يا روحي واي نصيحه دقي عليه انا راح احاول اساعدج يا روحي وجاولي تدعين له وتسحبينه الي طريق الله وماجوره يا روحي

 

[بوليانه]

رد : بنات شوفو مصيبتي زوجي مع كل الأسف يبني انا...مع غيره !

الله يعينج

 

[احلا عجميه]

اللي يشوفون افلام هذا مو غريب عليهم يمكن انتي سمحتيله يتمادي مفروض ودامج تدرين انه يشوف افلام تمنعينه
كل اللي يشوفون افلام مع حريمهم مافيهم غاريه ولا نخوه توقعي اي شي يا بنات لا تخلون ازواجكم يشوفون افلام صارت موضه بين المتزوجين يسهرون علي افلام خلاعيه الله لا يغضب علينا

 

[0oR0R0 honeyo0]

للحين قاعده وياه من صجج يما تركيييييييييه (من ترك لله شيء عوضه الله بخير منه )..

 

[a7la MUM]

انووووووووووووووووووثه وينج حبيبتي بليز طمنيني

!!!!!

 

[IT shadow]

فطومه: شكو كويتي ولا مو كويتي بالسالفه :s؟!!!!
يعني الريال بمعنى الريال يختلف من اصل لي اصل :s؟؟؟
المهم حبيبتي انا اقول
الله يعينج
والحل الاول: توخرين عنه الافلام..ماكو فايده الطلاق وانتي مغمضه !

 

[hneen2]

ابييييييييييييييييييييييييه الله واكبر زين ما تقوم القيامه @@


من صجه هذا وين شرفه وين غيرته وانتي للحين قاعده معاه لو انا جان من غير كلام طرت عند بيت اهلي وع وع هذا مو ريال هذا ديوث استغفرالله

جد الله يصبرج علي هالمصيبه

ووواي كش شعر ينبي

 

[انوثة مراهقه]

يا بنات كلمته !

و واجهته وقلت له حجيكم بان اهو ديوث ومو ريال ومابي اعيش معاه !
رد بكل برود يقولي انا كنت اتغشمر وبجربج !!
تهقون صج ؟؟؟ قالي انتي مينونه اتصدقين هالحجي ؟؟
بنات انا ضااايعه مابي اغلط واندم
المصيبه ان قام يضحك لمن قلت له انا ابيه اطلقني وبروح بيت اهلي واخاف على نفسي منك
طول الوقت يضحك علي يقولي انتي غبيه ! ماادري بنات مادري ما اعرف اذا من صجه ولا يجذب !
حته تاسف لي وقالي خلي عنج هالخرابيط وانسي الموضوع

 

[friends]

امبييي انتي من صجج
يبا جذااااب والله احلفلج مني لباجر انه جذاب ويرقعها
عزي نفسج وروحي بيت اهلج
ريلج ديوث تعرفين يعني شنو ؟ يعني مو ريال
اكثر من جذي شنو

 

[*بسبوسه*]

ذكرتني بوحده من رفيجاتي كانت تقول لي زوجي وقت ال............. يقط حجي ما اتوقعه منه مثل بدخل شخص معانا وتخيلي معاي
تقول كنت انصدم واذا تهاوشت معاه قالي هذي مجرد تخيلات عشان تزيد الاثاره بينا..بس هي مو متقبله هالشي وتقول بديت اكره

وكل مره تقوله انتي وصخ ليما بطل هالسوالف...بس تقول انا خايفه لا يروح يدور هالبلاوي بره
حاولتت وياها نلاقي ..قلت لها مالج الا الرفض ومع هذا زيدي دلع وغنج
ترى الرجال مهما يكون يحب مرته تكون طاهره مو سوالف خرابيط وانحطاط..ويمكن يكون وقتها فاصل عن الوعي لما تكونون ب.......

فهمتي الحين لازم ترفضين وتعصبين على زوجج ومع هذا خليج احلى واحلى ودلع وغنج
وربي يهديه ويستر عليكم

 

[سفيرة العشق]

رد : بنات شوفو مصيبتي زوجي مع كل الأسف يبني انا...مع غيره !

لاحول ولا قوة الا بالله استخفوا الرياييل

 

[^حبيبة الكل^]

استغفر الله العلي العظيم الله يعينج على مابلاج ريلج اسمحيلي انسان شاذ و العياذ بالله قسما بالله ماكو رجل بمعنى الرجل اصلا يفتح هالمواضيع مع زوجته

خل اقولج مرة ريلي شنو صار معاي

قتله حبيبي انت عمرك ماقلتلي رقصيلي و الا قعدنا شفنا فلم رومانسي مادري البنات كانوا يقولولي لبسي بدلة رقص حق ريلج لاني كنت عروس

و الله العظيم يوم قتله تدرين شنو قال قال كلمة وايد اثرت فيني و الله العظيم قال انا ماخذج زوجة رب اكرمج وخلاج زوجة مو علشان تترقصين

ولبسين بدلة رقص و الله لو اشوف بدلة الرقص لا اشقها على راسج قتله بس انت ريلي حلالي قال ولو العيب عيب وشلون ترضين تشوفين

عورة غيرج وترضين انا اشوف عورات الحريم من خلال الافلام قتله و الله انا مو قصدي افلام وصخة بس افلام رومانسية قال الريال الي

ماعنده ذرة غيرة على اهل بيته هذا مو ريال

الله يعينج ويزيح عنج يارب هذا ابلاء من رب العالمين ما عليج الا انج تدعين ربج بهالايام الفضيلة​

 

["اسطورة العشق"]

مافي ريال يتغشمر بهالطريقه .. لا تصيرين ساذجه

حكمي عقلج لا باجر يبلاج بمرض

و قولي حق اهلج و اخوانج و لا تخافين ماراح يذبحونه الحين محد يذبح احد اقصى شي يتهاوشون معاه و يكفخونه احسن خل يتأدب عشان تفضحينه عند اهله و الناس و عشان اهلج يوقفون معاج في طلاقج

 

[♥ąϻᴑŁ♥]

والله من الصدمة ماني عارفه شنو ارد ..

الله يهديه .!!

 

[اميرة-الاحجار]

اي شي يختبرج ؟؟ ليش لي هالدرجه شايفج حثاله حشاج ؟؟
ويختبرج بشنو بشرفج وعرضج ..؟؟
شنو كان متوقع يعني من بنت ناس وحموله ..؟؟
بترضين مثلا او بتوافقين ..؟؟
هذا وصخ وصخ وصخ وصخ ..!!

 

[محبوبه25]

رد : رد: بنات شوفو مصيبتي زوجي مع كل الأسف يبني انا...مع غيره !

اي عندي فكرة صج تخليه يحس انه مورياال دزيلة مسج وقوليلة انا راضية تييبلي ريال وعطي الوقت والتايم متى اييبة وكتبي انا بكشخ ياحبيبي حق الي بتييبة الريال خل ينصدم من المسج مالج خل يعرف ان اهوا ناقص وغلطان اذا صج ياب خلي واحد من اهلج موجود يشهد بس والله ان انا متوقعه ان اذا شاف المسج مالج راح يحس ان غلطان واااااااااااايد وراح يكره نفسة صدقيني سويها

اعوذ بالله فكرتج اتودي البنت جهنم
بناات انتو محاسبين على كل كلمه اتقولونهااا
ياليت اتفكرون بكلامكم قبل لاتقطونه

 

[محبوبه25]

رد : رد: بنات شوفو مصيبتي زوجي مع كل الأسف يبني انا...مع غيره !

يا بنات كلمته !

و واجهته وقلت له حجيكم بان اهو ديوث ومو ريال ومابي اعيش معاه !
رد بكل برود يقولي انا كنت اتغشمر وبجربج !!
تهقون صج ؟؟؟ قالي انتي مينونه اتصدقين هالحجي ؟؟
بنات انا ضااايعه مابي اغلط واندم
المصيبه ان قام يضحك لمن قلت له انا ابيه اطلقني وبروح بيت اهلي واخاف على نفسي منك
طول الوقت يضحك علي يقولي انتي غبيه ! ماادري بنات مادري ما اعرف اذا من صجه ولا يجذب !
حته تاسف لي وقالي خلي عنج هالخرابيط وانسي الموضوع

يا بنت لاتصيرين غبيه
و بااجر يقص عليج و خليج تمشين بطريج الحرام
ومافي احد يتغشمر بهالشي

 

[*الماضي على ويش نعيدهــ*]

بنات ترا هاذي كلها خيالات
اهوه يتكلم يثير نفسة
بس مستحيل يسوي هالشي
رفيجتي زوجها تقريبا نفس زوج انوثا بس بسوالف اقل
كله تشتكي منه
نصحتها توديه طبيب نفسي
طبعا ما رضا بس اهيه عرضت الحاله عند طبيب نفسي وعطاها حلول
وتعدل الوضع شوي

اذا عندج منه عيال صبري عليه
وادعي بصلاتج
والله يفتحها عليج

 

[حنفووشه]

رد : بنات شوفو مصيبتي زوجي مع كل الأسف يبني انا...مع غيره !

الموضوع فيه انه مومقتنعه معقوووووووووووله كأنها القصه تأليف الله يستر يارب على بناتنا

 

[Dr. To Be]

والله يوم قريت عنوان الموضوع قلت مومعقولة اكيد الكلام من داخل عن شي ثاني او في سوء تفاهم او اي شي
شتسويييييين للحينج قااعدة !! تبين احد يساعدج تلمين اغراضج ؟؟ ترى كلنا بالشوفة والود ودنا نمسكه ونكوفنه بعد !
كله من اصدقاء السوء الله لا يبارك فيهم ! ان اخوي كان شحلوه وشزينه والله خربوه وضيعو مستقبله وذاك اليوم لقيت بلابتوبه افلام كشلها جسمي والحين يوم قريت الموضوع حدي خايفة لا يتدهور ويوصل هالمواصيل بس الحمدلله انا مسحت البرنامج الي ينزل هالزبالة بس باقي عيال الكلب يهدونه بحاله
استغفر الله حيواناااااااااات مو اوادم

انا اقولج شغلة .. خلي عنج السلبية وعدم الثقة بالنفس وكلام انا شمقصرة وشناقصني لان حتى لو انتي مهملة بيتج الريال مايقول هالشي يطلقج يطقج يسئ معاملتج امنا بالله في رياييل جذييي فاهمين السالفة غلط بس ريلج مو من هالريايييل لانه مو رياااال من الاساس
الحين خلي شخصيتج قوية وقولي الصج .. هل عندج استعداد اتسون هالشغلة عشان اتضلين متزوجة ؟ اتوقع لا
الحل الثايانج تاخذين عيالج وتروحين بيت اهلج ولو شنو اهلج اكييييد مو بسوء هالحيوان
وحطي ابالج ان عندج بنت وياما قرينا بالجرايد عن ابو يغتصب بنته اعوذ بالله وهالشي كلش مو بعيد عن ريلج وانا مو اهو واحد من ربعه ماتدرين باجر ابادلون بنات
وهذا طبعا غير الامراض والبلاوي السودة
روحي بيت اهلج وطلبي الطلاق يمكن هالشي يهزه .. واذا ماهزه ياما ناس تطلقت والله عوضها وهم انتي عندج عيالج جابليهم هذي سندج وظهرج باجر لي كبرتي
واذا تحبينه ادعليه واكثري من الاستغفار بس مو وانتي عنده .. هذا ماتضمنينه باجر يصوركم وانتو تسوون شسمه ويوريه ربعه او حتى يهددج فيه خاصة لي شافج خايفة وجبانة

والله الاحد ماقام يدري من وين تطلعله هالبلاوي
طمنينا عليييج حبيييبتييي والله قاعدين نحاتييج