بنات شوفو مصيبتي زوجي مع كل الأسف يبني انا...مع غيره !

[@ الرسامة @]

رد : بنات شوفو مصيبتي زوجي مع كل الأسف يبني انا...مع غيره !

يمكن ماكان قصده

او يمكن عايش الدور بس مو من صجه



لازم تفهمين ريلج عدل

واتوقع انج عارفته

اذا من صجه فالله يعينج بس نصيحة لاتقولين حق اهلج انتي عندج عيال منه

 

[أبله كويتيه]

امبيه مادري شقول

صدمتيييييييييييييييييييييييني

معقوله الي قاعده اقراه

@@

حتى لو ماكان قصده ويبي يختبرها هذي مصيبه

لا ادزين مسج مثل ماقالت عضوه ترا هالمسج بيمسكه عليج

ماعليج منهاا ... يمكن يطلقج ويقط اللوم عليج عشان ماتفضحينه ديري بالج

بس جد مادري شقولج ودي انصحج بس منصدمه مو معقوله اكو ناس جذي

 

[عيش و مرق]

محتوى الموضوع الآن : 15 ( العضوات 6 والزائرات 9)
‏عيش و مرق, ‏UM M&M, ‏sKntyny, ‏ام فواازي, ‏$ملاك$, ‏طموحي اكبر


ماقدر اقول الا الحمدلله والشكر

والله يعينج على مابلاج زوجج يبيله دكتور نفسيى اختلطت عنده الامور
يبى يطبق الى بالافلام بلواقع

 

[بنت.المطيري]

لاحول ولا قوة الا بالله
قربت السسسسسساعه
قولي له مثل ما قال الحبيب ـ صلى الله عليه وسلم ـ
" اترضاه لامك .. اترضاه لاختك .. اترضاه لبنتك؟؟؟؟

الحمدالله والشكر مرات مادري شلون تفكرون يعني الرسول صلى الله عليه وسلم يوم قال جذي كان يكلم ريال عنده شرف عنده مروءة عنده غاريه وكان يكلمه عن (بنات الناس الغرب) بس انتي شتقولين

صاحبه الموضوع اهي عرضه اهي زوجته مو رفيجته عشان تقولين هالحجي .. دام بيرضاها لها بيرضاها لاخته عادي !

هذا ديوووووووووووث واكبر من ديوث بعد

ولاتصدقين انه بيختبرج ،. صلي عالنبي بس

شيلي قشج وروحي لبيت اهاج حفظي نفسج من هالواطي اهو بنفسه زباله شلون ترضينه يدش لبيتج وتجابلينه واييبلج الامراض والافكار الوصخه؟؟؟

اهو مريض ادعيله ان الله يهديه ويشافيه بس خلج وعيالج بعيييييده ومثل ماقالوا البنات سجلي صوته

وفضحيه ليش بتسكتين عنه

بس هم اقول خافي على عيالج باجر تنتشر السالفه ويتعقدون ويصيرون مثله ! الله لايقوله

 

[بنت.المطيري]

ولاتخربين السالفه وتدزين شي ردي مرة ثانيه تناقشي شوفيه شيقول وسجلي بدون مايدري وطلعي بهدوء بدون مايدري عشان لاياخذ التسجيل

وانحاشي بعمرج .. ومن يتقي الله يجعل له مخرجا

تذكرييييييييييييهاااااااا



ولاتقعدين عنده لاتموتيننا قهر

اللهم لاتؤاخذنا بما فعل السفهاء مننا

 

[أم مريم2]

اي عندي فكرة صج تخليه يحس انه مورياال دزيلة مسج وقوليلة انا راضية تييبلي ريال وعطي الوقت والتايم متى اييبة وكتبي انا بكشخ ياحبيبي حق الي بتييبة الريال خل ينصدم من المسج مالج خل يعرف ان اهوا ناقص وغلطان اذا صج ياب خلي واحد من اهلج موجود يشهد بس والله ان انا متوقعه ان اذا شاف المسج مالج راح يحس ان غلطان واااااااااااايد وراح يكره نفسة صدقيني سويها

لا يبا لا تسوين جذي
باجر يقلب السالفه عليج
نصيحه علمي امج بهالموضوع لازم احد يعرف ابسوالفه علشان باجر لا صار ما صار
ايعرفون انه مو ريال
والدعاااااااء ميه ميه

 

[tolay]

واااااااااي اكو رياييل جذي

انا خابره هالاشكال تسوي جذي مع رفيجته مو مرته

سوري بس ريلج مريييييييييييييييييييييض

مستحيل انسان صاحي يسوي جذي

اولا يطالع افلام !!! مصيبه هذي

وثانيا يطلب منج وبكل وقاحه انج تيبين وحده يخربط معاها !!!!

وثالثا يبيج تخربطين مع واحد !!!!!! لااااااا هذا موصاحي

قويه حدها وماترقع لو تقولين بنفصل عنه ماراح الومج

 

[tolay]

رد: رد : بنات شوفو مصيبتي زوجي مع كل الأسف يبني انا...مع غيره !

لاتهدمين بيتك بايدك هذا ابو اعيالك ادخلي عليه عن طريق الدين والايمان وحاولي تصلحين حاله لاتياسين ابدي بالصلاه واحنا الحين بالشهر الفضيل روحي عمره وياه واذاماقدرتي على الاقل كلميه عن العمره كلميه عن الدين حببيه بدينه يمكن مريض نفسي ويفرجها الله عليه ويصلحا ويخليه لك ولعياله

وايد طيبه انتي

شنو لاتهدم بيتها

بيتها انهدم من كلام زوجها

لو هذا زوجج جان ماقعدتي معاه

 

[ســكره ورديه]

والله مو رجال ابد ولا للرجوله فيه ذره حتى

ديووووووووووووثي زوجك حبيبتي هذي هي على بلاطه وهذي المره الثانيه يقول لك صدقيني اذا مو جالس يسويها من وراك

لكن مخيلته الوسخه مو شابعه يبي هالشي

غلطااااااااااانه ان سكتي قولي له وادخلي بعينه قولي حركات الديوثيه هذي مو عندي انا بنت رجال وبنت اصل مو من الشارع وعارفه ربي وخايفه منه

اذا انت وسخ وهذي بدمك وراضي اني اسوي مع رجال ثاني معناتها انك ماعندك غيره يعني مو رجال بصراحه انا اخاف على عيالي بكره إتاجر فيهم

اذا انت كذا انا بطريق وانت بطريق ومن ترك شي لله عوضه مفي على اشكالم حسوفه..

وهذي هي لاتقولين مااقدر اذا هو جته الجرائه يتكلم معك بهالكلام انتي خليك اقوى

 

[ضامر السرجوف]

ما اقدر اقووولج غير الله يعيينج

 

[ريـمـااس]

امبيييييييييييييييييييييييييييه تكفين تكفين دربالج لايجيب لج الايدز


واي لاتصيرين غبيه مو لهدرجه شكو تقعدين عنده خل يطلقج مالت عليه الله يعز الكويت والله تنتفين معاشه يحط لج خدامه وبيت وسايق ويصرف على اعيالج نفقه القانون معاااج

ليش تصبيرن على حقير والله العظيم ما احب اشيش وحده على زوجها بس اوصلت الديوث والله يبيله كلمه ثانيه تنقال عنه الحقير
يقول جذي امبيه الرجال صج مايتحمل مرته تمدح ممثل جدامه ولا مغني هذا الوقح حيووووان لا مجنون اذا قعدتي عنده دقيقه تفلي بوجه مالت عليه ماعليه حسوووفه

 

[ســكره ورديه]

المرجانه من جد تتكلمين شنو لاتهدم بيتها ياقلبي هذا مهدوووووووووووووووووووووم دام هالديوثي فيه

كل من كان عندها زوج حقير ووسخ تجي الزوجه تحافظ عليه ولا لاتهدم بيتها اي بيت اللي مابقى من الا الرماد

كيف قلبها يرتاح هذا يقدر يتاجر بأولادها تدرين ولا لا

لان ماعنده غيره ولاهو رجال

 

[SaD FaCe]

شنو هالريال !! الله يهديه !!

واللهم لا تبلانا

حبيبتي اذا تمادى وصليها حق واحد من اهلج او اهله ..! امبيه شي مو طبيعي

 

[ســكره ورديه]

استغفر الله وانتي للحين على ذمته .......فكي عمرج يابنت الناس منه واذا درو
اهلج عن سواد وجهه خل يذبحونه الموت ابرك له من انه يعيش على وجهه الارض ديوث
بكره اذا جبتي بنت بيلعب بحسبتها وحتى عيالج الي بحظنج فكيهم من شره

صح لسانها

ترا اذا اليوم مو فيك بكره في بنتك روحي وافتكي

 

[ام ليلو الغالي]

رد : بنات شوفو مصيبتي زوجي مع كل الأسف يبني انا...مع غيره !

استغفرالله الذي لاا اله الا انت سبحانك اني كنت من الظالمين
حبيبتي انتي تبين كلمه تهزة صح بس انا اقولج اذا هالشخص مااخااف ولاا استحى من الله رااح تهزة او يتاثر من كلمه
انتي اهم شي خلي وضع بيتج ايمااني يعني مثلاا شغلى قران بالبيت حطي قنوات اسلاميه كثري من هالاشيااء قدامه ماراح يقدر ولاا يفكر انه يقول لج هالكلاام مرة ثاانيه وراح يحسبلج الف حساااب
حسبي الله ونعم الوكيل

 

[منطوق الغلا]

استغفر الله


استغفر الله




الله يهديه يصلحه يارب



الله يعينج الغلا

 

[ام يوسف القمر]

استغفر الله

 

[Sarooii]

استغفر الله !!


الصرااحه شي مو طبيعي لدرجة اني مو قادره اعلق
الله يعينج انتي و عيالج ،،​

 

["اسطورة العشق"]

اذا ما تطلقتي منا باجر يحوشج الايدز و جنا العيييييييييييد
و طبعا احتمال يعدي الي البيبي الي حامل فيج لا تقولين اهلي الناس خرابيييييييط
تطلقي اليوم قبل باجر .. و لما تولدين بالسلامه غصبا عليه يوفرلج بيت و مصروف و خدامه حقج و حق الياهل الي حامل فيه ..

والله يعينج حبيبتي

 

[ام سلوم DoDo]

حبيبتي هذي المواضيع المفروض اتناقشين فيها الاهل الدين يكون وااايد احسن


والله يعينج ويهديه لج يا رب