بنات ضروري.....تغيرت الخطة من لندن الى فرنسا وسويسرا

[شكليطه]

مرحبا بنات.....شلونكم وشلون استعداداتكم حق السفر

بنات ماعندي وققققت كلش..

انا كنت مخططه اتسوق من ألمانيا ولندن

لكن اهلنا اللي بلندن ما راح نلتقي فيهم بنفس السفره


المهم الرحله تحولت حق ألمانيا فرنسا وسويسرا


فحبيت أسالكم....شنو الاسواق اللي اقدر اشتري منها شغلات غريبه

وخصوصا العطور والجناط

وبالنسبه حق سويسرا شلون الساعات عندهم .....بعد اهم اهل الساعات _03BA: بس ابي المحلات اللي تبيع ساعات قابله للشراء :dddds: يعني ساعات عمليه وبحدود 300 واقل



وفرنسا لبسهم ههههههههههههه شنو اللارج مالهم مقارنه معانا؟

يعني اتأمل ألقى شي والا لأ

لان سمعت ان السمول عندنا اهما عندهم لارج :tomato2:


وشنو محلات الجناط العملية اللي اقدر اشتري منها حق صوايغ (خواتي ....خالاتي....رفيجاتي)

يعني بحدود ال50 -100




عفياااااااااا ماعندي الا هاليومين ايمع معلومات

باختصار ابي محلات لالالالالازم ما اطوفها


لاتبخلون علي


ومشكووووورين مقدما

 

[شكليطه]

شدعوا يبا؟ ولا رد

عالعموم مشكوري ماقصرتوا


واسفين اذا سوينا زحمه عالفاضي بالقسم

 

[84 Miss Chocolate]

حبيبتي انا توني راده من باريس
عندج مجمع اينن كل كل شي فيه اسمه لافييت تقدرين اتروحيله بالاندرقراوند و بالشانز عند كل المحلات الماركات و هم محلات ملابس اليهال مثل دزني ستور بس اللبس حق اليهال بيورو دزني عجيييب و محلهم بايطاليا اروع ماراح تتعبين باريس كل شي جدامج و عندج محا جيس يبيع جواتي اتشوووق مو موجوده بالكويت و اسعرهم من 60 كويتي و فوق اتمنالج سفره سعيده
نسيت اقولج في فيليج تبعد 10 دقايق عن يورو دزني لا طوفينها كل المحلات فيها و فيها استوكات الماركات العالميه .

 

[شكليطه]

يسلمووووووووووووووو حبيبتي على الرد

والحمدلله على سلامتج .....ان شاءالله استانستي بالسفره

وان شااااءالله بشوف المحلات اللي قلتي عنهم


يسلمو

 

[84 Miss Chocolate]

يسلمووووووووووووووو حبيبتي على الرد

والحمدلله على سلامتج .....ان شاءالله استانستي بالسفره

وان شااااءالله بشوف المحلات اللي قلتي عنهم


يسلمو

حياج الله .. الله يسلمج من الشر .. اي والله وناسه ماودج اترديين
اي لا طوفيين خصوصا جيس عندهم اشياء ما عندنا ياها بالكوويت و اسعارهم واييد ممتازه .:ggdw:

 

[Om_Ksha]

بعدددددددددددد

 

[قـہۈه فـرنسيـہ™]

بالعكس كل شي بتلقينه فباااريس ... وسالفة المقاس هذي أول مره أسمع فيها ؟؟ شدعوه عااد ...ياحب الناااس لتكبير الأمووووور ...عندهم سايزااااات xxxxxxxl وعندهم xxxxxxxxxs هههههههههههه عاادي أنا شكلت شكثر بديات وفساتين قصيره من محل نفناف يهبببببببببببببل ...

روحي مجمع لادوم بمنطقة اللاديفانس... وروحي مجمع فال دو يوروب ...(يم ديزني) حلوين وتلقين فيهم كل شي ,,,

ودشي دواعيس الشانز .... محلات ححيل حلوه ,,,


تعبت ,,, (دشي تقريري تحت الجزء الأخير عن السوووق ان شاء الله تستفيدين)

 

[Om Noooono]

بالنسبه لألمانيا تحديدا ميونخ
متجر كافهوف (مارين بلاتز)
متجر karstadt (مارين بلاتز)
متجر C&A ( مارين بلاتز
شارع المكسمليان

سويسرا تحديدا جنيف
تلاقين محلات ساعات بالمنطقه
اللي حوالين البحيره حلوه ساعاتهم
واسعارهم مابين 100 الى 1000