بنات طحت على ريلي .. بنات دشو والله مو عارفه شسوي

[جيكره(و)تتغلى25]

امبيه لاتهورين الا لما تاكدين سويتها بزوجي والف قصص اخر شي طلع شاك فيني واعترف بعد كم شهر لما تااااكدين انه خااين عندج دليل غير الايميل قوليله

 

[بدويه حنطاويه]

اولا الله يهديه ويسخره لج ويبعد عنكم المشاكل والمصايب ..
ثانيا ترى هذا شي عادي تكفين منو مايخون الحين شوفي القسم ثلاث ارباعهم طايحين ع ازواجهم
ثالثا ولا تفتشين بسيارته ولا شي اذا قعدت تسولفين معاه بالايميل قولي له عطني رقمك وشوف هو رقمه اللي تعرفينه ولا رقم ثاني ماتعرفينه اذا رقم جديد اعرفي ان عنده خط ثاني
رابعا لاتقولين له انج انتي ضفتيه وسويت هالموضوع كله راح يقلبها عليج وراح يقول انتي شعرفج بهالسوالف اكيد انتي كنتي جذي ولا تسوين جذي ولا بيقول انا عبالي انج بنت وبعرف من اللي دازج او من وين عرفتي ايميل وشغلات جذي
خامسا احمدي ربج واحفظي بيتج وخلي عنج الفضاايح ادري انها قويه والله حاسه فييج بس لاتضيعين نفسج وبيتج وفكري بعقلج ..

هذا اللي عندي خيتو والله يعينج ويصبر قلبج ونصيحه لا تكملين معاه سوالف بالايميل راح تحسفين خلاص سكري ع الموضوع وتناسي هالسالفه بكيفج وكملي حياتج

 

[غلا ماجد]

؟؟؟؟؟؟؟؟؟؟؟؟؟؟

 

[a7la-warda-q8]

حبيبتي احسن حل مثل ما قالت اختي بدويه حنطاويه طنشي وعيشي حياتج خليه مرده بياكل من هالطريج دقات ويكره نفسه وكل ما اندقر راح يرجعلج وهو متحسف علي اللي سواه ونصيحه لا تسوين مشاكل لان الرياييل عيال ابليس والله يقلبها عليج ويطلع هو منها ما تدرين شلون اما الاخت الله يهداها اللي قالت طرشيله وحده فهذا اكبر غلط تحطين الغاز يم النار وياما صارت وشبكوا مع بعض.
حبيبتي اغلب رياييل هالوقت شذي يبي يجربون ومرده بطخ ادعي ان الله يهديه ويسكر هالطريج بويهه ويخليه لج ولعياله.

 

[UNICORNA]

هدى نفسك وتأكدى انه يخونك ولا تظهرين شى ولو تأكدتى لازم ناخذين موقف قوى لا رجعه فيه

وانصحك لا تسمعين كلام حريم كثير اللى يقولونلك تحملى وطنشى وسوى نفسك ماتعرفى

ماينفع هالكلام ترا انتى مو لعبه لنزواته انتى زوجته يعنى مفروض يسويلك الف حساب مثل ما انتى ما تتجرأين تكلمين رجال

مفروض هو يخاف انه يكلمله واحده مجرد كلام مو يخرج معها ولو تركتى نفسك والله راح تصيرين كوره يلعب فيكى طول العمر

 

[اميره1980]

وقت اللي مواعد فيه طلعي شغلة قوية من تحت الارض و قوليله شوفي شنو يقول اكيد راح يتهرب و يقولج عندي شغل ضروري عاد انتي بهالوقت روحي للمكان اللي قالج عليه و تنكري
و صدميه فيج و عطيه كلام بالعظم و قوليله ان بنات الشوارع عندك اهم من بيتك و عيالك
زعلي عليه فتره و خليه يراضيج بس لا تتركين بيتج كل الرياييل جذي او الاغلبيه بس حسسيه انج واعيه

 

[الجوهره الغاليه]

رد : بنات طحت على ريلي .. بنات دشو والله مو عارفه شسوي

شوفي قبل فتره قريت موضوع عن وحده جكت زوجها ببار و خلته يردلها بحيث صورته بدون مايدري وتطبع له رسايل تهديد بدون مايعرفها لما تاب فكرتها حلوه ردته وماخسرته ولا عرفته انها درت

 

[aladeer]

حبيبتي لاتهورين ديري بالج انتي غلطتي يوم ظفتية يمكن يشك فيج ويقلب السالفة عليج تعوذي من ابليس وحاولي تشغلينة باي شي

 

[.حلا.]

رد : رد: بنات طحت على ريلي .. بنات دشو والله مو عارفه شسوي

اولا الله يهديه ويسخره لج ويبعد عنكم المشاكل والمصايب ..
ثانيا ترى هذا شي عادي تكفين منو مايخون الحين شوفي القسم ثلاث ارباعهم طايحين ع ازواجهم
ثالثا ولا تفتشين بسيارته ولا شي اذا قعدت تسولفين معاه بالايميل قولي له عطني رقمك وشوف هو رقمه اللي تعرفينه ولا رقم ثاني ماتعرفينه اذا رقم جديد اعرفي ان عنده خط ثاني
رابعا لاتقولين له انج انتي ضفتيه وسويت هالموضوع كله راح يقلبها عليج وراح يقول انتي شعرفج بهالسوالف اكيد انتي كنتي جذي ولا تسوين جذي ولا بيقول انا عبالي انج بنت وبعرف من اللي دازج او من وين عرفتي ايميل وشغلات جذي
خامسا احمدي ربج واحفظي بيتج وخلي عنج الفضاايح ادري انها قويه والله حاسه فييج بس لاتضيعين نفسج وبيتج وفكري بعقلج ..

هذا اللي عندي خيتو والله يعينج ويصبر قلبج ونصيحه لا تكملين معاه سوالف بالايميل راح تحسفين خلاص سكري ع الموضوع وتناسي هالسالفه بكيفج وكملي حياتج

انا معها كل كلمه شوفى احفظي بيتج ورجلج ولاتخلين احد يخرب بيتج وعلى فكرره ترا الرجاجيل صاارو يخونون اوقفت على رجلج لاحبيبتي بس شوفى انتى لازم تشوفين ليش زوجج سوى جذى الا شاف منج شي ..[ مثلا مو مهتمه فيه اي شي وادعى ربج لاتنسين/COLOR]

 

[miss-winter]

انتي ليش تسووووووووين جذي وليش تضيفينه الله يهداااج يارب ماله داعي لاتصيرين بس تلحقين وراه راح تتعبين حييل

 

["اسطورة العشق"]

لا لا تتهاوشين معاه درباااااااالج
بس خليها قرصت اذن حقه

شوفي اهو شلون طبعه يا اما تروحيله المكان و هناك تسمعينه كلمتين بكل قوه تقوليله بروح عند اهلي ( بس تهديد ) يعني لما يراضيج ترضين و تردين ماعه البيت

او اذا طبعه ممكن يقلب السالفه عليج اذا رحتي هناك و واعدتيه .. فعقب الفطور لما يبي يطلع قوليله الي رايح تشوفها دقت و اعتذرت !
طبعا بيسوي روحه مو فاهم بس انتي قوليله السالفه بكل جديه و عصبيه بس بدووون صراخ لا يعني بقوه لا تقعدين تتبجبجين
و عقب روحي غرفه ثانيه و زعلي عليه حييييييييييل و اذا يالج بيعتذر و فيج بجيه طلعيها يعني لما يعتذر عادي تبجين يحس ان غلطان و ضميره يانبه .. و لما يراضيج حاولي تطيبين خاطرج و ترضين من داخلج و بعدين سامحيه
حطي شروط اذا تبين مثل انج تاخذين باس وورد ايميله بس عطيه فرصه لا تجيكين بنفس الوقت على الايميل عشان اذا في بنات يمسحهم ما راح تستفيدين شي اذا شفتي ان عنده بنات بس بتموتين من الحرا و القهر جيكي ايميله بعد فتره يكون مسحهم و افتكيتي منهم
و نصيحتي لا تنبشين بسيارته عشان لا تشوفين شي ما يسرج و يعور قلبج زياده


و الله يعينج و يصبر قلبج حبيبتي

 

[صمــت_ALsHfaaH]

حبيبتي ديري بالج لايدري انج انتي الي معاه على الايميل والله راح تنقلب ضدج انا مثلج والعن زوووجي ماخلى شي ماسوى شي من انواع الخيانه والجذب بس والله ماراح تنفع الموجهه

 

[حرم محمد باشا]

اولا الله يهديه ويسخره لج ويبعد عنكم المشاكل والمصايب ..
ثانيا ترى هذا شي عادي تكفين منو مايخون الحين شوفي القسم ثلاث ارباعهم طايحين ع ازواجهم
ثالثا ولا تفتشين بسيارته ولا شي اذا قعدت تسولفين معاه بالايميل قولي له عطني رقمك وشوف هو رقمه اللي تعرفينه ولا رقم ثاني ماتعرفينه اذا رقم جديد اعرفي ان عنده خط ثاني
رابعا لاتقولين له انج انتي ضفتيه وسويت هالموضوع كله راح يقلبها عليج وراح يقول انتي شعرفج بهالسوالف اكيد انتي كنتي جذي ولا تسوين جذي ولا بيقول انا عبالي انج بنت وبعرف من اللي دازج او من وين عرفتي ايميل وشغلات جذي


معاها بهالكلام .. اما سالفه تقابلينه بمكان او تدخلين احد بالموضوع نصيحه لااااااا ..

يا انج تتكلمين معاه وتبينين له انج حاسه فيه شي بذكر سوالف وعبر وقصص .. او انج تسكتين اذا كنتي حابته وماتبين تفارقينه !
لأنج لو تبينه وواجهتيه مستحيل تكون حياتكم حلوه !! بيصير كل شي عادي عنده لأنج تدرين وكملتي معاه

الله يهديه ويسخره لج .. ويهون عليج حاااااسه بالقهر والحره اللي انتي فيها << مجربه

 

[DooLy88]

انا لو اشك بزوجي لازم افتش من وراه
عشان ارتاح واعرف اتصرف
واحط جد بذكائي حق هالمهزلة
ويعرف ان اللي معاه آدمية مفتحة مخها موبقرة قاعدة جدامه

وطبعا راح اواجهه بذكاء - عشان لا يتمادى ويدخل بنات ابليس بيت وتوصل لي الجنس على فراشي
شلون ماتبون البنت تفتش؟؟؟؟؟؟؟؟؟؟؟ شلون ترتاح وتتأكد وتعرف طبيعة ونوعية زوجها وطينته !! وشلون تقولون كل الرياييل يخونون عادي ادعي له واهم شي علاقته معاج !!!

وين قاعدين ؟؟؟؟؟؟؟؟؟؟؟؟ انتو ترضونها على نفسكم لو ازواجكم يقعدون معاكم وتفكيرهم بوحدة ثانية بعد شي ثاني

تخيلي
زوجج الحيوان يمج وانت تسولفين واهو يفكر شنو بيلبس حق فلانة وشنو بيشتري حق فلانة وياترا فلانة شنو راح تكشخ لي اليوم !!!!!!!!!

بسهوولة يقولون عادي طلهم يخونون !! طبعا لان نسوانهم ساكتين عنهم !! او عالاقل يلكمون اهل زوجهم او اهلها لازم احد يتدخل
ترا حرام وربنا مايرضى - كله المرة مغلوب على امرها وبس !!!!!!!

سوو لهم كمين خل يوقفون عند حدهم - ماظن لو زوجج صادج تخونين بيقول الله يهديها اهم شي علاقتها معاي زينة ومابفتش من وراها << مالت انا اقول

الله يعينج حبيبتي ونصيحتي جوفي لج طريقة وقفيه عند حده - والا عيل اشحقه متزوج ؟؟

 

[صمــت_ALsHfaaH]

حبيبتي ديري بالج لايدري انج انتي الي معاه على الايميل والله راح تنقلب ضدج انا مثلج والعن زوووجي ماخلى شي ماسوى شي من انواع الخيانه والجذب بس والله ماراح تنفع الموجهه بس بعد فتره قولي له هالسالفه انج قريتيها بمنتدى او وحده من رفيجاتج بيشك بعمره قولي لو انا مكانه اخلييه يولي الي يبيعني ويخوني حتى انا ابيعهوداااااايمااا قولي الي يعتدي على اعراض بنات الناس يصير هالشي باهله "خواته زوجته بناته"والله يصبررج والله حاااسه فييييج الله يفرج همج ويثبت قلبج ويهديج لج ويسخرره ياقادر ياكريم

 

[*قطر بنت حمد*]

السلام عليكم ورحمه الله وبركاته
مبارك عليج الشهر ياقلبي وعساج من عواده
اول شي صراحه انتي الغلطـانه ! والله اسمحيلي حبيبتي بس صج يعني انتي لازم تعرفين ان فطرتهم اغلب الرجاجيل جذي ! يعني اكييد بتكلمينه على بووه انتج بنت اكيييد بيكمل معاج وبيسولف وبيواعد يعني امانه اي صبي ولا رجال بتكلمه بنت ومابيكمل معاها حبيبتي مايصير الله يهداج ماكان المفروض تسويين جذي لانه عييين الغلط
ياقلبي انتي لا تروحين تتهاوشين معاه ولا شي لا تخلين شي سخيف يخرب علاقتج مع زوجج ابو عيالج والله حرام خلي الشيطان عنج وادعيله احنا برمضان
فديتج ياقلبي والله بعد مادري شقولج بس فديتج لا تتهاوشين معاه حرام والله
طمنيني عقب عليييييج عالخاص
الله يحفظج والله يسخره لج ياااااااارب

 

[مطيريه ميه ميه_]

طمنينا عليج شسووويتي ؟ ولا شنو ناويه تسوين ؟؟

الله يرشدج لصواب ياارب

 

[نعومه85]

رد : بنات طحت على ريلي .. بنات دشو والله مو عارفه شسوي

ليشششش اتجيبين حق رووحج عواااار الرااااااااااس؟؟
...........................................

الله يفرج همج ويــــهـــديــــه يارب

 

[باعوضه]

لا تواعدينه ديري بالج ولا تخلين رفيجتج تحاجيه كل هذا غلط
ادعيله وخلاص

 

[احلاا بنيه:)]

رد : بنات طحت على ريلي .. بنات دشو والله مو عارفه شسوي

شوفي انا منج امشي معاه باللعبه واكمل وذا انتي شاكه ان عنده فون ثاني بسيطه ...وامرج هين قووليلاا بالمسن انا مو سيده بطلع معاك لازم اعرفك اول عدل وقوليله انا احتمال ما اشبك وايد ... وقطي عليه نغزات انج تبين اتحاجيناا فون وبعدين شوفي راح يعطيج رقماا الي انتي اتحاجيناا ولا رقم ثاني؟؟ وبس واذا قالج طلعه لااا تطلعين ...بس بنفس الوقت قوليلااا بالمسن اوكي بشوفك وانت شوف اذا اتعرفني ولا لأ ؟؟
بس انتي لا ترووحين وقوليلااا انج شفتيه وان اهواا لابس جذي وجذي وبس وحاولي اتخليناا يتعلق فيج وبعدين لمن يتعلق فيج فاجئي..... وانشاله اكون فدتج
>>>ع فكره ترى انا مو متزوجه ولاشي اصلا توني كملت 18 بعد جم يوم انشالله