بنات طلبتكم شوروا علي ,,,,,,

[دلوعة صلوح]

حبيبتي اول شي عسي الله يقومج بالسلامه ان شاء الله انتي والياهل .. يارب ..


ما اشوف الشي اللى حصل بينج وبين ريلج عشان مصرف يعطيج الحق الكامل انج تشيلين شلايلج وتروحين بيت اهلج ؟


حبيبتي طلبتي منه مصرف قال ما عندي خلاص طخي اشوي سكتي قولي خلاص متي ما الله رزقك ان شاءالله تعطيني

ليش ما تعرفون حق الرياييل انتو؟

ما تدرين انج لمن شلتي ملابسج ورحتي بيت اهلج .. في رياييل يطق عنده عرج الشهامه والرجوله والكبرياااء علي قولتهم ويقوول والله مثل ما طلعت بروحها ترد بروحها .. وطبعا وين المرا السنعه اللى ترد بيت ريلها بروحها ؟

وفي بعض البنات ياما تطلقوا بسبب هالسالفه نها تشيل ملابسها وتطلع برا البيت والطلعه كوني طلعه عقبها ورقه طلاق .

والسبب وين ؟؟ السبب بعقول الحريم اللى ما تفكر بباجر .. وعلي بالها لا طلعت مثل فلانه وعلانه بتحط ريلها خاتم ؟ لا ي قلبي مو كل الرياييل نفس زوج فلانه وعلانه ..


سالفت حماتج .. ما اقدر افتيلج فيها لاني قاعده اسمع من طرفج ما سمعت منها . عشان احكم منو الغلطان .

تقولين انها كبر امج يعني المفروض انج تحشمينها لو شنو سوت اول شي اهي مرت خالج ثاني شي اخت ريلج ثالث شي مرا عوده . ورابع شي انتو ساكنين عندها.


ولدها بيتزوج واحتمال كبير ياخذ الشقه .. سواء اخذها ولدها والا ما اخذها مردكم بطلعون من عندها .. ما راح تقعدون العمر كله مجابلينها ؟

يعني الصبر اللى صبرتيه من يوم زواجج لي يومج هذا مو قادره تحطين عليه صبر زياده لين اللله يكتب وتطلعون ؟

بالنسبه حق امه ... اهنيه انا ما اقدر اتكلم هذى امه ان شاءالله تقعد علي روسكم .. يكفي انها امه بركه البيت .. مو المفروض تشتكين منها لو انها حيزبونه ..

ونا صراحه اللى ما ارضااه علي امي ما ارضااه علي ام غيري والله حتي لو ماكنت ام ريلي اي حرمه عوده لها الحشيمه والكرامه ونطوف لها لو تحذفنا بنعل مكرم السامع ..


عسى الله يهديج ويهدي ريلج مو عشانكم عشان هالياهل اللى للحين ما شاف الدنيا ..

موفقه .

ماشاءالله كفيتى ووفيتى يسلم بوئك يا عسل.:eh_s(9)::ggdw:

 

[أم راشد المطيري]

سايلنت حبيبتي

انا اقول كلمي ريلج بهدوء وقوليلة خل نطلع بشقة بروحنا احنا جذي جذي دافعين ايجار والشقة اصغرت علي عيالنا

والله يهدي سركم ياارب

 

[رق رق]

لا حوله ولا قوه الا بالله
اولا لازم تطلعين ابشقه شنو اعيال حماتج يلعبون ابغرفتج ؟؟؟؟
واذا مايقدر علي الاجار قوليله انا ادفع علي الاقل ربع اتساعدينه علي الاقل اب 100 دينار.
كلميه ابهداوه واقنعيه انكم تطلعون والله استقلاليه ووناسه وراحه .
عندي فكره حجزي شاليه مثلا او سافرو وحجزي شقق فندقيه ، قعدو علي الاقل ثلاث ايام ، واهوه راح يحس بالفرق والاسنقلاليه ان مافي احد يتدخل واتسولفون وتصحكون علي راحتكم وراح يفكر فيها .
وشكرااا

 

[أم زايد ويزن]

الله يكون بعونج يارب
ويسخر لج زوجج
جيبيه بالمحايله والكلام الزين دام انج تولين تصرفاته تصرفات ياهل
خليه مثل ولدج
واكيد بيسمع كلامج بالاخير

 

[نحوله عسوله]

الله يهدي سركم وان شاء الله


حبيبتي دامه دق عليج ردي بيتج وعند ريلج مهما كان ترا الريااال يجي بالكلام اخته الحين عنده وتملي راسه دري بيتج واقعدي عنه وانتي حاولي تكلمينه بهدوووء

واذا ع مفتااح غرفتج دقي ع نجار يغير القفل بكبره انا جذي اول ما سكنت شقتي كل مفاتيح شقتي موجووده الا مفتاح غرفتي النوووم سكت وصبرت لين جبت بنتي وغيرت القفل بكبره والمفتااح عندي علميهم انه هذي خصوصيه انتي عندج بيبي يفهم ويعرف ومو زين يدخل فجااه عليكم


وحماااااتج نصيحه احقريهااااا وطنشيهاااا والحقران يقطع المصران


والله يهدي سركم يارب


وهدي نفسج ترا الدنيا ما تسوى

 

[SiLenT Qween]

حبايبي انتو والله

مشكورين

والله يهديه