بنات عادي اجيب قطوه وانا حامل الحين مشتهيه قطو اربيه

[adriana]

بنات اشتقت للقطاوه ومن سنتين ماربيت قطو مشتهيه اجيب واحد بس انا حامل الحين بالاول وبكر تهقون عادي ولا ياثر علي والشي الثاني انا مو طبيعيه مع القطاوه اخاف اجيب قطو وانسي عمري اعاملهم مثل الاطفال واجابله واخاف عليه بشكل لايوصف واذا طلعت من البيت ماحد عنده بيعطيه اكل يعني اعمل حساب هالاشياء اخر قطوه ربيته من سنتين قطوتي لولو فديتها قعدت عندي سنتين وبعدين شبت علي جاتها حاله التزواج وضاق صدري عليها وامي وخواتي لاعت جبدهم منها قالو وديها مزرعه خليها تعرس وتحمل وتشوف حياتها لاتحكرينها ووفكرت ووديتها ودعتها هناك ورحت ركبت السياره وكن قطعه مشيوله مني والله العضيم رجعت البيت بصياحي وضايق صدري عليها اخاف كلب ياكلها لان من وهي صغيره متربيه في بيت عندي وبس شوفتو اني خبله مع القطاوه كنهم عيالي يصيرون وشسوي والحين حدي مشتهيه قطو ماتوب

 

[نوسة الننوسة]

لا ياحبيبتي لا تجيبين لانه بروحه ربى..ولاولدتي من بتربين ومن بتخليين!!!!!....يعني انا الحين عندي قطوه واصغر عيالي 5 سنوات..لانه يبيله سبوح واستشوار وتشوفين اكله كل هذي الاشياء تدوخ..

 

[نوسة الننوسة]

غير حبيبتي اذا مرض يبيله سالفه بروحها...مضاد حيوي وحسبيله عااااااااااااااد...!!!هااااااااااااااااااااااه ونسيت غير تفرش اسنانه...

 

[Miss.EnGiNeErA^_^]

لأأأأ طبعـــااا موعــادي...انتي مشتهــيه..تيبين قطوه الحين؟؟؟
بس نطري..لمــا تيبين البيبي.. تنسين ..كل اللي حولج...
واصلا موزين لج وانتي بجر..
........ ^^ ............

 

[SHD__ q8__87]

بتربين اثنين

 

[daloo3ah]

adriana القطو يسبب عقب وتشوهات بالجنين والرحم .. هذا الي سمعته
TakeCare

 

[جوجو.]

انا ماتوقع ان يأثر بس ما انصحج اتييبين قطو حاليا حفاظا عالجنين
بعدين يالله السلامه لي ولدتي وين اتودين هالقطو وانتي بتربين وليدج
القطوه وايد اتقط شعر وشعرها استغفر الله يلوع الجبد
ماانصحج حبي

 

[lojeeen]

اهو ما يأثر على الجنين لأن امي حملت فينا كلنا و اهي تربي قطاوه داخل البيت بس تحتاجين حد يساعدج في تنظيف تراب القطوه و تسبيحها كل ما وصخت نفسها

بس مو هاذي المشكله المشكله لي شريتي قطوه شيرازيه بعدين مليتي و قطيتيها بالمزرعه مثل قطوتج اللي راحت ترى حرام القطاوه الشيرازيه
مثل الأطفال اللي عمرهم تحت الست سنوات ما يعتمدون على نفسهم بالأكل و الدفاع عن النفس حتى لي طق عليها مطر ما تعرف اتدور على مكان تنخش فيه أو لي جات سياره مسرعه تلاقينها تنطوي على نفسها و اتغمض من الخوف لما تندعم

يعني انتي مو غلطانه لي قلتي انج تبين تعاملينهم مثل الأطفال لكن السؤال تقدرين صج اتعاملينها مثل ما قلتي ؟

 

[noonoo]

لا حبيبتي ديري بالج عمتي اجهضت بسبة القطوه واعرف وحده يابت طفل مشوهه بسبت القطوه وحتي لي ولدتي بالسلامه انشالله ترا مو زين على البيبي بنتي حاشتها شعرة قطوه اطلعتلها ابسدرها دائره حمرا كبيييره وديتها الطبيب قالي هذي حساسيه شعر حيوانات ماراحت الا عقب 6 شهور كانت تحكها حيييل ويطلع منها دم

 

[oceayana]

لا عادي انا ومرت خالي معروفين بلقطاوة وانا عندي 11 قطاوة ومثل حلتج احنا ومرت خالي قبل لاتحمل عندها 3 قطاوة والحين اهيا حامل ب5 طفل ومشالله ماصار شي كل عيالها طبيعين ماشالله والله يخليهم لها. انتي بس طعمي القطوة لاتنسين هذا اهم شي

 

[esteeLa]

من صجكم شلون تربون قطاوة؟
القطو حيوان وفيه نجاسةوقذارة حاله حال الجلب شلون اتدخلونه بيتكم اللي تصلون فيه وتقروون قران؟ الله يهدااكم بس

 

[Miss-ToNi]

no way ****ay halfekra mn rasek omi kanat 7amel ow nezal elbaby weseba leg6awa