بنات علموني شلون اوكل ولدي

[english muffin]

مرحبا بنات
انا ولدي الحين بيخلص الشهر الرابع
من قبل 6 ايام بديت اعطيه سيريلاك بس ملعقة في المرضعة في الليل لمدة 3 ايام و جفت ماتحسس منه قلت اوكي
بعدين 3 ايام الي وراهم عطيته ارز البيبي نسيت اسمه بيبي سيريال جنه
صرت اعطيه قفشة في المرضعة في الليل قبل النوم ويحبه يشربه وينام
الحين شاسوي؟اواصل عالارز والا ارد للسيريلاك عالقمح ؟
و ابدأ اعطيه الارز في صحن بقفشة والا اتم اعطيه في المرضعة؟
والصراحة خاطري اعطيه خضروات
من متى ابدأ اعطيه و عطوني الطريقة بالضبط لوسمحتوا لاني بجر وماعرف

 

[a7la_7b]

تو الناس حبيبتي ولدج صغير نطري لاحقه الحليب كافي
السريلاك ينعطى من 6 شهور وفوق لا تستعجلين

 

[english muffin]

لا انا مب مقتنعة بنظرية انطر للياهل يصير 6 اشهر

حرام ولدي يحب الاكل لين اذوقه كلشي يعجبه و خلاص صار ماينام بالليل بسرعة يقعد يبي بعد حليب حتى لين اكون مشبعته عدل قبل النوم يقعد بعد 3 ساعات ميت يوع

وانا اروح على كلام يدتي لوول من 5 اشهر لازم ياكل

 

[دلال و غلا]

هلا حبيبتي / كافي السيريلاك مع الحليب و بعد عندج بسكوت فارليز حلو حطي له كسره من البسكوت ف الحليب
و انا بنتي اذوقها فواكه مهروسه للاطفال تلقينه ف الجمعيه

 

[english muffin]

انا ولدي من عمره شهرين بيدش الثالث صار ياخذ بسكوتة مع حليب
وانا ما اايد السيريلاك
اليوم عطيته جزر

 

[Tom ♥ Jerry]

,


حياتي استمري على هذول الحين ليه الشهر السادس ..
بعدين سويله بطاط و يزر و كوسه هرسيهم له

الحين وقت العصر عطيه سيريلاك
و بالليل الي على ارز

الله يخليه لج يارب
تقدرين بعدين تسوين له عصير برتقال طازج كل يوم
و عطيه الحين جربي اذا قدر يشربه أوكي
مفيد له

 

[فـراوله]

في سيريلاك يبيعونه بالجمعيات حق 4 شهورهذا كنت أعطيه لولدي الاول
أما باقي المنتجات بصراحه ما أجازف الا بعد ما يتم 6 شهور

هالمنتج أغلبه من عمر 4 شهور

بسكوت فارليز هم تقدرين تستخدمينه بس حطي بالرضعه نص بسكوته

منتجات ميلوبا وايد حلوه وأحبها وفي منه بالخضروات وهم في منه بسكوت
وهذا كنت دايما أخذه لولدي وهم مكتوب عليه من الشهر الرابع

وغير هذيلا في المعلبات للي بالجمعيه بس هذيلا من 6 شهور وأنا بصراحه ما أحبهم
ولا جربتهم ..




​

 

[mannawy]

ذوقيه قفشه من اي شي جدامج بس مو تخبصين ابطنه لا ديري بالج والاكل المعروض فوق مناسب
جربي الكوسا تراها بارده - جربي شوي عرموط - جربي نتفه تفاحه - جذي خليه يذوق ولاحظي يتحسس من شنو. واسفه على هالملاحظه لاحظي خروجه.