بنات عندي مشكله ويارييت تساعدوني

[Sosota_20]

لووول انتي من صجج اصلا انا افتخر ان محد يطالعني ولا يتحرش فيني
احس صج لي كرامتي وماني مصخره حق كل من هب ودب وبعدين وايد اريح اتمشى واطلع ومحد ياذيني

وعلى فكره الشباب يدورون الرخيصه مو الجميله مثال

عندي رفيجه مشالله والله جمالها اينن جنها روسيه وفوق هذا مو متحجبه وجسمها يهبل والله محد يقرب صوبها
لانه حركاتها ونظرتها الحاده وطريقة مشيتها وكلامها ماتدل على انها وحدة تبي شباب لها هيبه كافي مشيتها بغرور ماتعطي مجال حق الشباب يقربون منها

وهم اعرف وحده هيلقيه فل ميكب متحجبه وتطلع قذلتها الصفره وفوق هذا لابسها خايس مافيها جمال
والله تيمع شباب شكثر الاكو والماكو وراهاا ويع كل هذا عشان حركاتها ومشيتها اشكره تبي شباب

يعني الصبي شيبي بوحده ثقيله تدقره وماتعطي ويه اكيد يدور السهله الخفيفه ايب راسها من غير تعب

نصيحه خلي لج هيبه وكبري عقلج
تبين شباب بكل بساطه طالعي واحد وسويله حركات ولا تميعي وراح ايلج بس شالفايده دام يعتبرج انج واطيه

والي يلحق بنات الناس خروف ويلعب عليهم مادري ليش تدورين الرخيص مافي رجوله

قرقت وايد بس تفكيرج غلط لازم تكبرين عقلج صيري اكبر من جذي واستفيدي من بنات المنتدى

 

[فوولي]

مادري شكتب من كثر ما المموضوووع سطحي
تجمدت ايدي الله يهديج

 

[دبه موت]

لآ مو كل بنت لهآ حبيب​

البنت المتربيه العاجلة اللي تخآف الله مآلهآ حبيب​

شنو أحب المجسمين و الخرآبيط هذي​

حبيتيه و بعدين يعني ؟​

تتزوجينه مثلاً ؟؟؟​

و لآ بس لعب و ضضيآع سممعه و خرآبيط !​

و مشآكل مآلهآ أول ولآ تآلي​

لآ تفكرين بهالأمور و اذكري الله و اتجهي لربج ​

و رآح تشوفين نفسج ملكة جمآل​

أمآ حبني و أحبك مآرآح يجيب لج إلآ المشآكل و الذنوب​

ادعي الله يرزقج الزوج الصآلح​

و كوني صآلحه​

لآ تصيرين مجربه نصيحه ​

الله يهديج بس​

لآ تصيرين إمعة تقولين كل وحده عندهآ حبيب إلآ أنآ​

خلي لج شخصية​

مو شخص سفيه​

و اشغلي فرآغج بشي ينفعج ​

تقربي من أمج ​

اقري كتب​

تعرفي على بنآت محترمآت ​

اهتمي بدرآستج أو شغلج​

صيري بنت مثآليه​

مو بنت غبيه إمعة ينقص عليهآ​

الله يهديج​

كلامك جواهر مشاء الله عليك سمعي النصيحه منها :ggdw::ggdw::ggdw:

 

[شــــــــــــــوقــــه]

شر البلية ما يضحك

انا خشمي كبير و لمن اطلع يتطنزون على خشمي بس يا جبل ما يهزك ريح الحمدلله فيني جمال

واثقة ان خشمي لايق علي و صج ما اتخيله صغير او شي احس بطلع جيكرة

شتبين بالتحرش والله يخرع انا يحوشني عوار بطن و اعرق و حالتي حاله :eh_s(4):

كبري مخج

 

[3aly mstway]

حبيبتي شكلج مراهقه عنونه مافي حب مافي خرابيط .. وشكو محد غازلج يعني جيكره ترا في جكر يغازلونهم الشباب مو حبنا بجمالهم لا عشان يخربط معاها وبعدين يسحب عليها .. اذا صج ميته على الحب ادعي ربج يرزقج بزوج حنون رومنسي مو حبيب مستحيل يتزوجج ويلعب عليج

 

[يارب محتاجك انا]

البنات ما قصرو بارك الله فيهم اسمعي لنصيحتهم نصيحة خوات وكنت ب اقولها




ابتعدي عن الطرق الوعره ترى بدايتها هالتساؤلات

 

[ms_kakawa]

بالنسبه للشكل لازم تكونين انج راضيه بشكلج والحمدالله مو ناقصه شيء ، وبالنسبه للحب مو كل بنت عندهآ حبيب
وحب هالزمن بس تفرغه شهوات ومغازل وطلعات لين ياخذ اللي يبيه ويقطج على صخر اتوقع انتي عارفه شنو اللي يبيه ، وكلنا ننعجب
باللي عنده عضلات وجسمه حلو ، وبالنسبه للمحد يطالع بوجهي يعني قصج انهم يغازلونج؟ انا قلبي ينزرع منه الخوف اذا احد غازلني
زين مااركض انحاش ، وأتقي الله وترا الجمال مو بالوجهه الجمال بالقلب و الحب مو نفس هالزمن الحب غير اللي يحبج يخاف على سمعتج
وينطر اليوم اللي تّتيح له الفرصه عشان يطق بابج مو مغازل وخرابيط ...

 

[قاهره عذالي]

بالنسبه للشكل لازم تكونين انج راضيه بشكلج والحمدالله مو ناقصه شيء ، وبالنسبه للحب مو كل بنت عندهآ حبيب
وحب هالزمن بس تفرغه شهوات ومغازل وطلعات لين ياخذ اللي يبيه ويقطج على صخر اتوقع انتي عارفه شنو اللي يبيه ، وكلنا ننعجب
باللي عنده عضلات وجسمه حلو ، وبالنسبه للمحد يطالع بوجهي يعني قصج انهم يغازلونج؟ انا قلبي ينزرع منه الخوف اذا احد غازلني
زين مااركض انحاش ، وأتقي الله وترا الجمال مو بالوجهه الجمال بالقلب و الحب مو نفس هالزمن الحب غير اللي يحبج يخاف على سمعتج
وينطر اليوم اللي تّتيح له الفرصه عشان يطق بابج مو مغازل وخرابيط ...

هذا حب

سنة 1960

انقرض للاسف

مافي حب الحين

يكفينا شر الدنيا بس :eh_s(8):

 

[هدوووشه]

^
اي والله صادقة قاهرة عذالي

مادري يمكن مافيه ولا انا طايحة حظ

حتى المتزوج ماعاد هو نفس زمان يحب زوجته الحين مع عصر الانفتاح تويتر وفيس .....الخ

اهم شي الثقة واذا راحت على الله العوض

 

[نكتار 2010]

كل انسان جميل

 

[قصْر شآمخ~]

عااادي المغازل مو مقياس للجمال أبداً

أجكر البنات يغازلونهم الشباب وترى المغازلجية نفس الجلاب عزكم الله يلحقون أي وحدة لو كانت أجكر بنت
أهم شي وحدة يخربطون معاها شوي وبعدين يعطونها أحلى سيفون

تدرين أنا من قبل محد يغازلني ولا يطل بويهي وعادي بالعكس أحس إني كبييرة بعين نفسي
لأن هذا دليل إني محترمة ولبسي محترم ولا أحد يتجرأ يرفع عينه ويطالعني لأن مقامي أكبر من مقامهم
والحمدلله من ناحية الجمال ما أثر فيني لأن مو هذول التافهين هم يقيموني حلوة ولا لأ

ومن فترة قصيرة واحد قط رقم بجنطتي بدون مبالغة حسيت بالإهاااانة شنو شايفني رخيصة يرقمني !
وربي شي قذر وع وع لاعت جبدي

أنا حاسة فيج وعارفة بالضبط شنو مقصدج
إنتي وحدة محترمة وزينة بس مشكلتج إن اللي حولج مو محترمين
ويمكن من كثرة البنات اللي مو محتررمات حولج تخربطتي شوي وصارت مقاييسج للدنيا غلط

غيري بيئتج رافجي بنات نظيفات ومحترمات
إحنا البنات المفروض نعيش مع بعض أحلى حياة نلعب ونطلع ونستاانس ونعيش الدنيا طول بعرض بدون لا نغضب ربنا ونخون أهلنا

بلا حب ومغازل وخرابيط
الريايل مو كل شي بالدنيا
ولا تخلينهم محور اهتمامج تو الناس عليج

موفقة

 

[أم حسوون]

السلام عليكم ، الله يهداج حبيبتي تفكيرج حيل سطحي والله ما أتذكر أحد لاحقني وأنا صغيرة مع أني حمدالله مملوحة ولا تعقدت شادعوة قلت المشاكل وصار أكبر همي هاللي يطالعوني ، ويا ربي لك الحمد خطابي واجد وفي النهاية تزوجت رجل فيه خير أحسبه والله حسيبه ، وبعدين أحنا مو في مسلسل تركي حبني وأحبك شنو يعني كل وحدة لها حبيب خرعتيني يعني كل هالبنات يغازلون شهالخرابيط ، لحد يسمع كلامج ياخذ عنج فكرة مو زينه ، اهتمي بدراستج وإذا تبين الحب ادعي ربج بالزوج الصالح هذا اللي ينفع ، وهني استوقفني رد قاهرة عذالي ليش يا قلبي شادعوة ما فيه حب نقي في هالدنيا كل هالحريم مع رجالهم مصالح ما يصير يا قلبي اي مصالح والله مصالح الدنيا ما تخلي المرة تقعد مع اللي كارهته هاذي حالات فرديه والدنيا لا زالت بخير ، أمج وأبوج خواتج كلهم هذولي مصالح الله يعوضج خير يا قلبي واحسني الظن بالله.