بنات فيكم وحده سافرت وهي حامل بالشهر الخامس ؟

[pink_girl]

السلام عليكم

بنات انا زوجي بيسافر في الصيف اذا صرت بالشهر الخامس ان شاء الله وودي اسافر معه بس طبعاً اول شي بسأل دكتورتي اكيد اذا حالتي تسمح اولا بعد ماتكشف علي بس بغيت استفيد من تجاربكم وحده سافرت وهي بالشهر الخامس وماضرها ان شاء الله ؟ مع العلم اني متشجعه لان السفره قريبه لمصر يعني بالطياره تقريباً ساعتين

فيدووووني بنات بتجاربكم انا هذا حملي الاول وماادري شلون حالتي بتصير بالشهر الخامس تسمح اسافر ولا لا

 

[عنايد]

على حسب كل وحده العام وحده مسافره معانا ماشاء الله عليها كان لها اتوقع ست شهور يمكن او خمسه مادري بس عادي
واختي بعد ماشاء الله ياما سافرت واهي حامل عادي بس اختي كانت بسياره عاد مادري عنج

 

[pink_girl]

مشكوووره عنايد ماقصرتي رديتي علي وماطنشتيني مثل باقي البنات الله يسامحهم والله يسخر لج زوجج ويشفي بنتج

 

[لوكريسيا]

شوفي حبوبة انا سافرت لما كنت حامل بأول الخامس حتى البييبي تحرك بتايلاند ههههههههههههههههه .. و كان بجري ... حدي بايعتها

بس الحمدلله ما صار فيني و لا في البيبي شي .. و هو على حسب حالتج .. مع العلم ان الرحلة بالطيارة كانت 7 ساعات غير الطيران الداخلي 20 دقيقة

 

[lolo77]

انا سافرت بالخامس بولدي البجر وكنا رايحين بالسيارة لدبي
والحمدلله ما صار فينا شي
واخر حمال لي سافرت البحرين و رحت العمره وكنت بالثالث وكنا بالسيارة والعمره بالباص ورحت ايران وكنت بالرابع بالطياره
يعني هالحمله كنت ابن بطوطه
والحمدلله والف الحمدلله ما صار شي
واذا انتي حمالج طبيعي ماعليج شر انشالله
والافضل تسالين دكتورتج
وتروحين وتردين بالسلامه يارب

 

[مـسـك العجمي]

الحافظ الله سافرت تركيا لي 4شهور وركبت تلفريك والحمدلله

ومره اعتمرت لي 5 وطفت وسعيت علي رجلي
ومره ثانيه اعتمرت لي 6طفت ونص السعي علي عربانه وربي ماقصر له الفضل والمنه

عسي ربي يحفظ الحمل في المنتدي ويرزق اللي ماحملو يارب

 

[dl3_wl3]

ما في مشكله انا رحت العمره بالسادس تخيلي طواف وسعي الصفا والمروه وسافرت بعد بالخامس لا تحاتين بس حسب طبيعة جسمج

 

[srabeel]

أول شي إسئلي الدكتوره وإذا كل شي زين عادي أنا يما سافرت مو ساعتين بالطياره لا أكثر وااااااااااااايد بس الحمد لله

بس لو كنت بالثامن ممنوع مايصير وايد حالات ولاده صارت بالطياره بالكوتيه .

 

[Harmony]

ايي حبيبتى وايد اعرفهم سافروا وما ضرهم شيء باذن الله من الخامس لين التاسع لوووول
انتى سالى الطبيبة و اذا قالت اوكى توكلى على الله و ماكو الا العافية باذن الله

 

[pink_girl]

مشكورين بنات ماقصرتو طمنتوني

 

[pink]

أهلين حبيبتي pink_girl ..

إن شالله ما كو إلا الخير بس نصيحة قبل ما تسافرين

راجعي دكتورتج و تأكدي إن ما فيج لا سمح الله التهابات

و عشان تعطيج بعد نصايح تفيدج بالرحلة .. و هالله هالله

بشرب الماي و لا تقولين ماني شاربة عشان أكره أستخدم

عزكم الله الحمامات العامة ترى صارت فيني حرمت نفسي

من السوائل إلين صار فيني التهاب بول قوي وصل للكلية

و ظليت متحملة العوار طول السفرة و لما رجعت تعالجت ..

آنا مابي أخرعج بس اللي صار فيني منّي تساهلت بسالفة

السوائل و ضرورتها خصوصا إحنا الحوامل صيدة سهلة

للالتهابات .. و إن شالله حبيبتي تسافرين و تستانسين و

تردين ديرتج بالسلامة

 

[أم شهاب]

حبيبتي أنا سافرا بالشهر الخامس مصر والله عادي ماصارلي شي