بنات في سؤال مضايقني

[Anestazya]

بنات انا بسـألكم سؤال

انا متزوجه وكان معاي التهابات وعالجتها وراحت بس الحين تكرمون تطلع ريحه كريهه مع البول ليش ومن شنووو؟ التهاب والا شنو صارلي اكثر من اسبوع جذي

انا بروح الدكتوره بس اذا عندكم علم شنو فيني

 

[الاسطورية]

الريحه بالبول معناتها التهاب بالبول

 

[موت الحمر]

هذا التهاب عليج بشرب الماي كثري منه لمدة اسبوعين و ان ماراح لازم تراجعين دكتور عندج دكتور عبد اللطيف بدار الشفا انا مجربته ممتاااااااز

 

[ابلة مبتسمة]

حبيبتي الاحسن لج تراجعين دكتورة

وان شاء الله مافي الا الخير يارب

 

[نووووونا]

أختي الكريمة رائحة البول الكريهة ليس من الضرورة أن تكون على خلفية مرضية


، يرجى إجراء تحليل سكر دم على الريق

واتبعي النصائح التالية : - الإكثار من الماء والسوائل حتى يصبح لون البول قريبا من الماء -

ساعة مشي سريع يوميا -

الإكثار من الخضار والفواكه وتجنب الإمساك -

يمكن إيقاف السوائل قبل ساعتين من النوم حتى لا تضطرين للاستيقاظ وإفراغ البول


وعوضي فور استيقاظك صباحا بكأسين كبيرين من الماء على الريق


ملاحظه (( التدخين له تاثير فى بعض الاحيان ))


والف سلامه والافضل استشارة طبيب@@

 

[Anestazya]

اختي مافهمت شنو سكر دم؟


وانا زوجي يدخن يعني يأثر علي

 

[ضحى الكويت]

لا تحاتين وماكو الا كل خير ان شاء الله

هذا من طبيعة اكلج او انج ما تشربين ماى وايد وصاير معاج هالشى حللى تحليل شامل علشان ترتاحين وبإذن الواحد الاحد ان مافيج شى وطمنينى على الخاص وما تشوفين شر مره ثانيه

 

[لباس التقوىk]

ماتشوفيين
شر