بنات قبل ما تاكلون سألوا المطعم اكله من وين حلال او حرام

[irresistible]

يزاج الله خير صج انا ريلي اي مطعم بالكويت يسال من وين اللحم و الدياي بس شتقولين في مسلمين شكثر عندنا بامريكا نظام سم و اكل شرايج

 

[قلبين وسهم]

والله مادري احنا بديره مسلمه واظن هالشي يكون مفروض عالمطاعم ماحاجه نسأل

عالعموم جزاااااااااج الله كل خيييير حبيبتي


بالتوفيــــــــــج


​

 

[ام احمد 85]

ديرة مسلمة بس الاكل حرام وما اعتقد ان في وحدة ميته من اليوع ومجبورة على اكل الحرام
بس للاسف البعض يطلعون فتوه حق نفسهم ان دولة مسلمة ما يحتاج يسالون والبعض يقولون قبل ما ناكل نقول بسم الله ويصير الاكل حلال
يوم القيامة انتو محاسبون وجسمكم يتكون من اكل حرام والاكل الحرام اذا دخل البطن ما يطلع

 

[شمس 20]

اكيد الوحدة لازم تتاكد

لما دشيت ماكدونالدز مو بس ماكدونالدز كل المطاعم

في لوحة فيها اللحوم مصدرها من وين

واكيذ الذبح حلالاال

 

[ام احمد 85]

اذا انتي ما تهتمين وتاكلين اي شي مع ان هذا شي مفروض عليج لان هذا شي موجود بالاسلام
اكيد صاحب المطعم ماراح يهتم لان طبعا يدور الربح والشي الرخيص
ترى تتكون النطفة من لحمج ةجسمج ويكون الاكل حرام

 

[مســـــافره]

إحنا بدوله اسلاميه والدوله تلزم المطاعم يكون اكلها حلال احنا ناكل على ذمتهم
والله يستر

 

[أم حمد =)]

يعطيج العافية .

 

[om MaRyooM]

واحنا هذي حالتنا ؟؟ اذا بناكل من برة نسأل من وين وشلون وناقص يورونا فيديو بعد عشان نتأكد اذا ذبح اسلامي ولا لأ . .

انا اقول لانبالغ بنات .. احنا بالكويت ترا واذا لاسمح الله الاكل في شي عاد على ذمتهم

يعن الحين الجرسون بيقولج الصج ؟؟؟؟ ماتوقع



وشاكرتلج التنبيه

 

[سمو]

اللهم صل على محمد وال محمد


بارك الله فيكم اختي الكريمه ... كثر اكل الحرام ..وكصرت القلوب القاسيه ...فمصدر الاكل يؤثر على القلب والاخلاق ... لابد من السؤال يعطيكم العافيه .

 

[ام احمد 85]

الي تقول احنا دولة اسلامية وناكل على ذمة فلان وعلان
انشالله يوم القيامة وقت الحساب اذا ربج سالج ما ادري شنو راح تجاوبين
على العموم كل وحدة عندها عقل وتقدر تفكر وتعرف ان في دول اسلامية وقي دول غير اسلامية
واكل الحلال واجب على المسلمين واذا الواحد شاك مجدر شك بمصدر الاكل لايجوز انه ياكل
والهيار لكم

 

[يمة يادلبي]

بس يقولون في فتوة ان دامنا في دولة اسلامية مو ضروري نٍسـأل وانا بصراحة امشي على هالـ فتوى

 

[بدور الربيع]

اللهم صل على محمد وال محمد
عدل كلامج أم احمد ويعطيج العافيه حبيبتي
والمطاعم متروسه الديره وشنو الله حادنا ناكل دياي برازيلي ولحم هندي واسترالي مثلج من بره استغفر الله
واغلب المطاعم ملزومين بوضع اعلان عن نوع لحومهم والدياي
ومغل محل وفايز لحمهم هندي واسترالي ومثلج من بره وديايهم برازيلي
وفي وايد مطاعم لحوماتهم حلال اميه بالاميه مثل دياي الوطنيه والمتحده وغيرها ولحمهم من داخل الكويت وفرش بعد يعني يوم بيومه
وكل شي ولا انه يدخل في بطنا اكل الشبهات لانه يأثر حتى على علاقة الانسان برب العالمين
واكل الحلال يرقق القلب ويزيد الخشوع بين الانسان وربه
تسلمين ام احمد على هذا التنبيه

 

[نورالنور]

والله صاجه انا رحت فايز وقيصر والي بسطرته بالسالميه لحمهم وديايهم حرام يقولج دياي برازيلي والحم استرالي مثلج من استراليه

اللهم صلي على محمد وأل محمد

 

[alice]

يعطيج العافيه على الموضوع
وهذا الي نسويه والي قالت احنا بدوله اسلاميه ماتتوقع ان يدخل شي حرام ترى وايد مطاعم نسئل المصدر من وين يعني في مطاعم موثقه
ترى عادي يقولون لج بس موعاد تقولن لهم لحمكم حرام ولا حلال اكيد بيقولج حلال لاانتي سئلي من وين مصدر الللحم
ومشكوره على التذكير ام احمد

 

[سوليتير66]

الموضوع وايد حلو احنا جذى لى رحنا اى مطعم نسال عن لحوماته لانه الواحد وراه حساب وكتاب لازم نسال لانه البلد يدخل جميع انواع اللحوم وايد مطاعم نسال عنها كله لحمهم برازيلى ولا هندى فى لازم تسالون يا بنات

 

[مريانا ام ماريا]

بنات على فكره ترى بالبرازيل ذبح حلال بعد فما يصير تحطون بذمتكم انهم حرام لان ماكو لحلم يدش الديره بدون الختم الي مكتوب عليه حلال احنه بدوله مسلمه انابامريكا وياكثرهم المطاعم الحلال هالمره بالديره
وعن الهند ترى الهد مسلمينها وايد وانا اشتري الحم الحلال من هندي مسلم بولايتنا فلا تحطون بذمتكم انه اللحم الي من الهند حرام شلون بيدش الديره بدون الختم

 

[باربيه قطوه]

مشكوره

 

[bestchoise]

عزيزتي ام احمد موضوعج واااايد مهم
ويا ليت كلنا نسأل ونتأكد قبل لاناكل
لان اللقمة الحرام تورث قساوة القلب
مشكوووورة حبيبتي

 

[أوكسجين]

اي لازم اسال
عاد تدرين امس رحت مطعم الصيني اليديد اللي في الافنيوز جنه اسمه بي اف تشانغ <<<< مو متاكده من الاسم
كان في اثيوبيه وفلبينيه واقفين
سالتهم ديايكم ولحمكم من وين قالتلي الدياي برازيلي واللحم امريكي قلتلها اوكي وطلعت من المطعم جان تلحقني تقولي ليش في ناس اييون يسالون ومن يسالونا يروحون !!!
قلتلها اللي يسالون بيتاكدون حلال والا لا جان تقولي بس اهو حلال قلتلها انا مو متاكده جان تضحك انا بس اكل من دوله اسلاميه
يحليلها جان تقولي في اكل للنباتيين قلتلها مره ثانيه
عاد شكل المطعم حلو انشالله مره ثانيه بروحله اطلب منهم ربيان او خضار

 

[أوكسجين]

ويعطيج العافيه للتذكير