بنات قولولي منو جرب عسل العويد لتقوية المبايض

[دلع الكون]

السلام عليكم ورحمة الله وبركاته

بنات منو جرب عسل العويد للمبايض

يزاكم الله خير قالولي كذا وحده انها مجربته ماكو نتيجه الا وحده مشى معاها


لاتبخلون على بالاجابه:0bee2e8d89:​

​

 

[amwaj]

حبيبتي نصيحة لا تقطين فلوسج على هالخرابيط روحي عالجي احسن لج من هالسوالف..انا جربته وما فادني مع انه غالي مو رخيص قطيت تقريبا 300 دينار عليه بس من غير فايدة..حرام هالفلوس روحي فيها الطبيب وسوي لج طفل انبوب ولا تلقيح صناعي ابرك..

 

[Coffee-Girl]

ليش طفل انبوب مشكلتج جدا بسيطه بس ما اقدر ارد عليج ليما اتقوليلنا انتي عالجتي قبل ولا لأ وهل جاب معاج العلاج الطبيي نتيجه او لا ؟

وياريت تكتبين موضوع عند قسم تاخر الانجاب عشان نفيدج لان اهناك العضوات عندهم تجارب بهشي بس ياريت تكتبين موضوعج مفصل عشان انا ودي افيدج بس كلامج جدا مختصر

 

[دلع الكون]

انا اول ماتزوجت حملت على طول ويب بنت والحين عمرها 4 سنوات الله يخليها لي ان شاء الله
من عقب بنتي اجهضت اربع مرات والسبب من بعد التحاليل (الاجسام المضاده)

وعلاجي يكون قبل الحمل وبالحمل 9 شهور اخذ ابر تحت الجلد لشهر التاسع
والحين تقريبا صارلي سنه ماحملت وعقب التحاليل الحمد لله مافي هرمون حليب ولا الغده النخاميه ولا الدرقيه بس عندي ضعف بالمبايض

الله يسهل الامور وان شاء الله اذا الله احيانا هالاسبوع بروح عند دكتةره فوزيه

بس هم مايمنع الحل اذا خذيت
وانا سامعه ناس نفس الشي ماكو فايده بالعسل وبعضهم ياب لهم نتيجه عشان جذيه قلت اذا مانفع مايضر والله كريم ينكتب لي وحق كل اللي طلب ربه


استغفر الله واتوب اليه

 

[ام عفاف الكويت]

الله يرزققج يارب ياقلبي

دورت لج بالنت وشفت هالرد

اختى عندج عسل العويد لتقوية المبايض انا جربته والحمدلله حملت عليه وللعلم كان عندي خمول في المبايض
وهالعسل اذا مانفعج ماراح يضرج لانه عسل وحبوب لقاح بس لازم تتاكدين بالاول انج مو حامل او اذا متاخرة عليج الدورة لاتاخذينه

وراجعي دكتورة ممكن توصف لج حبوب تنشيط للمبايض

والله يعينج ويساعدج

 

[دلع الكون]

مشكووووووووورين على المرور
وعسى ربي يرزقكم الذريه الصاله والريال الصالح

يزاكم الله خير

كانت تكفيني اجابه وحده يا ام عفاف الله يعطيج اللي في بالج ويخليلج عفاف

 

[درابيل وحليب]

حلو هذا العسل بس نصيحة لا تستعملينه مع منشطات لانه راح يعفس الدنيا

 

[أم تروفه]

العسل مره حلو خصوصا الطبيعي فيه شفاءعن كل مرض واخلطى معه حبة البركة وكثري من الاستغفار وقراءة سورة البقرة والله عجيبة وعن كل مرض

 

[Emanova]

ا تستعملينه لان مخلوط معاه ادويه

 

[زمردة الكويت]

العسل ممتاز و الله يعطيج على قد نيتج ان شااء الله

 

[senyora_q8]

انا استخدمت عسل معجزة الشفاء لتنشيط المبايض مخلوط فيه كل شيء وسعره مناسب 11 دينار مرتين باليوم ملعقة اكل الصبح مع كوب ماء دافىء وملعقة مساءا مع كوب ماء دافىء لمدة شهر وكنت اشرب مرمية مع مرقدوش مرتين باليوم ويوم سويت سونار قالي المبايض عندج وايد نشطة بس اللي مخرب عليهم التكيس فقاعدة اخذ الحين حبوب جلوكوفاج 500 مرين باليوم والله كريم

 

[كويتيه مذهله 87]

ماجربته والله

 

[فوفه]

بصراحه انا جربت عسل العويد .. وجربت عسل معجزة الشفاء ..لان كان عندي ضعف بالتبويض ... شفت ان عسل معجزة الشفا وايد وايد احسن بعد ما داومت عليه شهر واحد بس سويت تحليل التبويض الا ماشاءالله التبويض عندي اووووووووكي :eh_s(15):

انصحكم فيه بناااات

وعسى الله يرزقج ويرزق كل بنات هالقسم بالذريه الصالحه

 

[الكشخة]

وايد زين انا مجربة مال معجزة الشفاء

 

[strawberryq8]

انا قاعدة استخدم عسل العويد
خلطلي اياهم جدامي

وباستمر عليه عليه ان شا الله
الله يرزقني ويرزقج وكل اللي يبي الذرية الصالحة قولي امين

 

[الاخلاص]

عسى الله يرزقج ويرزق كل محروم عليج بالاستغفار قبل صلاة الفجر والتهجد بنية الرزق

 

[pink-rose]

جربت عسل العويد لمدة 3 اشهر تقريبا كل يوم علي الريق مع ماي دافي وبعض المرات مرتين باليوم---> بس كنت اوقفه لما اخذ العلاج وعقب ما اوقف العلاج واكون متأكده اني مو حامل ارد اخذه.

عسي الله يرزقج الذرية الصالحة وكل بنات هالقسم ان شاء الله

 

[دلع الكون]

يزاكم الله كل خير يابنات وعسى الله يرزقكم بالذريه الصالحه اللي تسعدكم

ان شاء الله بستمر على العسل والمرميه ومع العلاج وان شاء الله ينكتبلي اللي فيه خير

 

[um-naser]

أنا كنت أخذ علاج وكان فيني تكيس و لما تركت العلاج أخذت حبوب اللقاح واستمريت عليه خمس شهور
بس ما استمريت على خلطة غذاء الملكة لأني كنت ما أحب طعمها والحمدلله حملت عليهم مرتين مع ان قبلهم كانت الدوره تتأخر علي مدة 4 شهور- بس كنت أخذهم من محل ثاني اسمه مركز العسل الدولي بجمعية الروضه وكان موغالي ان كثر بعشر دنانير وحبوب اللقاح بدينار بس والصراحة ما نفعني الا اهم والحمدلله

 

[Coffee-Girl]

قتلج نقلي موضوعج والعضوات عندهم خبره ماراح ايقصرون معاج