بنات كلية التربية الاساسية ......حياكم جميعا

[شيخة الزين]

شدعوووووووووه بنات وينكم؟

معقوله ولا وحده

 

[خفايا الروح]

السحب والاضافه بداية الكورس ومدري متى بداية الكورس الجاي

ليش انتي ما سجلتي ؟!

الانقلش قصدج 99

 

[جوجو.]

اتوقع ان 17 - 2 السحب والاضافه

 

[شيخة الزين]

أنا ما سجلت الا ماده وحده بسسسس ووقتها بعد مو عاجبني كلش من الساعه 2 إلى 3

وبعد ما أدري أحصل مواد ولا لأ

ومشكوره خفايا الروح عطيتيني رقم مقرر الانجليزي التمهيدي

والجوري الوردي تتوقعين ولا أكيد؟؟ .... لان احنا نبدا دراسه قبل هالتاريخ


سؤالي الأخير((((((((( كم ماده أقدر أخذها مع التمهيدي هو على ما أظن 5 ساعات في الاسبوع؟؟؟؟؟؟؟؟؟))))))))))))

 

[جوجو.]

أنا ما سجلت الا ماده وحده بسسسس ووقتها بعد مو عاجبني كلش من الساعه 2 إلى 3

وبعد ما أدري أحصل مواد ولا لأ

ومشكوره خفايا الروح عطيتيني رقم مقرر الانجليزي التمهيدي

والجوري الوردي تتوقعين ولا أكيد؟؟ .... لان احنا نبدا دراسه قبل هالتاريخ


سؤالي الأخير((((((((( كم ماده أقدر أخذها مع التمهيدي هو على ما أظن 5 ساعات في الاسبوع؟؟؟؟؟؟؟؟؟))))))))))))

طال عمرج انا اخذت ورقة التقويم من التسجيل مكتوب فيها
الاحد 10-2 بدء دوام اعضاء هيئة التدريس للعام الدراسي الثاني
الاثنين 11-2 لقاء تنويري للطالبات المستجدات واختبار المستوى للغه الانجليزيه
الثلاثاء 12-2 المقابلات الشخصيه للطالبات المستجدات
الاربعاء والخميس 13-2 14-2 فترة الارشاد والتسجيل للطالبات المستجدات
الاحد 17-2 بداية الدراسه للفصل الثاني وفترة التسجيل المتاخر والسحب والاضافه
الثلاثاء 19-2 انتهاء التسجيل المتأخر

 

[شيخة الزين]

مشكووووره الجوري حبيبتي عالمعلومات المهمه

بس للأسف وايد قصيره فترة التسجيل ليش جذي اش هالنحاسه معقوله 3 أيام
شنسجل احنا بهالفتره .............ما أقول إلا يارب تعينا ونلاقي مواد ويعدي هالكورس على خيير

وأشكرج مره ثانيه حبيبتي

يبقى سؤالي الاخير كم ماده اقدر أخذها مع التمهيدي الانجليزي؟؟؟<<<<<< يالحنانه!​

 

[بعيون مغليك]

السلام عليكم


بغيت استفسر عن شغله انا هالكورس 18 وحده خلصت
معدل الفصل 3.6 ومعدل التخصص 3.7 والعام 3.29


انا مع المتفوقين ولا لا وفيه مكافاة تفوق وشلون اخذها

 

[خفايا الروح]

شيخة الزين ,,

تقدرين تاخذين اللي تبين ,, لان اصلا التمهيدي ماعليه وحدات ,, انتي وكيفج ,,

ريماس ,, ماعنديش فكره يا ختشي ,,

 

[Winter Q8]

السحب و الإضافة مو 3 أيام بس جذي يقولون ,, فترة السحب و الاضافة مثل فترة التسجيل تقريبا اسبوع و نص

 

[شيخة الزين]

السحب و الإضافة مو 3 أيام بس جذي يقولون ,, فترة السحب و الاضافة مثل فترة التسجيل تقريبا اسبوع و نص

أنا قلت يا ناس مو معقوله 3 أيام ........ شنسوي فيها؟؟

بس بغيت أسأل عن التهيدي النجليزي سهل ولا صعب وجم ماده أقدر أخذ معاها ؟؟

ومادة مناهج بحث بعد ومنو أحسن دكتور يدرسها ؟؟​

وعندي سؤال خاص بالنسبه للطالبات المتزوجات اللي يدرسون خصوصا اللي أول سنه يعني توهم في بداية الطريج شلون يوفقون بين حياتهم الأسريه والدراسه أحس وايد فيها صعوبه؟ بنت خالتي قاعده يمي وتحن علي تقول سأليهم هالسؤال لأن هي أول سنه لها وتوها مملجه وتقول تحس أنها ما تقدر تعطي بالدراسه بتصير حوله وتقعد في البيت؟​

 

[Winter Q8]

شيخة الزين .. لا تحاتين .. التمهيدي ما يخربط الجدول ..أقصاها ساعه بـ اربع أيام بالاسبوع ,, تقدرين تاخذين الوحدات الي تبينها ,.,

مثلاً كانت محاضرة التمهيدي ساعه 9 .. فتقدرين تاخذين مواد من ساعه 8-9 و عندج من 9- 5 تاخذين الي تبينه .

أما سهل أو صعب مادري الصراحة لأني ناجحة بالاختبار ,, بس اتوقع سهل . لأنها مبادىء الانقلش ..

مناهج بحث أنا أخذتها عند سوسن التركيت و حبيتها ,,و اتوقع اغلب الي يعطون المادة زينين

وعندي سؤال خاص بالنسبه للطالبات المتزوجات اللي يدرسون خصوصا اللي أول سنه يعني توهم في بداية الطريج شلون يوفقون بين حياتهم الأسريه والدراسه أحس وايد فيها صعوبه؟ بنت خالتي قاعده يمي وتحن علي تقول سأليهم هالسؤال لأن هي أول سنه لها وتوها مملجه وتقول تحس أنها ما تقدر تعطي بالدراسه بتصير حوله وتقعد في البيت؟

تقعدبالبيت ليش ؟! لا تفكر بهالشي لو انطبقت السما على الأرض ,, الدراسة ضمان للمرأة في الحياة ,,
زوجها يوم تقدم لها كان يدري انها طالبة فلازم يحط هالشي بباله و يتحمل ,,اهم شي انها تنظم وقتها .. لو عايشه عند حمولتها يكون احسن على الاقل ما تحاتي الطبخ ..أنا أقول انها تاخذ محاضرات مبجر مع طلعة زوجها من البيت و ترد مع ردته .. عندها فترة العصر تتغدا و تريح شوي و تهتم بنفسها ,, المغرب تبدا تشوف دراستها و أحسن لها تدرس أول بأول ,, فترة العشا تقدر تقعد مع زوجها و تطلع معاه .

و بالـ Week End تضبط أولوياتها مثل ما اهي تحب

و تنظيف البيت اذا ما عندها خدامة .. تحاول قد ما تقدر ما تكود شي ,, حتى لو قلاص الماي تغسله بوقته .

و فكرة الانجاب انا من الافضل تجرب روحها كورس اذا شافت انها تقدر او لا .. و الاهم تفاهم زوجها ..

...
شوفي لو خذت :
15 وحدة بالكورس الأول + 15 وحدة بالكورس الثاني + 6 وحدات صيفي = 36 وحدة

36 × 3 سنوات = 108 وحدات

108 وحدات + 11 وحدة بالكورس السابع + 11 وحدة تربية عملية = 130 وحدة #

تتخرج بـ 4 سنين مرتاحة لا ضغطت روحها و لا شي و الأحلى أن ما خذت شي مع التربية العملية .

و لا تحاتي وايد .. تبذل الي تقدر عليه و تتوكل على الله

 

[السـنـيـورا]

سلاااااااااااامن عليكم


ولج وحشتووووووني خخخخخخخخ



بنات الله يخليكم مساعده سريعه إلي تعرف عن سوالف التسجيل وماسوالف التسجيل تسعدني


بنات أنا خذيت هالكورس


D وهذي عليها3وحدات
B+ وهذي عليها 2
B وهذي2
B وهذي3
A وهذي3


ياريت تردولي خبر تتوقعون بهالمعدلات جم أجيب معدل


لأني إنصدمت حيييل حيييييييييييل من معدلي



أبي أعرف هل التسجيل ساعات يخربط بإحساب المعدل ((((






...

 

[خفايا الروح]

هلا والله السنيورا ..



جربي هني

http://www.kw-sf.net/grades.php


وبالتوفيق ,,

 

[أمووونه]

السلام عليكم شلونكم بنات
انا معدلي 2.70 هذا الكورس الاول لي يعني هذا معدل العام ولا التخصص ؟
شنو يعني جيد ولا جيدجدا ؟؟

 

[Winter Q8]

هذا معدل العام و الفصلي بما انج اول كورس .
التخصص بس معدل مواد التخصص ( بدون المساند )

2.7 +1×20 = 74 .. يعني جيد

 

[أمووونه]

هذا معدل العام و الفصلي بما انج اول كورس .
التخصص بس معدل مواد التخصص ( بدون المساند )

2.7 +1×20 = 74 .. يعني جيد

مشكوره على الرد - انزين انا ماخذه ماده تتخصص ماينحسب بمعدل التخصص ؟

 

[Winter Q8]

أكيد بتنحسب ..

تلقين معدلج التخصص و العام في نظام التسجيل

عقب ما تسجلين دخول .. تلقين على اليمين خانة " سجل الدرجات " ..

 

[خفايا الروح]

أمونه

معدل التخصص ما يحطونه لج الا لما تخلصين ثاني كورس .. أما من اول كورس لا ما يحطونه ,,

 

[بنات حواء2]

اشلونكم بنات انشاله بخير و يعطيكم ألف عافيه الصراحه ما قصرتوا جميعن حبيت استفسر عن شغله بنسبه حق المكافأة سمعت انه في مكافأه ماديه للي تييب تفوق
انا ماخذه 17 وحده و يبت بكل المواد a و ألف الحمد لله على هذي النتيجه
المعدل الفصلي 3.90 و المعدل العام 3.68
تنزلي مكافأه و لا لأ
و شكثر المكافأه ؟

ياريت تبشروني راح اكون شاكرتلكم وااااااااااااااااااااااااااااااااااااااااااااااايد

الله يخليكم لا تردوني

 

[روح آلمشآعر]

بنات متى يحطون نتايج تغيير التخصص ؟؟