بنات كلية العلوم(( طبيعية , بيولوجية )) فديتكم حياااااااااكم

[gzlan]

من جم شهر

رحلت رحله للكليه العلوم وعطوني اياه

اذا تبينه تعالي اخذيه :d

 

[Sparkle]

كح كح أدري حدي قديمه على القسم

Laymona
بنات شوفوا بنسبه لي أنا شفت الثانويه أريح أكون بالبيت ساعه 2 مو قاعده بالمختبر لي 6 ولما أرد حيل تعبانه دوامي يكون من 8الصبح لي 6 المغرب أرد وعلى طول أدرس لان يكون عندي امتحان او امتحانين اليوم الثاني

كلية العلوم يبيلها دراسه أول بأول يعني بالأختصار ما راح ترتاحين والي قال الجامعه اريح من الثانويه ما كان قصده اب كليتنا


وفي مواد حيل سهله والدكاتره تخليها صعبه وامتحانات صعبه

فأستعدوا من الحين درسوا أول بأول

بنسبه للتمهيدي ولا مرا خذيت ان شاء الله البنات يردون عليج

وماكو تخصصات تدخلج أماكن غير لان 99% نفس الأماكن ما راح يفرق ولا شىء بالتخصص يعني أنتي تدرسين ميكروبيولجي ورفيجتج بيولوجي جزيئيه نفس مكان راح تنغطون

التخصصات الي يتوظفون اماكن غير عندج كيمياء حيويه يقدرون يدشون تغذيه وسمعت يقدرون يحولون ويدشون صيدله وأتوقع صح معلومتي لان كذا شخص قال هل كلام

علم النبات والمكيروبيولجي عندج النفط بس شرط يكون وقتها يبون من هل قسم وأنا سمعت أنهم مكتفين لحد الحين

وعلم النبات يدششج الزراعه والثروه السمكيه

 

[Sparkle]

بنات شدوا حيلكم ما بقى شىء ونخلص الصيفي ونام على راحتنا موفقين ان شاء الله كلكم a

 

[غـبـروه]

موفقين يارب

اب

اب

 

[laymona]

بنات العلوم البيلوجيه


كلكم حاشكم الوباء ,, كلكم تداومون لي بعد الساعه 2 العصر و تكملون لي المغرب ؟ :0bee2e8d89:​

 

[فارسه الخيل]

غزلان ..

وانا علووم رياضيه ..

انزين ما طلع لنا شنو التخصصات النادره ممكن تكتبينه ما عليج امـر ..

وبالنسبه للوظيفه ترى ما يقيدج ان شاء الله العلوم كل الوزارات تقبلج .. على حسب التخصص .. يعني ..

وبغيت اسأل الحين يوم الاثنين تسجيلنه .. راح نروح انسجل جدولنا صح ..؟!

شلون بنعرف المواد وهل السوالف واحسن الدكاتره قبل ما نروح حق الكليه ممكن تساعدوني ..؟؟

 

[laymona]

بنات المستجدات بكليه العلوم وييييييين مكان التسجيل ؟


وانا عندي تمهيدي انجليزي و كيميا و خذيت موعدهم خلصت ,, لازم اروح بيوم التسجيل ولا خلاص ماله داعي ؟


ياريت الي عندها خبره تفيدني

 

[فارسه الخيل]

شلووون خذيتي موعدهم ليمووونه ؟؟

 

[فارسه الخيل]

وشسمى التسجيل نفس مكان تسجيل القدرات .. مبنى القبول والتسجيل

 

[ATOoOMA]

انا دزولي مسج وقالو انه التسجيلي تاريخ 18-8 في الشويخ نفس مكان ما سجلتي فيه

بس على حسب كل وحدة شنو دازينلها مسج لان في كلية العلوم يومين للمراجعة والتسجيل 17-8 وفي 18-7
كل وحدة محددين لها اليوم وبعد الساعة

 

[ATOoOMA]

وي وي وي خرتهااا @@

سوري التاريخ غلط

في 17-8 وفي 18-8 **************

 

[gzlan]

غزلان ..

وانا علووم رياضيه ..

انزين ما طلع لنا شنو التخصصات النادره ممكن تكتبينه ما عليج امـر ..

وبالنسبه للوظيفه ترى ما يقيدج ان شاء الله العلوم كل الوزارات تقبلج .. على حسب التخصص .. يعني ..

وبغيت اسأل الحين يوم الاثنين تسجيلنه .. راح نروح انسجل جدولنا صح ..؟!

شلون بنعرف المواد وهل السوالف واحسن الدكاتره قبل ما نروح حق الكليه ممكن تساعدوني ..؟؟

هلا فارسه

الحين بكتبلج وشوفيه

وبقولج شغله انا مايهمني الوظيفه يعني مولزوم اشتغل

نطري شويه واكتبلج

 

[gzlan]

التخصصات التابعه للعلوم الرياضية والطبيعية:​

الرياضيات_علم الحاسوب_الرياضيات الماليه_الكيمياء_الكيمياء التطبيقيه_الفيزياء الاساسيه_الفيزياء الهندسيه_الجيولوجيا_علوم الصحراء_علوم البيئه_الاحصاء وبحوث العمليات_الاحصاء التطبيقي.

التخصصات التابعه للعلوم البيولوجية:

علم الحيوان_علم النبات_الميكروبيولوجيا_الكيمياء الحيويه_البيولوجيا الجزيئيه.


التخصصات النادره في كلية العلوم:

الرياضيات_الكيمياء_الفيزياء الاساسيه_الفيزياء الهندسيه_الجيولوجيا_النبات

(حسب شروط محدده يمنح الطالب مكافأه مالية شهريه)

ودعواتكم لي بالتوفيق ​

 

[فارسه الخيل]

الله يوووووفقج يااا غزلاااااااااااااااااان

ربي لا يحرمني منج ان شاء الله ..

ما قلتيلي انتي شنوو تخصص ولا مستجده ؟؟

 

[gzlan]

اجمعين ياااربي

مستجده

انشالله بتخصص الفيزياء الهندسيه ياااربي

 

[فارسه الخيل]

ان شاء الله ..

انا محتاره بينها وبين الرياضيات الماليه بس ان شاء الله خيــر..

 

[gzlan]

استخيري ربج

 

[كوييتيه_1980]

افااااااااا


يعني بيولوجيا جزئية موتخصص نادر ؟؟؟؟؟؟




الله يعينا بعدين على الوظيفه لايكون نقعد سنه على مانتوظف

 

[فارسه الخيل]

مو هذا اهوه الاساس ..

عشان جي انا بحول الصراحه مابي اقعد ..:$

 

[lo2ad]

بنااااااااااااات المستجدييييين لا تتوترون هالكثر انشالله كل شئ سهالات
يعني كل شئ يبيله دراسه
و التسجيل مثل مكان اللي رحتو في قدرات > القبول و التسجيل في الشويخ <

و اللي بيعرف عن مستوي الدكاتره يدش هالموقع و يسجل فيه http://www.kuniv.net/

و اللي يبي كتيبات ارشاد يروح في الكليه اللي انقبل فيها و ياخذ الكتاب من الارشاد و التوجيه

و انشالله موفقين