بنات لحقوا برودكاست بين ريلي ومرت اخوي

[ملح و سكر]

حبيبتى حاولى انج لاتمدحين ريلج جدام مرت اخوج ....
وبالعكس حاولى تطلعين مساوئها جدام ريلج ...وشوفى شيصير ....
والله يعينج

 

[miss mama]

حلووة دلعووني!!!

جان دزيتي لها من تلفون زوجج (((( اتفووو عليج احلى كلمة دلع تنقال لج )) خليها اهي وياه يحترقوووووون واهي جذي راح تنقهر وتستحقر نفسهااا وتحذفه وتحذف غيره وتحاسب الف مره قبل لاتسوي البرودكاست عشاااان تتدلع عدددددددددددددددددددل

وتالي حذفيها من تلفون زوجج ولا خايفه ماتبين زوجج يدري انج تفتشين تلفونه؟؟ مع انه والله لو مكانج اطينها على رااااسه !!


وسامحوني بنات ع الاسلوب بس هذا الحل الي يمشي لوووووووووووووووووووووووووول حل جذري من عروووقه وتطلع اهي منها سالمه - تحياتي لج صاحبة الموضووع

 

[إستبرق]

شكوو دلعونـي  روحي لزوجج يدلعج الله يعينج

 

[كويتية منسية]

حبيبتي الله يعينج
ترى كل شي يبدي بشرارة صغيرة
انا أقول تصرفي وعالجي الموضوع بسرعة ودقة قبل لا تطيح الفاس بالراس وتندمين طول عمرج

 

[الا انــــــا]

رد : بنات لحقوا برودكاست بين ريلي ومرت اخوي

يممممممممممممممممممممممممممه من الحريم ما عاد فيهم حيا


السؤال الاهم هي شلون ضافته او ضافها اكبر عيب ان المره تتبسط مع الرجال وهو مو محرم لها

الوحده حتى مع حموانها ما تطيح الميانه شلون مع زوج حماتها انا زوج حماتي ما شفته الا بالزفه والله بعدها اذا كنت عندهم وجا اهو ما اجلس معاهم هذا واهو ولد عمي بس حلاة المره بحياها

حبيبتي قومي الدنيا ولا تقعدينها مو انك تروحين بيت اهلك لا بس بيني لزوجك ان هالشي ابدا مو عادي عشان ما يتمادى

 

[دايم على البال]

رد : بنات لحقوا برودكاست بين ريلي ومرت اخوي

مسخــره ..




رووحي لـمرت أخووج بالأول كلميهــاا ..



وبعدين كلمي زوجج

 

[Deeda]

أنا ريلي ضايف أخته .. و أخته دايما تحط صور رفيجاتها يستعرضون

ذاك اليوم قلت حق أخته بغشمرة
ترى أغاااار ..لا تحطين صور جذي
و قامت تقول وييي نسيت إنه موجود و قعدت تتعذر
و غيرت مود الصور و صار كله يها

المهم .. بعد جم يوم.. ردت تحط صور رفيجاتها


قومي يا ديدا و مسكي البي بي و مسحي بن الأخت
من ورا ظهر حامتي و من ورا ظهر ريلي
من غير محد يحس

و صارت هذي سوالفهم
ريلي يقو حق أخته .. شلون أنا ضفتج
اخته ترد .. و أنا قبلت
أدش عرض.. واي قطيعه على هالبلاكبيري عبيط .. يعلق و يخرف على كيفه

و يرد يضيفها
و من باجر من تحت لي تحت أمسحها
لول

صارت لعبة


لي الحين ما طاحو علي
و عادي لو طاحو
بقول لهم بضحك جني سوية مقلب
و أرد ضحك مع حماتي شسوي فيج قلت لج أغار ما صدقتيني

يعني ما دام الحق معاي .. و الله لو أقلب الدنيا من حقي
فما بال لما أسوي حركات عيارة و بس أمسح من غير عوار راس


مسحيها
و كل ما ضافها مسحيها
و اهو بيفهم بنفسه
و إذا واجهج الحق معاج



و طبعا طبعا لازم تكونين عارفة طبيعه ريلج
إذا إنتي متأكدة إنه بيزعل بو تص زعله سوي هالحركة و جنه العيد
و إذا بيعفس لج الدنيا ليش جستي شغله وخري



تقدرين ترى تحطينها براس أخوج و جنج خايفة على صورته جدام أهلج
قولي له ذاك اليوم أسولف مع أخوي عن البلاك بيري . ولا تصدق اكتشفت إنه لو يدري مرته ضايفة شباب بيذبحها
و تصير مشاكل لي الراس

و الله حبيبي أخاف عليك و إنت غالي و لك هيبة بين أهلي مو حلوة تهتز صورتك جدامهم
احنا ما ندري عن حياتهم فلا يصير لنا ايد بأي موضوع يخرب بينهم
و إذا اهي بتخرب بيتها و تسولف مع شباب .. لا يكون لنا دخل بالموضوع



و جذي اقنعيه

 

[نور الكوثر]

شكو ضايفها واخوج اشلون يرضى

 

[Princess Lady]

رد : بنات لحقوا برودكاست بين ريلي ومرت اخوي

لا تمسحينها من تلفون ريلج >> لأن في النهايه بتصير سالفه وليش تمسحينها وليش تغارين وليش وليش

لا تروحين لمرت أخوج وتقولين لها >> ما استحت في البدايه بتستحي الحين !!!

الموووقف يبي له رياااااااال

من له حكم عليها !!!

مب أخوج !!!

قولي له

هو اللي بيوقفها عند حدها

* صح بتستوي مشاكل بس على الأقل تكون نتيجه ناجحه 100% *

 

[روحي زوجي]

رد : بنات لحقوا برودكاست بين ريلي ومرت اخوي

حبيبتي

لا تكلمين مرت اخوج ولا زوجج زوجج اصلا مايستحي بتكلمينه

الحل الامثل

اخوج

كلميه اهو الوحيد اللي يقدر عليها واما سوالف ثانيه ما انصحج فيها لان مبين مرت اخوج الله بالخير شكو زوجي بالدوام دلعوني

 

[حرم_طيار]

رد : بنات لحقوا برودكاست بين ريلي ومرت اخوي

لا تعليق

بصراحه قويه شكو الاثنين ابعض؟؟؟

 

[حتى الكره فيني]

لا تكلمين ريلج نصيحححححححححححححححححه ترى كذا تفتحينه وتنبهينه لانه غااافل

ودااايم كل ممنوع مرغوووب

مسحيها من عند ريلج واذا مسكتي تلفونها مسحيه من عندها وقفلي ع الموضوع

 

[صانعة قراراتي]

انا اقول احذفيها وماراح يدري اذا المضافين عنده كثار
واذا سالك قولي اخوي قالي خليه يحذفها وماراح يتجراء يساله ولوساله اخوج راح يقوووله نعم نعم وهو بيجيب الهوشه لنفسه وريحي راسك

 

[صانعة قراراتي]

ولا اذا مسحتيها وقال وين اضافتها راحت قولي مادري عنك ولو اضافها ثاني مره مالك الاتكلمين اخوك بصراحه شي يقهر
لو بيضيف خواتك بتنقهرين شعاد مرت اخوك لو انا مكانك كان احرق فيهم ثنينهم

 

[fatomy]

اشتبي هذي ..............لا او بعد دلعوني

حدها مسكينه

ليش ريلج ضايفها عنده ...............

 

[صانعة قراراتي]

وخدمة البلاك بيري تقهر انا وقفتها لان صديقاتي كل وحده حاطه صورتها وزوجي كل يوم مشيك على جوالي والله انقهر لان صديقاتي منقبات وحاطات صورهم مدري وش هالغباء ومره شاف صورت وحده قال هذي هي شينه مره هو يبيني عشان اقول ايه صورتها وما اقول لا بس انا اذكى منه قلت لا وين تحط صورتها خبله هذي صوره من النت مدري شعاجبها فيها لووووووووووول

 

[غمزه وإبتسامه]

كلمي زوجج خليه يحذفها وبس خرعيه بخووج انه غيوور وناار وبس

 

[●|أملي بالله كبير |●]

رد : بنات لحقوا برودكاست بين ريلي ومرت اخوي

*

قلة أدب بصصراحه ​

 

[احلى الورود]

الله يعينج بس لازم تتصرفين قبل لاتكبر السالفه

 

[manhattan girl]

شهالمصخره والله اكلم ريلي و مرت اخوي لا و اقول حق اخوي بعد اخليه بالصورة مو نايم على مخه مايدري شيصير شمايصر و انتي معاج حق مو بس تزعلين لان ماله داعي انهم يضيفون بعض شنو هالزمن وين الاخلاق استغفر الله لا لا تسكتين حبيبتي