بنات لحقوا برودكاست بين ريلي ومرت اخوي

[Mona Lisa]

الله يعينج شالوقاحه بصراحه قله ادب الله يهديهم

 

[memories*]

حبيبتي وقفيهم عند حدهم ولا تسكتين ترا الشيطان ما مات استغفر الله شصاير بالدنيا كلش ماكو حيا ولا احترام

 

[أحـلام * ورديـة]

رد : بنات لحقوا برودكاست بين ريلي ومرت اخوي

انا اقول اذا انتي متاكده روحي قولي حق مرت اخوووج

هدديها بانج بتقولين ححق اخوووج يمكن تصير ادميه

جليلة الحيا

 

[قمر^خالد]

وييع .. علمي أخووج

 

[كارلوفي فاري]

المفروض يكون في تصرف

 

[eman84]

مسحيها

 

[*سوسو ستار*]

كلمي مرت اخوج خل تبطل هالسوالف عيب

 

[الثقه عنواني]

حاولي تتفاهمين مع مرت أخووج
وان كان اسلوبها مش ولا بد وحسيتي انها قاصدتها ولا في بالها شي فالأحسن أخووج يدري عنها
ولا رااح تنضر عايله كامله من تحت راااسها
والله يهديهم يااارب

 

[فوشيه كويتيه]

امبيييييييييييييييييييه شهالمصخره هااذي انا مو متزوجه انقهرت لج حبيبتي حياتي على طوول مسحيه وروحي كلمي ريلج وعقب كلميها لا تتعدى حدودها.. خووش ((ترى ريلي مو اهني لازم دلعوني)) ههههههههههههه يديده هاذي حمدلله والشكر
اذا الحين جذي باجر شوي شوي تصير بلاوي الله يستر علينا ياارب

 

[R'3wa-P!nKya]

امبيييييييي شنو دلعني لاء لاء وقااااااااااااااااااااااااااااااااااااااااااااااحه شنو ماكو احترام لج صج قله ادب وريلج شكو ضايفها وانتي راااضيه لاتسكتييين والله باااجر يتمادون

نصيحه قولي حق اخوووج اذا يبي يذبحهم اثنيناتهم حلال عليه والله صج انتي الغلطااانه ساااكته حلوه هذي ...

 

[غلا وايل]

رد : بنات لحقوا برودكاست بين ريلي ومرت اخوي

شهل قلت الادب هذي
حبيبتي كلمي ريلج وفهمي واذا مافاد معاه علمي اخوج

وكبري السالفه

انا موقصدي بالمشاكل بسسسس لا يخرب بيتج وانتي قاعده تتفرجييين
ترا بعض الحريييم مايملوون عينهم ارجالهم

 

[R'3wa-P!nKya]

لاء لاء انا ليلحين محتره شسوي افففففففف حقيره حسافه اخوج منخدع فيها مسكين رايح دوامه ومأمن فيها واهيا اتدز دلعووني وليش واشمعنه حق ريلج يعني اشمعنه الله يعيييييييييينج

وطمنيييييناااااااا علييج وبردي جبدنا فيهاااا

 

[Mazyoona]

آمبييييه ،
وقحـــــــﮧ

 

[ريتااجي]

رد : بنات لحقوا برودكاست بين ريلي ومرت اخوي

شكو يضيفها عنده؟

كلمي ريلج الأول وقولي له انا ماابي مشاكل مع اهلي واخوي


لإن لو اخوي يدري يمكن تصير بلاوي

 

[نونو^الدلوعه]

مشكورين بنات على ردودكم وانا كلمت ريلي ترى ريلي عنده ايفون مو بلاك بيري ومرت اخوي عندها
ريلي يقول يحلف براس ولدي يقول اني والله مرات مااارد عليها يقول شسوي اهيا ادز وانا صج اشوف برودكاست ريلي مايرد عليها او مرات يرد باسلوب جاف بس اهيا الي اتتكلم وادزز فالحين شسوي اروح اكلمها اهيا ولا شنو انا من امس مو نايمه وماني قادره اتصرف

 

[ملــحْ !]

رد : بنات لحقوا برودكاست بين ريلي ومرت اخوي

شتبي هذي

> أنقهررررررت

 

[شبيهة ديانا]

المفروووووووض انج موقايله لريلج ومفتحه عيونه عليها بالعكس روحي لمرت اخوووووووج وكلميها وان ردت الى وقاحتها اشخليها وامسحيها بالارض وان عادت سوالفها فخلي اخوج هو الحل الاخير لها عشااااان تتعلم قليلة الحيا اللي ماتعرف تستحي

 

[sweet fashion]

واي شي يقهر مو بس يضايق
لاتسكتين هذا زوجج وهذاك اخوج واذا سكتي بتستغفلين اخوج المسكين
اول شي واجهي زوجج و شخطي بمرت اخوج وهدديها ان دزت شي لزوجج بتعلمين عليها اخوج وانا اقول الافضل ومن الاخر قولي لاخوج وفكي عمرج شنو هالوقاحه عمي بعينهم
هو ما خاف علي شعورج واهيا ماترس عينها اخوج حشاج هذول مالهم احترام
لاتضلين ساكته والله بتاكلينها بالاخير وتندمين وتهدمين بيتج بيدج

 

[لوولووة]

مشكورين بنات على ردودكم وانا كلمت ريلي ترى ريلي عنده ايفون مو بلاك بيري ومرت اخوي عندها
ريلي يقول يحلف براس ولدي يقول اني والله مرات مااارد عليها يقول شسوي اهيا ادز وانا صج اشوف برودكاست ريلي مايرد عليها او مرات يرد باسلوب جاف بس اهيا الي اتتكلم وادزز فالحين شسوي اروح اكلمها اهيا ولا شنو انا من امس مو نايمه وماني قادره اتصرف

واذا ايفون خل يمسح رقمها او البن اذا عنده لانه شكو مرت اخوي ريلي مسيف رقمها الحين قولي له امسح الرقم وحطي عينج عليها يمكن تقصد رفيجاتها مو ريلج ان يدلعونها بس انتي نفس ما قلت خل يمسح الرقم والبن وخلاص

 

[ياشايل الظبى]

يبه روحيلها قولى ترى مصختيها .. واذا ماطخت علمى اخوج