(( ومن أعرض عن ذكري فإن له معيشة ضنكا ونحشره يوم القيامة أعمى (124)قال رب لم حشرتني أعمى وقد كنت بصيرا (125) قال كذلك أتتك آياتنا فنسيتها وكذلك اليوم تنسى)) (126) . سورة طه
{وَمَن يَعْشُ عَن ذِكْرِ الرَّحْمَنِ نُقَيِّضْ لَهُ شَيْطَانًا فَهُوَ لَهُ قَرِينٌ، وَإِنَّهُمْ لَيَصُدُّونَهُمْ عَنِ السَّبِيلِ وَيَحْسَبُونَ أَنَّهُم مُّهْتَدُونَ}
كل اللي اقدر اقوله لج تذكري هالآيات شوفي الله شنو يقول عن اللي ما يذكرونه تصير حياتهم ضيقه عليهم!
وما يتوفقون بشي .. شلون تبين الله يوفقج وانتي تعصينه بكل وقت؟!!!
والمفروض بهالوقت تذكرين ربج ولسانج يلهج بالاستغفار والتسبيح والتهليل والتكبير والتحميد
هذا هدف الأغاني ,,, تخليج تعرضين عن ذكر الله .. وما يكون عندج وقت تذكرينه؟!
انا قبل اقول ليش الاغاني حرام اقدر اسمع وفي وقت استغفر بس لمن جربت لاحظت تناقض
لاحظن نفسي ترفض الاغاني ,, حسيت ان هالشي نفاق .. واني قلبي ما يركز ..!
اذا سمعتي الاغاني متى بتذكرين ربج؟!! فكري
تذكري كلما بتسمعين حاسبي نفسج قولي انا اعصي الله الحين شنو استفيد؟!!
وناسه دقايق ولا ربي راضي علي ولا بتوفق بحياتي!
حبيبتي دوامي عالصلاة بخشوووووع
وعلى اذكار الصباح والمساء واذكار بعد كل صلاة
وادعي بصلاتج ان الله يعينج على ترك الاغاني بتاخذين وقت عشان ينمحي كل شي من داخلج..
لإنج تعودتي بس حاولي وراح الله يساعدج ان شاء تعالى
وراح ايي اليوم اللي بتقولين فيه انا من صجي كنت اسمع أغاني اضيع وقتي الثمين بالتفاهات ..
صدقيني مع الصلاة والاذكار بتحسين ان وقتج ثميين ومراح تلقين وقت حق الاشياء الموزينه بتحسين نفسج تناقضج!
كسري اشرطة وسيدهات الاغاني
والله انا مثلج كنت البومات انزل أول بأول بلبتوبي وبسيارتي ترس سيديهات
والله على يوم قررت اقطهم بالزباله حشاج ومتحسفه على فلوس قطيتها عليهم
والحمدلله قطيتهم وتخلصت منهم وحتى قتوات الاغاني بتلفوني مسحتها كنت حاطتهم مفضله
ونسيت قنوات التلفزيون نسيتها وازف اللي يحط عليها ..
قمت اعصب اذا شفت احد يحط على اغاني بتلفوناتهم وازف اخواني اقولهم انتو تطردون الملائكه
واحنا محتاجينهم فيسكرون واذكرهم ان تشغيل الأغاني يدخل الجن واذكرهم ان من شب على شيء شاب عليه
دايما اقولهم لو على لسانكم على طول الاغاني ولو يت ساعتكم شلون بتتشهدون مراح تذكرون الشهاده
راح تذكرون الاغاني لإنكم شبيتو عليها وتعودتو ولسانكم ومخكم تبرمج عليها وهالشي غلط ...
واحنا نبي حسن الخاتمه ماندري متى نموت بأي لحظه!؟
وحتى بالسياره ماابطل هالقنوات الحمدلله اشغل وقتي بالاستغفار اغصب نفسي وتعودت والله كلما اروح مكان تنفتح لي ابواب الخير
والله قبل اقول عن نفسي منحوسه وين مااطقها عوويه
بسبب اللي سويته بنفسي اغاني ومقطعه بصلاتي ومااذكر ربي ولا اقرأ قرآن
وبفضل ربي تغيرت قلت بغير الماضي..
وانا انصحج تسوين اللي قلته
وتذكرين نفسج كل وقت بالمعصية اللي تسوينهاا تحاسبينها تراقبين نفسج
وحطي ابالج ان ذكر الله و سماع الأغاني ما يجتمعون بقلب مؤمن
...
الله يوفقج ويهدينا ويهديج ...
ان شاء الله
،،
