بنات مادري اللي يصير لي هالايام شي طبيعي اولا

[لمى الهاجري]

بنات شلونكم شخباركم هالايام الي قاعد يصير لي شي غريب ماعرف شقولكم اي شي اسوي مايصير عدل وما تتيسر اموري يعني مثلا ابي ما حار للسبوح يصير ماي حار وايد وبالمعهد خذيت على الحفة في امتحان كمبيوتر عملي مع اني دارسة كمبيوتر من قبل بالجامعة وكنت شاطرة او مادخلت المعهد وكل شي اسوي بالغصب يصير اوكي يعني يا شي ينشق او يطيح او وقت يروح ورفيجتي كنت اتكلم معاها وايد احين من كل ما تكلمني تقول لي شوي واكلمج وما نقدر نسولف وامس جبت سندويشات حق جدتي ولما كلته تقول مقثر مع انه من كوفي شوب معروف االاوبرا وعباياتي خربوهم لي الخياييط استغفر الله العظيم اللهم لا اعتراض بس ليش الاشياء تخترب عندي يالله ربي لك الحمد والله اني خايفة يصير شي عقب :eh_s(16)::eh_s(16)::eh_s(16)::eh_s(16)::eh_s(16)::eh_s(16): لاني مخلصة اجرءات وظيفة بس للحين مانادوني وخايفة ما طرشوا ملفي الله يعين

 

[لمى الهاجري]

اب اب

 

[لمى الهاجري]

وينكم مافي ولا رد

 

[granted]

عادي اتصير يمكن انتي متوترة من شي هالايام
لاتفكرين بهالطريقة ترى هالتفكير السلبي اهو السبب
الله يوفقج

 

[روحين في رـوح]

اآلــحيــآـآه صعـــبهــ ويمكن امتحان من ربناـآ لحتى يختبر صبرك للمشاكل مممممم


اعملي كلي وتوكلي على اللهـ وشو مايطلع يطلع ربنا الي بيسسر الامور والي بعقد الامور


آب آب آب
اتمنى كون ساعدت بشي


تقبلي مروري

 

[لمى الهاجري]

تسلمون حبايبي واستغفر الله العظيم

 

[رانس]

اصبري واشغلي نفسج اكثر شي بالاستغفاار

 

[كتكوته نورة]

مؤ طبيعي

 

[Lively]

سبحان الله هالشغلات مرات تصير مع الكل لا تشغلين بالج حبيبتي و لا تخلين الشيطان يوسوسلج
و تعوذي من ابليس و ان شاءالله كل شي يتعدل

 

[لمى الهاجري]

اعوذ بالله منك يا البليس وادعوا لي بالتوفيق

 

[_كلي دلع_]

الله يؤفقج ؤيسعدهآ ..

بس حأؤلي تحرصين على الاذكار الصباح والمساء واشغلي نفسج بالاستغفأر ..^

 

[عادت ذكرياتي]

عليج بالاستغفار والله يرزقج بإذن الله باللي تبينه


والدنيا دار ابتلاء


والله سبحانه وعدنا إن مع العسر يسرا

 

[لمى الهاجري]

سبحان الله وبحمده سبحان الله العظيم

 

[راقية بذوقها]

ربي يوفقك ويستر عليك راح ادعيلك مبين انك طيبة بس اوصيك بالاستغفار وقيام الليل

 

[Patcholli]

حبيبتي ان شاء الله ماعليج ومافيج الا كل خير

بس انتي رددي الايه الكريمه دايما (( تفائلوا بالخير تجدوه )) ردديها بصدق اعتقاد وتدبري معانيها وثقي بكلام رب العالمين

ترى الانسان اهو الي ييب الضيقه والعسر لنفسه مو رب العالمين ..

ونصيحه اقري سورة البقره بشكل يومي بتتيسر كل امورج ترى ماكو احسن من كل الله لحل كل المشاكلات سواء ماديه او معنويه او نفسيه

 

[لمى الهاجري]

تسلمون حبايبي واستغفر الله العظيم والحمد لله ولا اله الا الله والله اكبر

 

[ساسي تميم~]

الايه الكريمه (( تفائلوا بالخير تجدوه ))
تصحيح :-
ليست بآية انما حديث جزاج الله خير ,
الله يفرج همج ويرزقج الزوج الصالح اختي لمى ()

 

[اوتار الحياه]

الله يوفقك وييسر امورك لاتنسي قراة القران تبعث على الراحه والطمانينه

 

[fatma j]

الله يريح قلبج
عندج امتحان ومقدمه على وظيفه
واعتقد الشي هذا الي مسبب لج توتر
لا تحاتين الشي هذا طبيعي
بس لا تفكرين وايد والشيطان يوسوس لج وتخربين حياتج
حبيبتي خلي ذكر الله دايما على لسانج
واقري القران يوميا
وعسى الله يفرجها معاج
وتنجحين بالامتحان وتنقبلين بالوظيفه

 

[لمى الهاجري]

انا انقبلت بالوظيفة بس للحين ما طرشوا ملفي كلية الي بدشها عن طريق الشغل وغير هذا هالفترة ماعرف شقول لج اموري تعطل كل ما ابي افتح شي او اسوي شي بالغصب يصير اللهم لا اعتراض مثل ما تقوليم منحوسة ادعيلي بالتوفيق