بنات ما عليكم امر عندي مشروع.....بس بليز لحد يضحك علي

[غربــــة اِحساس]

اشارك بمجموعة قمصان نوم بعدين يدزولي رسالة ادارية انتي مو عضوة يمسحون مشاركتي

عشان تعرضين بضاعتج لازم تكونين مسجلة بعضوية تاجرات كويتيات

روحي قسم المول وشوفي الاجراءات

 

[ام يوسف الكويت]

صح كلام الاخت اللي انصحتج وازيد على كلامها..

ان اذا تبين اتاجرين بالخرفان لازم اتييبين خروف لكل اربع خروفات (خروفات مؤنث خروف) هههههه ما اعرف المؤنث

المهم

يعني اذا بتييبين 10 خروفات =====> ييبي لهم خروفين عشان يلقحونهم

يعني 2 ذكر =====>> حق 10 نثيات (كافي ) لتكوين انتاج جديد :eh_s(6):

واذا ولدت الخروفه ======> بيعي الخرفان الكبار + الخروفات اللي ولدوا وخلي عندج اللي توهم مولودين


وانطري علي الخرفان الصغار 6 شهور وبعدها يقدرون يحملون وييبون لج انتاج يديد

يعني دورة تكاثر الخرفان كل ست شهور



اي خروف صغير يقدر يلقح ويتكاثر بعد ست شهور


وظلي على هالحال


اذا ولدوا الخرفان بيعيهم وخلي عندج اللي توهم مولودين وانطري عليهم ست شهور لمن يلقحون بعض ويولدون واتبيعينهم واتخلين المولودين وجذيه .....الخ



فهمتي ياقلبي؟؟



ولازم يكون عندج وانيت مثلما قالوا البنات

حق نقل العلف + اذا بعتي خروف لازم تنقلينه بالوانيت يعني موكل شوي بتأجرين وانيت؟؟؟


والوانيت النيسان المستعمل بيكلفج اقل شي 400 دينار =\


بالاضافه الى الكلام اللي قالوه الخوات من تطعيم وغيره




انا فكرت اخلي زوجي يتاجر بالخرفان بس هوونا لانها شغله متعبه ههههههه




موفقه

 

[life1]

الي فهمته منج انه الخرفان يبلغون بعد 6 اشهر من الولاه......اشوي

المهم انا رفيجتي كانت تبي تتاجر بس بالقطاوه ولكن بالغلط شرت اخو ويا اخته عشان جذي الظاهر عرفوا القطاوه انهم اخوان وما تكاثروا

تهجين نفس الشي بالخرفان

اننزين اشلون بالنسبه للترخيص من البلديه ............

الوانيت يزاج الله خير فدتيني بس مو جنه شوي 400 يعني شكله سكراااااب

بس الي كاسر عيني المكاااااان وين احطهم.؟.؟.؟.؟.

 

[life1]

وشرايكم اشتري الغنم بايام الرخص على ما الحق اخليهم يتكاثرون ويييي وقت الغلا و ابيعه

 

[Ms. luxury]

ردي على الأخت اللي اسمها لانجري ..حبيبتي لازم تحولين بحساب مديرة المنتدى 25 دينار للسنة الكاملة وبعدين ترسلين لها صورة من وصل الدفع وبعدين يفعلون عضوية التجارة عندج ..روحي قسم المول تلقين موضوع مثبت هناك عن إذا تبين تصبحين سيدة أعمال فيه شرح وافي ورقم الحساب ..والسالفة سههههههلة بس توكلي على الله
أختي لايف1 فكرتج زينة إذا شريتيهم أيام الرخص ..واستخيري ياحبي ..موفقة

 

[Goth-Girl]

حبيبتي فكرتج حلوة ب150 ما تييب الا خروفين بس!
على الاقل يبيلج 300 راس ويبيلج تأجرين حوطة اتحطين فيها الغنم + الراعي + الاعلاف

 

[ام يوسف الكويت]

الي فهمته منج انه الخرفان يبلغون بعد 6 اشهر من الولاه......اشوي

المهم انا رفيجتي كانت تبي تتاجر بس بالقطاوه ولكن بالغلط شرت اخو ويا اخته عشان جذي الظاهر عرفوا القطاوه انهم اخوان وما تكاثروا

تهجين نفس الشي بالخرفان

اننزين اشلون بالنسبه للترخيص من البلديه ............

الوانيت يزاج الله خير فدتيني بس مو جنه شوي 400 يعني شكله سكراااااب

بس الي كاسر عيني المكاااااان وين احطهم.؟.؟.؟.؟.

انا سألت زوجي عشانج هههههه

يقول مو لازم ترخيص من البلديه عادي اعمال حره :eh_s(6): لان ماعندج محل ولا ياخور عرفتي فا مولازم ترخيص


ثاني شي ...همن بعد سألت زوجي عن الوانيت يقول اذا وانيت نيسان الابيض موديل قديم ب 400 دينار
اما اذا شوي ايدد وانظف ب 600 دينار


واذا على المكان ===> حطيهم بحديقت بيتكم سواء بيت اهلج او بيت زوجج
او حطيهم بالحوش



انتي كبدايه ييبيلج ذكر خروف و3 نثيات وهوا راح يلقحهم بإذن الله


-- ايه ياقلبي الخرفات يبلغون كل ست شهور وبعدها يقدرون يلقحون ويحملون :eh_s(6):


موفقه ياحبيبتي :ggdw:

 

[أميرة]

الصراحه ماكو شي اقدر اقوله عقب كلام الاخت ::: شهيروو



فعلا كلامها صح ونصيحتها حلوة>>>>>>>>>بارك الله فيج عالنصيحه


وعسى الله يوفقج ولاتنسين اذا بلشتي تجارتج تراني شرايه

 

[viva la glam]

تم التصويت

 

[^_^ حوراء ^_^]

الخرفان يتزوجون ؟

 

[life1]

حبايبي ما قصرتوا وياي عسا الله يتقبل صيامكم وسائر اعمالكم الطيبه

 

[SaD FaCe]

احس وايد صعبه فكرتج ..

 

[Matilda]

حبيبتي الهامستر نوع من الفيرااااان عدل؟؟؟

تتوقعين ماشي بديرتنا...؟

اي اهو فار امريكي لونه ابيض وفي واحد لونة رمادي ومخطط
والله اتوقع ماشي لانه اخوي كان يبيعهم بسوق الجمعة وحتى مايكلف اشتري قفص وقش واكلهم بالجمعيات فواكة مجففة ومكسراتهم بس الله يعينج على ريحتهم حطيهم بغرفة بروحهم وديربالج لا يطلع واحد من القفص والله يقرم قنفاتج

 

[baby johnson]

موفقه حبيبتي

 

[kuwaitya_zoGaa]

حبيبتى اذا تبين شورى ...

اول شى صلي استخاره ...

ومبلغج صغير مو كبير ... ولازم تحطين ابالج مصاريف اكلهم وبيطري وعفسه ...

ورعايه خاصه ... ولا تنسين انج بنت فصعبه تسويقهم ...

ولانه مبلغج صغير اظمن لج الذهب اخذى لج جم سبيكه وخليهم ومامنهم خساره وراس مالج محفوظ ...

 

[dalal art]

حبيبتي نصيحه دايما يقولها ابوي الله يطول عمره وهو تاجر والله يزيده من نعيمه
وهي انه الذكي لازم تكون بضاعته وتجارته
1- ليس لها عمر معين يعني طويلة الامد يعني ما تمووووت
2-والبضاعه تكون ما تستهلك يعني لا تحتاج طعام وماء​

وعلى راااااااااحتج والله يوفقج اختي

 

[life1]

عدل كلام ابووووج الله يحفظه...الذهب زين بس ما اعرف متى ينزل و يرتفع المواقع الي بالنت ما اافهم عليها...

والذهب عالعموم ما يصعد و ينزل وااايد ينعي الفرق 10 دنانير على 100 دينارمو شي اللهم زيدها من نعمه

 

[HAD.Lavender]

life 1 فكرتج حلوة و الله يوفقج ان شاءالله
و اذا نويتي عليها عندي المكان و راسليني عالخاص اذا حابة

 

[الزهرة الخضراء]

فكرة حلوة بس متعبة

 

[أغلى الأثمان]

مرحبا
اولا انا عندي شخصين واحد فشل بالمشروع واحد نجح بالمشروع
والناجح متوارثها وعارف اصول اللعب عدال
والفاشل سمع الناس يتاجرون يالغنم وتجار مربح وغامر بدون تخطيط
والسر يبيلها مجابل ويبيلها صبر
وتخطيط عدل حتى لو كلفه هذا التخطيط شهور
المهم في التجارة
1 تصلي صلاة الاستخارة
2 تحسن الظن بالله
3 تتفائلين وتكونين ملمة بالموضوع جيدا
4 تخططي وتعملي دراسة جدو
وشكرا ولاتنسي الدعاء لي بالتوفيق