بنات متوهقه اخذ ولدي والا لا؟؟؟؟

[أحلى الجياكر]

الصراحة ..بو سنتين مو مال سفر و تنقل ...
اول شى ..ما يقعد و يلبق بالطيارة ....
ليلحين ما تقدرين تشغلينه بشى ( تلوين - بى س بى ..)
الأكل لج عليه ..
النومة مو مضبوطة عدل ...يعنى يبى ينام الظهر او يدوخ مبجر ..
والسفر مع خادمة ........اقعد بالكويت و لا اسافر مع خدامة ..

بعدين 20 يوم تقزر ترا ..خليه مع خدامته عند امج و توكلى على الله ...خاصة اذا ريلج مو من النوع الى يساعدج

 

[رفرف]

انا سافرت مع بنتي عمرها سنتين .. وشهرين بالضبط ..
كلش كلش ما أذتني
بس انا ماخذه احتياطاتي مثل ما قلت لج سناكس وعربانة وديفيديات ولابتوب ..

حتى السنة قلت ماني مسافرة بنطر بنتي الثانية تكمل سنتين وبسافر معاهم السنة الياية اذا الله كتب لأن هالعمر يفهمون ويستانسون وما يأذون ..

 

[ام البندري 12]

طمنتيني يا رفرف مشكوووووووووووووره ياعمري

 

[tofy]

انا توني ياية من السفر وكنت ماخذة ولدي معاي وعمره اسم الله عليه سنتين

الصراحة اذاني وطفرني بس قلبي مرتاح وما احاتيه جدام عيني وانا مجابلتة

بس انا متعودة على شغل ولدي مع انه عندة خدامتة بالكويت بس انا الي اغير له واوكله يعني مو معتمده عليها

فبالسفر عادي ماتفرق معاي بس إذا مو متعودة تغيرين حق بنتج وتوكلينها وتنومينها هني بتحسينها صعبة وبتملين

 

[اميرة الدلع]

حبيتي اخذية احسن عشان ماتحاتينة وبالعكس حلللللللوة السفرة مع عيالج ااستخيري واللة يوفقج

 

[MZajEyA]

انصحج خليه عند احد من اهلج لان بياذيكم يحن او يبجي او يوعان او يبي حمام
خلج خفيفة مع ريلج تستانسون صج انج راح تشتاقين له بس هم ميخالف اهون من السفر مع ياهل
و دير بالج تاخذين خدامة قطع تظل مبطلة عيونها عليكم و عليج و ماتاخذين راحتج و تبتلشين فيها

 

[malekatsabaa]

انا مره سافرت مع ولدي بهالعمر..

اففففففففف غثا...الله يحفظه خليه عند اهلج مرتاح وروحي غيري جو

تر الياهل حيل متعب في السفر واحس انه مايكون مستعد الا بعمر الاربع سنوات..

 

[lolO29]

انا ما انصحج كلش تاخذينه لانه بتسافرون كذا دوله راح تتعبين خليه عند اقرب شخص لج

 

[أم بدوووري]

حبيبتى انا كنت مسافرة مع ولدى دبى ذبحنى دعله ولايقهم كان عمره سنتين بس السنه اللى طافت اخذته دوله اوربية بس كان عمره 2 ونص بس كنا قروب اهل ساعدونلى عليههههه بنات اختى اللللله يخليهم

 

[أم بدوووري]

سورىىىىىى عالبدليات

 

[فطفط نجد]

حرااام عليج اخذية يقطع القلب تكفى لااااتخلينه

 

[حبـــاري]

اشدعوه ما لا داعي للخدامه انا سافرت مع ولدي للامارات و كان عمره نفس عمر ولدج خذيناه معانا كل مكان و نضمنا الطلعه بيناتنا

 

[دنيا رديه]

والله نصيحتي لاتاخذينه خليه عند امج

 

[أميرة الحزن:)]

انا انصحج لا تاخذين ولدج معاج حطيه عند اي احد ترتاحين له

 

[cat_q8]

أنصحج لاتاخذينه بتأذين والله

 

[صباح الخيرفي كل الأوقات]

شوفي حبيبتي السفر مع الياهل ابو سنتين عادي بالعكس يمكن بعد يعطي السفره جو اسري حلو وذكريات حلوه خصوصا اذا كان ريلج من النوع الحنون اللي يحب عياله ...بس الياهل ترى راح يتأذى شوي خصوصا اذا كانت الرحله لكذا ديره او الرحله طويله وبعدين ترى الياهل توه صغير يعني ما يعرف للسفر ولا الخرابيط هذي
بس اذا كان ريلج من النوع العصبي واللي ماله خلق لليهال وحوستهم وصراخهم وما عنده صبر فالافضل لك وللياهل انك تخلينه عند امك
نقطه ثانيه : اذا هاذي اول مره تسافرين فيها مع ريلج فاعتقد من الافضل انك تسافرين بروحج ...استمتعي وسويلك شهر عسل ثاني معاه ولا حقين على لويه السفر مع اليهال

 

[جوجو.]

اخذيه معاج حرام