بنات متى اولد؟ بليييز دشو ساعدوني مع اسألتي

[انثى الكويت]

قوه بنات شخباركم

بنات انا حامل ببجر اوكي وادعولي الله يثبته

الحين بنات بتاريخ 19\1 سويت تحليل الهرمون قالي انتي تقريبا حامل باسبوعين اسبوع وشي يعني ما طفت الاسبوعين والصراحه اذكر اخر موعد دوره بشهر 12 الي طاف جذي بتاريخ 22 و 23 شي جذي

بس انا حاسه انه باخر جماع صار الحمل مادري انا احس بتاريخ 9\1 صار الحمل

يعني الحين اتوقع متى اولد شهر 10 الحمل صار بشهر 1

وبنات انا مقرره اروح حق دكتور مصطفى تومسو بدرا الشفا لان اختي ولدها من قبل وعجيب واهو محترم وشاطر وفاهم وانا احب هالمستشفى ارتاح له


بس بعرف بنات شنو الممنوع من الاكل والشرب يقولون الفلفل والقهوه انا للحين ما تثبت

متى يثبت بعد شكثر؟


امبيه ماعرف شي كلشششششششششششششششششش

بنات ابي رجيم حمل اي دكتور تنصحوني

وشنو الحبوب الي لازم اخذها ولا شي اعرفه

البس كعب ولا لاء ؟

عندي عرس قريب عادي ارقص ؟ لوووووووووووووووووووووول

ترى صج ماعرف شي ​

 

[ام أحمدووه]

رد : بنات متى اولد؟ بليييز دشو ساعدوني مع اسألتي

حبيبتي الف مبروووووك وعسى الله يثبتلج الحمل يارب
اول شي لازم تراجعين عند الدكتور ويقولج متى موعد ولادتج بأذن الله على حسب اخر دورة .. وعلى حسب كلامج اذا اخر دورة لج 23/12 راح يكون موعد ولادتج تقريبا 29/9/2011 بأذن الله

يعني انتي الحين بالاسبوع الرابع يعني صارلج شهر حامل

بالنسبة للجنين يبدا النبض بعد 40 يوم
بس الحين مايبين غير جيس الجنين بالسونار
والدكتور راح يكتب لج حبوب طوال فترة الحمل ...انا اخذ بريقنابلان ممتاز ومن الشهر الرابع تاخذين معاه كالسيوم لي موعد الولادة
اما الكعب العالي حرام لاتلبسين...يعور ظهرج واحتمال يأثر عالحمل
وبالنسبة للرجييم ترى اول 3 شهور المفروض ماتزيدين عادي لاتحاتين ...خلي اكلج صحي وكثري خضار وفواكة
اما عقب تقدرين تسوين رجييم حمل عادي...بس بصراحة انا ما انصحج خلج معتدلة وانشالله عقب الولادة يصير خير
بالنسبة لدار الشفا ماعندي فكرة ....انا اراجع دكتورة معصومة مخصيد واحبها وهي كانت دكتورتي على ولدي تهبل عسسسسل وناوية انشالله اولد برويال حياة


اي سؤال ثاني حبوبة حاضرين لج ياحلوة

ومابي منج الا الدعاء ياااااارب الله يسهل علي ولادتي ويرزقني بالبنوتة الصالحة بصحة وعافية يارب

 

[ام أحمدووه]

رد : بنات متى اولد؟ بليييز دشو ساعدوني مع اسألتي

بالنسبة للأكل يستحسن انج تبتعدين عن الفلفل والمنبهات بكثرة
اذكر دكتورتي قالت لي لاتاكلين جزر ولا كبدة اول 3 شهور مو زين وعقبها عادي

 

[انثى الكويت]

رد : بنات متى اولد؟ بليييز دشو ساعدوني مع اسألتي

مشكوره ام احمدوووه

انا اول يوم دوره كان 23 تقريبا

بس انا سويت فحص الهرمون قالي ما صارلج اسبوعين ما طقيت الشهر بعد

شلون الحين

 

[ام عمار]

ابعدي عن الشاي والقهوة يعني كوب واحد في اليوم وطبعا الفلفل والاملاح

وربنا يثبت حملك ويرزقك بالذرية الصالحة

 

[الصعيريه]

رد : بنات متى اولد؟ بليييز دشو ساعدوني مع اسألتي

أم أحمد كفت ووفت
وبالسونار يبين متى موعد الولاده
والله يتمم لج على خيير

 

[انثى الكويت]

رد : بنات متى اولد؟ بليييز دشو ساعدوني مع اسألتي

بنات بليز ساعدوني اليوم نزل دم علي بس مو وايد شوي ودم مافيه كتل ولا شي


بنات رحت مستشفى الولاده وريت الدكتوره تحليلين واحد مال احمل والثاني مال الهرمون


تقولي يمكن موعد دورتج ؟؟؟؟؟؟؟؟؟؟؟؟؟؟ شلون دوره وانا حامل وتحليلين يثبتون هالشي


الزبده قالت لي تعالي يوم الاحد سوي تحليل الهرمون من الصبح عشان شنو يبين اذا فيه حمل اذا ارتفع نسبه الهرمون قالت اني حامل واذا نزل مستوى الهرمون تقولي هاذي دوره شلون دوره ومتاخره اهيا علي اساسا 4 مادري 5 ايام واصلا الحمل يبين من اول يوم


شالحجي شالخرابيط والله ضايق خلقي صكت الدنيا فيني


منو صار لها هالشي بعرف الحين مو قادره انام


شنو الحل اخذ مثبت حمل تقولي الدكتوره يمكن دوره وجذي بس ارفع لج الدوره ؟



شنو شنو شنو صاااااااااااااااااااااااااااااااااااااااااااااااار :23_asmilies-com:​

 

[eman84]

الله يثبت حملج ياااااارب وماعندي فكره والله

 

[tmtmt]

http://www.tabeebe.com/doctor/general/calculate.html

حبيبتي دشي الموقع وان شاءالله يفيدج تعرفين موعد ولادتج ...

ثاني الشي الممنوع بعد
اللحوم البارده

الهوت دوج والمرتديلا
لازم تحطينهم بالشوايه المهم تسخنينم ما تاكلينهم باردين ...

والكعب طبعا لا لن ظهرج راح يعورج اسم الله عليج

وبالنسبه حق اخر شي
والله مادري مابي اقولج شي يضيق خلقج ولا ابي اقولج شي وتتاملين

الله يثبته يارب ويطمن قلبج

 

[انثى الكويت]

رد : بنات متى اولد؟ بليييز دشو ساعدوني مع اسألتي

والله بنات ما قصرتو

مشكورين على المرور والنصايح

بس شكله بيضيق خلقي صكت فيني الدنيا مو قادره انام وضاق خلق ريلي والله شسوي

الحمدلله على كل حال

الله يثبته يارب