حبيبتي برد عليج لانج اغريتينا بالدعـــــــاء:eh_s(6):
ربي يعطيج ويعطينا وما يحرمنا
اول ما تروحين الدكتور يعطيج دوى او ابر تحت الجلد تستعملينه لما تييج الدوره تهيئ
لبويضه وثاني يوم يبدي معاج الابر وبعد اسبوع يسوي سونار ويشوف حجم البويضه اذا تحتاجين ابر اكثر وطبعا معاهم حبوب واسبرين وكل دكتور ادويته
المهم كل الابرما
يتعدى 12 ابره يوميا تاخذينهم وهم على حسب هرموناتج ابره وحده او 2 باليوم ويخلطون كذا نوع بالابره الدكتور يحدد هالشي بعدها
لما يسوي الدكتور مره الثانيه سونار ويشوف
البويضات وانهم وصلوا للحجم الطبيعي يعطيج ابره تفجيريه لا تخافين اسمه يخرع :eh_s(6):
بس هو الي يطع البويضات من الكيس ويعدها
بيومين تقريبا يعطيج موعد بالمستشفى
انتي وريلج ياخذون من ريلج عينه منه
وانتي تحت تخدير عام يطلعون البويضات ما كو عوار بس بعد العمليه تحسين بطنج جنه داش فيه هوى مع المسكنات يروح ويدقون عليج بعد يومين يبشرونج ان شالله انهم تلقحوا
وتروحين يرجعونهم وبدون تخدير
ما كو عوار نهائيا جنه فحص عادي وتشوفين عند بشاشه السونار
شلون البويضه تدخل الرحم احلى لحظه هذي ودعي بسم الله مجراها ومرساها
ويخلونج نايمه شوي وتروحين البيت وترتاحين اسبوع او اسبوعين ويعطيج تحميل او حبوب مثبته
لما موعد تحليل الدم
وتطلعين يااارب حامل ويذوقج ربي احلى طفل او اتوام يملون حياتج وحياة كل مسلمه محرومه
بالتفصيل بس ابي الاجر ربي يتمم عليج وعلينا
