بنات ممكن طريقة توخر الزفر من الربيان + حمسه حلوه حاره !؟

[photoshopia]

السلام بنات طلبي واضح بليز خاطري اتفنتق لاهلي وخصوصا امي بطبق ربيان حلو ابي يكون شكله ياباني
يعني قصدي مثل جذي .. :

والطلب الثاني شلون اشيل الريحه الزفره منه ..

 

[بـ سـ كـ وتـ ة]

بعد ماتقشرين الربيان وتشيلين الخيط الأسود

يتبليه بعصير ليمون وبصل وثوم مبشورين وتقدرين تضيفين خل أبيض إذا تبين

بالهطريقة ضمنتي إن الزفرة راحت

حمسي تقريبا بصلة وحدة مقصصة بالطريقة اللي تناسبكم (آنا وريلي ما نحب البصل فأحطه مفروم عشان ما يبين)

حمسيه على نار هادية على راحته عشان يتحمر وما يحترق وفص ثوم مهروس أو مبشور وأهم شي زنجبيل مبشور

لما يتحمرون حطي علب واحد فلفل مقصص

ضيفي الربيان وشوية كركم وفلفل أسود وفلفل أحمر

بعدين حطي كازو وحمسيه معاهم عدل

وآخر شي ضيفي الصلصة (بطاسة خلطي صلصة صويا العادية - ونص مقدارها صلصة الصويا المعتدلة - وشوية نشا - وجم نقطة زيت سمسم) خلطيها عدل وضيفيها عالربيان وحركيهم بدون ما تفتتين الربيان ونطري الصلصة تثخن شوي

ملاحظة: الكازو إذا تبين نقعيه قبلها بيوم عشان يصير لين
وطبعا تقدرين تلعبين بالمكونات وتضيفين خضار مفيوحة بروكلي وجزر وغيره حسب الرغبة

وبالعافية ان شالله

 

[moors]

نظفيه عدل وفركية بشوية طحين وليمون وبعدين خليه اشوي وغسليه مره ثانيه

 

[جارة القمر]

تفضلي طلبك::

http://www.q8yat.com/t566879.html



http://www.q8yat.com/t686752.html


http://www.q8yat.com/t701312.html



http://www.q8yat.com/t416400.html