السلام عليكم خواتي . .
آنا من سكان منطقة العقيلة قطعة 2 ( بيتي قريب واااايد من قسايم الأمريكان والجسر الميت . . )
شريت بيتي قبل سنة ونص . . وبيت أهلي بغرب مشرف . . وكل خواتي ساكنين بالديرة . . اللي ساكنة بجنوب السرة واللي بغرب مشرف واللي بالشعب بس آنا أصغر وحدة فيهم صار نصيبي بالعقيلة . . وهذا بسبب ارتفاع الاسعار الغير طبيعي . . !! وبالنسبة لي أول ماشريت البيت كانت نفسيتي تعبانة ليش آنا مو مع خواتي وأمي . . وعقب شهرين تقريبا بديت أتأقلم على الوضع . . وبديت أحب المنطقة واتعود عليها . . واشوي اشوي . . صارت منطقة العقيلة أقسم بالله من أروع المناطق بعيوني في الكويت . . وااايد حبيت بيتي وحبيت هدووووء العقيلة . . وتصميم شوارعها . . و قربها من المراكز التجارية. . والأسواق . . والمطاعم والصيدليات وكل شي وأهم شي قرب بيتي الشديد من . . البحر . . آنا كل يوم لم اروح دوامي أمر على البحر . . دقيقة بالضبط يبعد بيتي عن البحر . . !!! وهذا الشي وااايد عاجبني وبالنسبة للخطوط حطينا خط التليفون عقب شهر من سكنا البيت عادي ..وحتى الماي واصل مو تناكر عقب اسبوعين من سكننا البيت وبالنسبة للمجمع راح يفتحونه شهر 12 الياي هذا اللي سمعته من زوجي لآن صديق زوجي دكتور ومعطينه عرض يشتغل في عيادة في مجمع البيرق شهر 12 . . وسمعت ان فيه محلات ومطاعم وسينما . . والله العالم بعد . . وأتمنى لكم التوفيق يابنات العقيلة سواء اللي ساكنين بإيجار أو في بيوتهم وبالنسبة للايجارات آنا عندي شقتين مأجرتهم فوق على 300 وطبعا هذا قبل سنة أما ألحين مستحيل أقل من 350 بس طبعا عليهم بالعافية خوووش ناس. . وبس عساكم عل القوة حبايبي . .
وعندي لكم خبر (( ترى بيت الفنان طارق العلي بالعقيلة ق 2 وقريب من بيتي وراح أدز له خبز عروق برمضان . .!!))
صرت أتحلم فيه ناطرته يبطل 
