بنات منو تعرف عيادة خاصة تعالج الصداع النصفي

[شهرزاد الحكاية]

بنات تعرفون عيادة تعالج الصداع النصفي لاني محتارة اي طبيب ممكن يعالج الصداع لان المسكنات الطبيعية مو قاعدة تفيد ...
ومشكورين مقدما للي يردون ...​

 

[.:!:. ونس .:!:.]

ماتشوفين شر
ان شاء الله البنات يفيدونج

up

 

[غلاتي ♥ الكويت]

اي والله انا بعدابي فيني صداع نصفي ودايما احس الدنيا تدور فيني

 

[شهرزاد الحكاية]

مشكورين بنات ماقصرتوا ...

 

[أم جوري]

رد : بنات منو تعرف عيادة خاصة تعالج الصداع النصفي

يمكن عندج فري الراس .. ومحتاجة صبخة ..

 

[الشامريه]

انا سويت حجامه حق الصداع مانفعتني بعد اسبوعين ردلي الالم

والحين مرتاحه على بنادول sinus

 

[شهرزاد الحكاية]

اي انا انصحوني بالحجامة فكرت فيها بس خفت والله

 

[بشاير السعدون]

والله انا ابي بعد عيادة اللي تعرف
الله يجزاها خير واللي تعرف وحدة تسوي فري الراس
ما تقصرون بنات ومشكووورين لاني متعودة على الابر حق الصداع

 

[كلي تفاؤل]

رد : بنات منو تعرف عيادة خاصة تعالج الصداع النصفي

الدكتورة اسمهان الشبيلي رئيسه قسم الاعصاب بمستشفى ابن سينا وعندها عياده بس اللي سمعت انها غيرتمكان عيادتها بس مو متأكده ..طبعا الدكتورة قمت في الاخلاق والمعامله الحلوة مشاء الله عليها وتطمن المريض ماتهول الموضوع رحت لها قبل فتره عشان خدران بخدي وقريت بعيادتها انها تعالج الصداع النصفي .....

نبذه تعريفيه عن الدكتورة لقيتها بالنت وماتشوفون شر


عيادة الدكتورة
أسمهان الشبيلي
استشاري أمراض الجهاز العصبي

علاج وتشخيص أمراض الجهاز العصبي
الصداع النصفي والتوتري .
الجلطات الدماغية .
تصلب الأعصاب المنتشر M.S .
الزهايمر وضعف الذاكرة .
التهاب الأعصاب الطرفية وضعف العضلات .
الآلام المزمنة .
اضطرابات النوم .
الصرع والتشنجات .
مرض الباركنسون ( شلل الرعاش ) .
مضاعفات السكر .
الحركات اللاإرادية
عيادة البوتكس ( BOTOXCLINIC )
أول عيادة متخصصة في الاستعمالات المختلفة للبوتكس في الكويت
علاج الحركات اللاإرادية للوجه والأطراف .
توتر عضلات اليد أثناء الكتابة .
آلام الرقبة والكتفين المزمنة .
التعرق الزائد الإبط والأطراف والجسم .
زيادة الدموع المصاحبة لشلل الوجه .
زيادة إفرازات اللعاب .
تصلب العضلات المصاحب للشلل الدماغي والجلطات الدماغية .
توتر الاحبال الصوتية .
علاج صداع الشقيقة والصداع التوتري .
آلام العضلات المزمنة ( Fibromyalgia ) .

** تتوفر خدمة تخطيط المخ والأعصاب والعضلات ** علاج التهاب الأعصاب الطرفية بالأشعة تحت الحمراء


السالمية - ق 12 - شارع أبو ذر الغفاري - عمارة رقم ( 3 ) بجانب مستوصف الأنصاري الطبي
الدور الرابع - شقة ( 8 )
للحجز تليفون : 25654251 - فاكس : 25628756

 

[شهرزاد الحكاية]

مشكورة وايد اختي كلي تفاؤل والله يجزاج كل خير ...
بس شرايج بالدكتورة زينة ؟
تسمع وتتفهم؟

 

[فديت رزته ياناس]

اب
اب
اب
لعيونج

 

[وعد2006]

حبيبتي انا عن نفسي رحت حق ام خزنه اللي تسوي صبخه حق الراس و رحت حق المداويات الشعبيات و كله خرابيط ما ستفدت كلش وكنت ابجي على طول من الالم يعني ما اتحمل الاضاءه ولا الصوت والله لا يوريج شنو يصير فيني اذا صعدت السلم فلاشات ونبض قوي براسي وكنت اكل كل انواع البندول و البروفين و البونستان و ماكو فايده فجأه وآنا مع زوجي كنا نتمشى بالسالميه قالي خنشوف العيادة و ماراح نخسر شي كنا في عيادة مونتانا كلينك و كان الدكتور طه حسون و عطاني ادويه ممتازه بمعنى الكلمه و هو الحين انتقل مادري وين بس تقريبا دار الشفا اسئلي عنه و عسى الله يشفيج

 

[غلاتي ♥ الكويت]

اب
اب
اب
خلونا نستفيد اكثر

 

[شهرزاد الحكاية]

مشكورين بنات ماقصرتوا وعسى عمركم طويل يارب ....
اختي وعد انا طرشت لج رسالة على الخاص ...بس حبيت اعرف ...د. طه حسون تخصصه شنو بس عشان أسأل عنه بالمستشفى ...
ومشكورة مقدما ...

 

[كلي تفاؤل]

رد : بنات منو تعرف عيادة خاصة تعالج الصداع النصفي

اجمعين يارب ..انا اللى نصحني فيها دكتور كنت عارضه حالتي عليه وقالي روحي لها لا تروحين الحكومه يلعوزونج ...

للأمانه الدكتورة هااااديه وتسمع كلامج لييييين تخلصين بعدها تسللج اسأله معينه ...حبوبه وطيبه ولو ماهي شاطره ماصارت رئيسه قسم ...انتي صلي استخارة وشوفي ...الله يشافيج وجميع المسلمين يارب

 

[فله]

ماجربتي الصبخه

 

[جهراء]

دكتور نوبل الي مركز الضامر بالجهرا انا عالجت عندة الشقيقه والله يجزاه كل خير صارلي مدة ما اشكي والحمد الله

 

[Angelic-eyez]

جربتي طاقة الريكي؟
اسهل شي تعالجينه بالريكي الصداع