بنات منو حاطه او كانت حاطه تقويييم *دمج*

[miss_avocado]

رد: بنات منو حاطه او كانت حاطه تقويييم ؟

انا حطيته بالاميري 3سنين ثابت و سنه ونص متحرك عادي مايعور إلا وقت الشد و لعبت لعب كليت كلشي و كل مره اروحله مكسور شي هههههههه لين دكتوري مات (الله يرحمه ) اذكر توني راده من السفر ورايحتله والله بجيت انا وياه عشرت عمر و كان مواعدني بشيله حقي لان مليت منه اخر شي شلته على مسؤوليتي و تحسفت
المتحرك الف مره ضيعته لين قالولي اذا ضاع مره ثانيه لاتين ماراح نسويلج
عاد الحين انكسر شكلي بروح اسويه بخاص و افتك
واللي تقول اسنانها ردو مثل قبل اهم مايرجعون مثل اول مره لا بس يتحركون شوي كل رفيجاتي صار معاهم جذي و انا بعد بس مايفرق واايد
حبي سويه وانتي مرتاحه ترا الاسنان تحلى الوي و تخربه كفايه الابتسامه بالصور و الله انا كل ما اصور تلاقين ابتسامتي شقاقيه هههههه
ادري قرقت واااايد سوري واي سؤال انا حاضر

 

[لوالو_q8]

رد: بنات منو حاطه او كانت حاطه تقويييم ؟

ويي الله يرحمه انشالله بحط والله شحعتوني كنت حدي خايفه ومتردده

اي صاجه يغير الويه كله

 

[لوالو_q8]

رد: بنات منو حاطه او كانت حاطه تقويييم ؟

بنات لو سمحتو
في مركز و مستوصف حق العصب بالرميثيه حولوني عليه
وين صاير بضبط ؟؟؟
لاني مادل

 

[TuTTi^FruTTi]

رد: بنات منو حاطه او كانت حاطه تقويييم ؟

دكتور علاء بدار الشفا يهبل تحسفت اني ماحطيت عنده وحطي وتوكلي على الله ترى مايعور وايد عادي

 

[.MiNi.]

رد: بنات منو حاطه او كانت حاطه تقويييم ؟

انا وحده منهم .. حطيت تقويم و ظل معاي يمكن سنه ونص او سنتين ماذكر والله .. وبعدها المتحرك

صج الاسنان تطلع تهبل بس المشكله اللي صــارت معاي نفس احد الخوات ..

صــارت معاي فتحــات بين اسنـاني .. والحين ماني عارفه شنو اسوي .. !

صج ان اسناني مافيهم شي .. بس الفتحات مضايقيني

دكاتره يقولولي اسنانج الداخليه مافيهم شي .. واذا ركبتي مره ثـانيه راح يختربوون

ونـاس يقولولي سوي حشوات تجميليه و يتسكرون الفتحــات .. وانا الضــايعه بينهم

بس نصيحه .. المتحرك لا تقطينه .. حاولي انج تلبسين .. لان اهو بعد مهم في تعديل الاسنان !

انا جم مره ضــاع مني و جم مره انكسر لما سافر دكتوري القديم .. ومحد رضى يسويلي

والحين محــتــاره

وبالنسبه للعوار ال ماتركبينه لانج مو متعوده عليه .. وكل مره يشده لج شوي تعورج اسنانج

ووو بس موفقه

 

["محارة"]

رد: بنات منو حاطه او كانت حاطه تقويييم ؟

بالنسبة للمتحرك اكون منه بالخاص يكون دايم انا شايفتة بالميدان يكون من ورا اسنانج يعني مايبين من الداخل ويتم معاج 10 الى 15 سنة .. وانا الحين اسويه عند >ريم الشطي الي بفرع صباح السالم واهيا وايد شاطرة .. للعلم انا كنت مركبة بالحكومة 4 سنين بس كلة غلط والحين مرة ثانية ركبت فسالفت مايصير مرة ثانية الاسنان تطيح غلط لاني سألتها قالت ذهيله غلطانين فركبت عندها والحين صارلي سنة و8 شهور ووايد فاهمة اهيا متخرجة من لندن يعني بعد ماكو افهم من الي هناك وماخذة البورد والدكتوراه والزمالة بعد من عندهم فروحي لها وماراح تندمين .. والحين جنة مسوين عرض فتح ملف واستشارة Free روح حتى لو بس تشوفين رايها ....

 

[لوالو_q8]

رد: بنات منو حاطه او كانت حاطه تقويييم ؟

بنات جم يوم قعدتو لما شالو اسنانكم ؟؟
انا قالولي تشيلينهم وعقبه باسبوع نحطلج التقويم
قاعده احاتي شلون اقعد بدون اسناااان

 

[تمنيتك]

رد: بنات منو حاطه او كانت حاطه تقويييم ؟

انا حاطته قبل سنه ونص >مشاءالله الايام تمشي بسرعه


ب انترتاشيونال كلينك


قالي سنتين بس اتوقع بتزيد لوول لان وايد كنت اطنش بسبت السفر او امتحانات قبل


بصراحه عادي ولا مره عورني الا سبوع اللي فات لان بحركهم قبل كان بينزلهم لان كانو داشين باللثه


وتفخ شفايفي لووول بس الحمدالله حلو علي


ويحليله الدكتور كل مااروح يحطلي لون مخليته علي كيفه


وسعر 1300 جنا مو اكثر كل شهر 50 ومرات كان يسويلي بس مادفع شهرين جذي

 

[لوالو_q8]

رد: بنات منو حاطه او كانت حاطه تقويييم ؟

انزين بنات ايهو احسن الشفاف والا اللون العادي السلفر ؟؟؟

 

[eMotioN ~]

رد: بنات منو حاطه او كانت حاطه تقويييم ؟

واااي بنات انا كنت افكر << افكر اني احط
بس يوم دريت انهم لازم يشلعون جم ضرس لالا خلاص عفته !!!!!!
لازم يشلع ؟؟

عاد والله عندي بعد هالضرررس راد لي ورا وشكله غلط
لو يتعدل برتاح حتى لو بدون تقويم بس مادري شسوي فييييييه
همن جم ضرس مو عدلين بس عندي هذااا اللي حده مخرب شكلي =\

 

[لوالو_q8]

رد: بنات منو حاطه او كانت حاطه تقويييم ؟

اي لازم يشلعون يقولون

انا بعد بس ضرس راد ورا وباط جبدي من جذي بحط تقويم

 

[eng.jacvara]

رد: بنات منو حاطه او كانت حاطه تقويييم ؟

شوفي انا حطيته قبل سنه وشهرين كان عمري 22
الصراحه بالبدايه ماكان ودي احطه,,, اقول كبيره وحاطه تقويم وشكله يصي مو حلو ومن هالحجي
وحطيته شفافي ما يبين والحين ماشالله شقولج ويهي وحده ثانيه وايد غير اسناني وغير ويهي بعد
وتحسفت اني ما حطيته من زمان
وقالي الدكتور على اخر السنه ان شالله اشيله
وبالنسبه للعوار طبيعي يعور اول 3 ايام بعدين عادي بتحملين
واي استفسار انا حاضرة

 

[eng.jacvara]

رد: بنات منو حاطه او كانت حاطه تقويييم ؟

لولو عادي انا شلت اربع ضروس بس مو ورا بعض كل يومين اروح اشيل ضرس
واخر ضرس شلته وثاني يوم ركبت تقويم مالج شغل بالدكتور قوليله بشيل وثاني يوم ركبلي
انا حطيت التقويم بعيادة الفوزان دكتوري هندي عجيب ومواعيده احلى كل شهر والصراحه الاميري ينقعج 3 شهور على الدور الثاني

 

[لوالو_q8]

رد: بنات منو حاطه او كانت حاطه تقويييم ؟

انا بعد متحسفه لاني ماحطيت من زماان المفروض من الثنويه
انا قلت يمكن احط الشفاف لانه مايبين احسن صح ؟؟

اي انا قالي الدكتور بيوم شيلي ضرسين ونطري جم يوم وشيلي الضرسين الباجي

 

[eng.jacvara]

رد: بنات منو حاطه او كانت حاطه تقويييم ؟

لا ديري بالج تشيلين ضرسين بيوم واحد خلي كل يوم ضرس لان اثنين ما تقدرين تحملين عوار الراس منهم
اي حطي شفافي انا حاطته يهبل ما يبين ولا تصدقين اللي تقولج ان مفعوله مو نفس مفعلو الحديد,,, والله نفس المفعول هذا تقويم وهقذا تقويم ماكو فرق كلش
واي استفسار انا حاظرة

 

[لوالو_q8]

رد: بنات منو حاطه او كانت حاطه تقويييم ؟

انشالله بحط
انا الحين حاطلي الحلقات الحديد
وفي صوب حده يعورني ماني قادره اكل
ولما اتكلم يجرح لساني
هذا طبيعي العوار والا لا ؟
لانه بس صوب واااحد
شكييت قلت يمكن مو مركبها عدل

 

[eng.jacvara]

رد: بنات منو حاطه او كانت حاطه تقويييم ؟

لا عادي طبيعي اللي تحسين فيه كلها يومين ويروح العوار بس شنو هذي الحلقات؟ اللي داخل تنحط ؟ اللي يسمونها القفل اللي يمسك السلك بآخر ضرس هذا اللي تقصدينه؟؟ انتي حاطه تقويم بالحكومه؟ لان في فرق بالأدوات بين الخاص والحكومه؟
عموما قولي حق الدكتور يعطيج (واكس) اهو نفس الشمع تكورينه بيدج وتحطينه عالحديد عشان ما يسوي احتكاك بين ضرسج واللثه

 

[لوالو_q8]

رد: بنات منو حاطه او كانت حاطه تقويييم ؟

ايي اللي بالاسنان الاخيره اللي يمسك السلك
اي بالاميري
القاه بالصيدليه الواكس ؟

 

[^همآليل^]

رد: بنات منو حاطه او كانت حاطه تقويييم ؟

انا عن نفسي حطيته بس سنه ونص بالضبط
شالوا اربع ضروس عااادي بس شلتهم بخاص لاني كنت خايفه شوي
اول مره يشيلون من صوب واحد ضرسين والمره الثانيه ضرسين الصوب الثاني
اهو يعور اول شي يعني ماتقدرين تاكلين براحتج بس عادي بعدين تتعودين
ولا احد يسوي فيج مثل ماسوو فيني خرعوني يعور وماتقدرين تتحملين لاااا عاااااااااااادي

وبالتوفيق

 

[لوالو_q8]

رد: بنات منو حاطه او كانت حاطه تقويييم ؟

بندووره اي كلمن مخرعني
حدي مخترعه
بس انشالله خير